تويت
بالعامية... شو ناقص الوحدات ليرجع مرعب زي زمان
رح احكي بالعامية من وجهة نظري الشخصية وبدكم تصبروا علي شوية وتكملوا للآخر شو بحكي
من كم يوم اجت على بالي فكرة وقلت لحالي ليش بصير هيك مع الوحدات؟ طيب جبنا أحسن لعيبة في البلد وصار عنا تقريبا منتخب كامل من الحراسة للدفاع مرورا بالوسط وصولا للهدافين.
بعدين في عنا مدير فني فهمان يعني مش ابن امبارح وعنده فكر كروي ومش ناقصة اشي، وللامانه ما ظل حدى من الناس اللي بتفهم بالتحليل الا وشارك وحكى رأيه وحلل ومحص وما خلوا خطة ولا تكتيك ولا مهارات ولا توظيف مراكز الا وحكوا فيها ... يعني الفريق اشبع من التحليل الفني والشغلات اللي احنا كمشجعين عاديين ما منفهم فيها.
قررت ارجع واحضر المباريات اللي لعبناها هذا الموسم وأشوف شو الي ما قدرنا نشوفه كمشجعين ومتابعين من الناحية غير الفنية.. وفعلا اخذت معي كم يوم وحضرت معظم المباريات مع واحد صاحبي مثلي من الناس اللي ما بتفهم في التكتيك والتحليل وبعده قعدنا نتذكر ونحكي عن مباريات ايام زمان بامكانياتها المتواضعة واللي تعتير نقطة في بحر هالايام اللي اللاعب ماخذ حقة وزيادة فيها ومع هيك ما في كرة قدم حلوة ولا نتائج مرضية ولا لعب زي العالم
بصراحة لفت انتباهي طريقة لعب الفرق المنافسة حتى لعيبتها المحترفين وطلعت بنتيجة .. اكيد مش اختراع ذرة بس هذا اللي طلع معي
من الناحية الفنية كل شي موجود ... والحل انه نتطلع على الفرق الاخرى ... يا أخي لعيبتها بحرقوا حالهم في الملعب وكأنها مباراة حياة أو موت اما شبابنا او اغلبهم كأنه رايح على رحلة مع ناس بعرفهمش لا في حماس ولا روح ولا قتال وكأنه واجب بده يعمله وخلص
آآآآآآآه... هون مربط الفرس وهون حطينا ايدنا على الجرح
فنيا احنا الأفضل لكن بدك مين يكمل شكله فنيا لوحدها ما بتكفي وناقصنا الشغلة الثانية اللي مش عارف شو اسميها أصلا الاعتراف بالحق فضيلة لاني مش مختص بس هي شغلة الغيرة والقتال والاستبسال والحرقة والانتماء واللي بصراحة كنا نشوفها احيانا آخر ربع ساعة من المباراة لما يكون فات الفوت وطارت الطيور بأرزاقها... سألني صاحبي ليش الشباب ما بتلعب كل المباراة كأنها آخر ربع ساعة.. الله ما عرفت ارد عليه ولا شو اقول له.. حكيت له احسن اشي نشارك حبايبنا بهالموضوع يمكن في حدى بقدر يحكيلنا شو اسم هاي الشغلة اللي بتنقصنا من الناحية اللي مش فنية واللي اعتقد انه هي اساس البطولات وشكل الفريق حتى يرجع مرعب زي زمااااااااااااااان
وبتمنى من الشباب المختصين بالتحليلات الفنية والامور التكتيكية ما يزعلوا مني لاني عن جد جاهل بالامور تبعتهم وما بعرف الا كيف اشجع واستمتع بالفطرة.
من كم يوم اجت على بالي فكرة وقلت لحالي ليش بصير هيك مع الوحدات؟ طيب جبنا أحسن لعيبة في البلد وصار عنا تقريبا منتخب كامل من الحراسة للدفاع مرورا بالوسط وصولا للهدافين.
بعدين في عنا مدير فني فهمان يعني مش ابن امبارح وعنده فكر كروي ومش ناقصة اشي، وللامانه ما ظل حدى من الناس اللي بتفهم بالتحليل الا وشارك وحكى رأيه وحلل ومحص وما خلوا خطة ولا تكتيك ولا مهارات ولا توظيف مراكز الا وحكوا فيها ... يعني الفريق اشبع من التحليل الفني والشغلات اللي احنا كمشجعين عاديين ما منفهم فيها.
قررت ارجع واحضر المباريات اللي لعبناها هذا الموسم وأشوف شو الي ما قدرنا نشوفه كمشجعين ومتابعين من الناحية غير الفنية.. وفعلا اخذت معي كم يوم وحضرت معظم المباريات مع واحد صاحبي مثلي من الناس اللي ما بتفهم في التكتيك والتحليل وبعده قعدنا نتذكر ونحكي عن مباريات ايام زمان بامكانياتها المتواضعة واللي تعتير نقطة في بحر هالايام اللي اللاعب ماخذ حقة وزيادة فيها ومع هيك ما في كرة قدم حلوة ولا نتائج مرضية ولا لعب زي العالم
بصراحة لفت انتباهي طريقة لعب الفرق المنافسة حتى لعيبتها المحترفين وطلعت بنتيجة .. اكيد مش اختراع ذرة بس هذا اللي طلع معي
من الناحية الفنية كل شي موجود ... والحل انه نتطلع على الفرق الاخرى ... يا أخي لعيبتها بحرقوا حالهم في الملعب وكأنها مباراة حياة أو موت اما شبابنا او اغلبهم كأنه رايح على رحلة مع ناس بعرفهمش لا في حماس ولا روح ولا قتال وكأنه واجب بده يعمله وخلص
آآآآآآآه... هون مربط الفرس وهون حطينا ايدنا على الجرح
فنيا احنا الأفضل لكن بدك مين يكمل شكله فنيا لوحدها ما بتكفي وناقصنا الشغلة الثانية اللي مش عارف شو اسميها أصلا الاعتراف بالحق فضيلة لاني مش مختص بس هي شغلة الغيرة والقتال والاستبسال والحرقة والانتماء واللي بصراحة كنا نشوفها احيانا آخر ربع ساعة من المباراة لما يكون فات الفوت وطارت الطيور بأرزاقها... سألني صاحبي ليش الشباب ما بتلعب كل المباراة كأنها آخر ربع ساعة.. الله ما عرفت ارد عليه ولا شو اقول له.. حكيت له احسن اشي نشارك حبايبنا بهالموضوع يمكن في حدى بقدر يحكيلنا شو اسم هاي الشغلة اللي بتنقصنا من الناحية اللي مش فنية واللي اعتقد انه هي اساس البطولات وشكل الفريق حتى يرجع مرعب زي زمااااااااااااااان
وبتمنى من الشباب المختصين بالتحليلات الفنية والامور التكتيكية ما يزعلوا مني لاني عن جد جاهل بالامور تبعتهم وما بعرف الا كيف اشجع واستمتع بالفطرة.
تعليق