|| فيديو || ملخص وإحصائيات مباراة الرمثا 0 / 0 العقبة || دور المجموعات كأس الأردن مناصير 2017 / 2018

[ملتيميديا الوحدات نت]

اح بس شو برد .. والصوبه خربانه .. والكاز غالي .. واانا ولا على بالي ..

الله يرحمك يا "ستي " .. ما بنسى قولتك " الكانون" يما يا عربي جيب فحم

واتدفى يا ولدي .. ومن هذيك الايام وانا دقه قديمه .. وكانوني بستغنيش عنو

والو قيمه .. وعلى قوله هيك ستي علمتني .. الله يجعل مثواكي الجنه يا ستي

ومره من هالمرات ... جبنا هالفحمات ..." وزتيناهن " بالكانون .. وسرحت

شوي ورجعت فينا الذكريات .. تذكرت ستي لما كانت تقلي وللك يا عربي روح

ولع هالفحمات .. الجو بارد بدنا نتدفى .. كوم وللك يالله هااااااااااااات ...

حاضر حاضر يا ستي ... وللك هي يماااااا يا عربي شو صار معك الله اكبر

عليك وين راح هالولد ... شو كاعد بتعمل عندك ليش ما جبت الفحمات ..

يا ستي كيس الفحم كاعده عليه "بسه" وانا بحبش البسس .. وللك يا "مسخم"

بدكاش تصير زلمه .. حدا بخاف من بسه ... تعال معي يا عربي تعال

لا لا يا ستي بديش تعال وللك حسس عليها وطعميها عظمه ... وفعلا

يا جماعه الخير من يومها وانا صرت صحبه كثير مع البسس ...

هي يما يا عربي .. كوم جبلنا شويه حطب .. الفحمات بلشن يطفن يماااااااا

وبعدين مع هالقصه .. حاضر يا ستي ... وينك يمااااا عزاااا وين راح هالولد

وين الحطبات وللك ليش مش جايبهن .. يا ستي الحوش فيه كلب ..

تعال معي تعال يماااااااا ... الكلاب ما بخفوا يا ستي .. زيهن زي البسس

جرب حسس عليهم وارميلهم كمن عظمه .. الله الله عليكي يا ستي

ومن يومها وبطلت اخاف من الكلاب .. يا الله ما اروعك يا ستي ..

وبليله من الليالي تعبت ستي ومرضت .. لا دوا راضي يجاوب معها

حاولت اجيبلها دكتور بس ما اقتنعت .. وحكتلي خلص يا ستي ..

شكلوا عمري قرب يخلص تعال جنبي وخليك معي تعال اسمع هالوصيه

ومسكت ايدها الحنونه .. وشفت اشياء بايدها وانا اقلها شو هاظ يا ستي

ليش ايدك هيك .. اشوف ايدك الثانيه يا ستي .. مالهم ايديكي يا ستي

تقلي يا ستي بتتذكر البسه والكلب الي كنت تخاف منهم .. اه بتذكر

كثير بسس خرمشوني .. وكثير كلاب عضوني .. كل ما كنت اطعميهم

مش بسهوله يا ستي تعودوا علي وحبوني ..

كنت اتأذى منهم يا ستي .. يا الله شو انك حنونه يا ستي ... ومع كل هاظ

ضليتك معهم حنونه تاكليهم تشربيهم وتعطفي عليهم .. فش اشي بيضيع

عند ربنا يما يا عربي .. بكرا يا يمه راح تلاقي بحياتك كثير ناس ...

راح يذايقوق وجرحوك ويسبوك .. ويقسوا عليك .. لانو الدنيا فيها المنيح

وفيها القبيح يمااااا .. واذا الله اعطاك العمر راح تشوف كثير

بدك تصبر عليهم يماااااا وتضللك دايما منيح ... ولا تنسى

كل واحد بعمل باصلوا يا يمااااااا .. والي ما بعمل باصلوا يموت اريحلوا

راح يطعنوا باصللك .. وبارضك ... وتوصل فيهم كمان يشتموا عرضك

ابعد عنهم يا ستي .. والي ما بخاف من الله ... خاف منه ...


وبكرا راح تعرف ليش الكلاب والبسس بيستاهلوا اكثر منهم ...





ودير باللك توصل لمستواهم يا ستي ... وتذكر قول الله تعالى :

" لِمِثْلِ هَذَا فَلْيَعْمَلْ الْعَامِلُونَ " ... وراح تعرف وقتها يا ستي ...


وفجأه سكتت ستي .. يا ستي يا ستي ردي علي ... الله يرحمك يا ستي

ومرت الايام .. وبكل يوم اجيب اكل للكلب وللبسه ... وكل يوم الاقي الاكل

زي ما هو ... لا الكلب راضي يوكل ولا البسه راضيه تشرب ... وبيوم

من الايام رحت اجيب هالفحمات واجيب الحطبات ... ولقيت البسه ميته

ولقيت الكلب ميت ... تعودوا ما يوكلوا الا من ايدين ستي الحنونه ..

وقتها فهمت شو كان قصدها ببكرا ستي ... وانتهت الحكايه ...




ان شاء الله تكونوا انتوا كمان يا اخواني فهمتوا شو قصدها ستي

اما انتم يا من تشمتون الاعراض وتجاهرون بالسوء ...

وتفتخرون بقله الاخلاق امام الجميع اقول لكم

ستموتون



سنبقى نصفق لكم ... فكلما قلت اخلاقكم صغرتم .. وكبرنااااااا باخلاقنا وافعالنا

همسه : هذه القصه الصغيره ببلاش والي بقراها ما بوخذ انذار ومعفي من الرسوم

ويا حيف على هيك زلم يا حيف ... وبيحكوللك اللهم اسقنا الغيث ...

[أبو فايز]

ول!!!
ما لحقوش يفسكو

[ماجد جامع]

الله يعطيكم العافيه