البقعة يجدد مطالبته بلجنة تحقيق حول مباراة الوحدات

[dr.ashraf]

يا اخوان انا مش عارف شو علاقة نادي مخيم بكل الموضوع .. البقعة مثله مثل أي نادي آخر من الاثني عشر ناديا .. كلهم أندية وطن.. والا احنا بناطلب بشي مرة وبناقضه مرة.. لهيك ما بشوف في داعي ندافع عن البقعة هالدفاع المستميت.. زيه زي اي نادي.. بالعكس هو من اكثر النوادي الي واقفة ضد الوحدات بالباع والذراع.. مع مقاطعة اي مباراة بيتية لأي فريق بتمادى مع الوحدات لأن أفضل طريقة للتعامل مع هيك أندية عن طريق حرمانها من ريع مبارياتها البيتية ولنبدأ بالبقعة...
جمهور الوحدات اكبر جمهور بالبلد والشمس ما بتتغطى بغربال هذا واقع ويجب توجيهه بالطريق الصح.. دوا لهيك أندية جمهورها ما بكمل صف واحد

[wehdaty-mor]

معقول ٢٠٠٠ واحد؟ !!!!
ممكن، ليش لا ... الوضع الاقتصادي مريح والناس بدها ترفّه عن نفسها، وهاي كانت مباراة مفصلية مصيرية للبقعة.

بكل جدية، لا أدري لماذا الاخوة هنا ممقوتين وغاضبين من طلب البقعة. هذا من حق البقعة ولا يجوز لاي احد ان يتصرف بمستحقاته، وكل الاندية الاخرى من جزيرة ورمثا وأهلي عملوا حركات قرعة معنا من اجل مساومتنا على المقاعد ومجاكرتنا! ... فلماذا نستنكر على البقعة ذلك؟!

وبعدين، شكواه ومعركته هي مع الاتحاد وعلى الاتحاد، فلماذا ندافع عن الاتحاد؟ خليهم يدافعوا عن أنفسهم ويبرروا فعلتهم، ونعم، فليعوضوا الألفين مشجع بقعاوي ان صح ادعائهم.

لسنا بحاجة شق صفوف ولا تاجيج بعضنا على بعض. البقعة عم يلعبها صح. علينا ان نصمت

كلام سليم ... معركتهم مع الاتحاد .. والمفروض انو احنا ما عنا مشكله مع البقعه.. و مثل ما تفضلت هو حقهم وتم التصرف به .. لا احنا زعلانين ولا بطلعلنا نزعل مشان الحق ما بزعل ..

[safmarine]

قال 2000 مشجع!!

انا كنت عند حهة البقعة والله كل جمهور البقعة اللي حضر ما بوصل 100 واحد وقلت 100 واحد عشان اكون صادق بيميني وهم فعليا ما تجاوزوا ال50

[ياجبل ما يهزك ريح]

يا اخي البقعاوي بحتار يشجع الوحدات او البقعة... عيب يا ادارة البقعة هالحكي

[RAMI HHH]

ههههه اول مرة بعرف انه البقعة عنده جمهور

[CaT]

عمري ما حبيت هالفريق،، وبكره اللي بيسميه شقيق

هههههههه طول بالك

ولا انا ما حبيتهم

[roock]

لازمهم تاديب نادي البقعه المفروض بمباراة الاياب عارضهم ما يحضر ولا وحداتي عشان ما يستفيدو ولا قرش من ريع المباراه

[سند وحداتي للابد]

باذن الله البقعة على الدرجة الاولى

اكثر فريق بيلعب بلئامة وحقد مع الوحدات وكانه في بينهم ثار

صار الهم جمهور هسة

[ABU YASER SWEDEN]

كم كانت النتيجه

للتذكير فقط
كم انتهت نتيجة المباراه
هلا صار عندكم جمهور

[وحداتي للسما]

يا اخوان انا مش عارف شو علاقة نادي مخيم بكل الموضوع .. البقعة مثله مثل أي نادي آخر من الاثني عشر ناديا .. كلهم أندية وطن.. والا احنا بناطلب بشي مرة وبناقضه مرة.. لهيك ما بشوف في داعي ندافع عن البقعة هالدفاع المستميت.. زيه زي اي نادي.. بالعكس هو من اكثر النوادي الي واقفة ضد الوحدات بالباع والذراع.. مع مقاطعة اي مباراة بيتية لأي فريق بتمادى مع الوحدات لأن أفضل طريقة للتعامل مع هيك أندية عن طريق حرمانها من ريع مبارياتها البيتية ولنبدأ بالبقعة...
جمهور الوحدات اكبر جمهور بالبلد والشمس ما بتتغطى بغربال هذا واقع ويجب توجيهه بالطريق الصح.. دوا لهيك أندية جمهورها ما بكمل صف واحد

مع كل كلمة كتبتها اخي العزيز قلبا وقالبا

100000%

[وحداتي مهيمن]

والله لو كانوا اللي ما بتسموا ما جابوا سيره

[ابو مصعب]

شقيقنا البقعة اله عنا دوري مطنطن جابلنا اياه من نص المخيم
اذا اله حق يوخذه من الاتحاد احنا مش طرف في المشكلة
و البقعاوي وحداتي بالفطرة

[jamal nashwan]

يا اخوان انا مش عارف شو علاقة نادي مخيم بكل الموضوع .. البقعة مثله مثل أي نادي آخر من الاثني عشر ناديا .. كلهم أندية وطن.. والا احنا بناطلب بشي مرة وبناقضه مرة.. لهيك ما بشوف في داعي ندافع عن البقعة هالدفاع المستميت.. زيه زي اي نادي.. بالعكس هو من اكثر النوادي الي واقفة ضد الوحدات بالباع والذراع.. مع مقاطعة اي مباراة بيتية لأي فريق بتمادى مع الوحدات لأن أفضل طريقة للتعامل مع هيك أندية عن طريق حرمانها من ريع مبارياتها البيتية ولنبدأ بالبقعة...
جمهور الوحدات اكبر جمهور بالبلد والشمس ما بتتغطى بغربال هذا واقع ويجب توجيهه بالطريق الصح.. دوا لهيك أندية جمهورها ما بكمل صف واحد

مع كل كلمة كتبتها اخي العزيز قلبا وقالبا

100000%

عزيزي الدكتور أشرف، وعزيزي وحداتي للسما ..

مسّـاكما الله بالخير، ويعلم سبحانه وتعالى مدى محبتي واحترامي لكما.

ههههههه ، مِش عارف ما أرُدِّش، أو بالأحرى مِش قادر ما أرُدِّش ههههههه .

أول واحد عاكس التيار، وربما الوحيد اللي عاكسه في هذا الموضوع، وردّ خِلاف الردود والمشاركات اللي فيه، وخاصة اللي جاب سيرة المخيمات وأنديتها هو أنا، ولو تلاحظوا يا غاليين في كل الردود اللي قبلي إنّـو اللي مش نازل نَجِر في البقعة، وجَزّْ عن جنب وطرف فعلى الأقل ردّه فيه اللوم، وإنكار لحق البقعة بمطالبته بحضور جمهوره وتخصيص النسبة المقررة وإنقاص من قيمة وقدْر هذا الجمهور البقعاوي، وحتى الردود اللي بعدي استمرت في ذلك، منها ما كان بتحفظ ومنها ما جاء بتمادٍ وتطاول على نادٍ من أندية الوطن، أسعى وأُنادي -كما تفضلتَ دكتورنا العزيز- أن يكون ناديَّ الذي أشجعه أنا الآخر محسوبا على هذا الوطن وأن يُنادَى به كما يُنادَى بغيره من الأندية، وعشان هيك مِش قادر ما أرُدِّش، لإنّي حاسس أو متأكّد أن هذا الكلام موجّه إلي، لإنّو ما فيش غيري جاب سيرة المخيمات وأنديتها، وكان غرضي من ذلك أن هذا (البقعة) واحد من أندية هالمخيمات الغلبانِه، فالشغلِه ما وقّفتْش عليه أن يطالب بحق من حقوقه في مواجهة له مع فريقنا اللي بنشجّعه ، مع يقيني أن هالحادثة هاي لو حصلت أمام نادٍ آخر لطالب بما طالب به في مواجهته معنا، لكن شاء الله وحكمت الظروف أن يكون هذا الموقف قد حدث في مباراته معنا.

قبل شهرين زمان كانت مباراتنا مع الجزيرة في نهائي الدرع، واللي جمهورهم بجيش ربع جمهور البقعة وشفتوا شو سوُّوا،،، كثير من ردود الإخوة حينها، ومنهم إخوة هنا في هذا الموضوع حمّلوا مسؤولية التنازل عن نسبة الـ 75% لمجلس إداراتنا وأنهم رضخوا لإرادة إدارة نادي الجزيرة والتي أرادت كذلك رفع أسعار التذاكر، قبل أن تنحسم الأمور وتسير وِفق ما اشتهته الجماهير الوحداتية وطالبت به.

الغريب في الأمر حينها، أنني لم أرَ هجوما ضاريا ولا اندفاعا كاسرا على نادي الجزيرة ولا على إداراته ولا على جماهيره، كما رأيتُ في ردّك يا دكتورنا الغالي بأن هناك دفاعا مستميتا عن البقعة، وأنه ما فيش داعي إلُه- لهذا الدفاع المستميت - كما تفضلتَ، على الرغم من إنّي شايف إنُّـو ما فيش حدا دافع عن البقعة، إلا إذا اعتبرت أنني بذكري لوضع البقعة ووصفه بأنه من أندية المخيمات هو دفاع عنه ؟!.

كل الاحترام لكل الأندية الأردنية، ولك يا دكتورنا وللأخ وحداتي للسما ولكل الإخوة الأعضاء، ومِش عارف ما أرُدِّش .

[أبو فايز]

، وربما الوحيد اللي عاكسه في هذا الموضوع، وردّ خِلاف الردود والمشاركات اللي فيه، وخاصة اللي جاب سيرة المخيمات وأنديتها هو أنا،

ومِش عارف ما أرُدِّش .

انا قبلك ابو احمد

[jamal nashwan]

انا قبلك ابو احمد

ما أنا عارف ، وعشان هيك حكيت ربما !.

ربما هاي في اللغة تفيد التشكيك وعدم القطع بالأمر .
بعدين أنا بحكي عـ قصة المخيمات