الاخوات المشجعات ...

[سفيان أبوشنب]

أحسنت أخي الكريم

احسن الله اليك اخي روبن هود

[سفيان أبوشنب]

بتعرف اخي سفيان زمان قلت لابن اخوي نفسي احضر مباراة في الملعب ،اتطلع علي وقلي عمتي مابدك اياها الملعب مكان ما بناسبك ،هاي الكلمة بتخطر على بالي كل ما شفت بنت في الملعب.
المصور كان قاصد ما يجيب الا صورة هالمشجعة الوحداتية تقول ما في غيرها في الملعب.

الله يجزيك الخير اختي ام يزن .. عين الصواب ان تلتزم الفتاة بيتها

[سفيان أبوشنب]

حركات المخرج كانت ملفته للنظر ولكن يبدو انه بتسليطه الكاميرا لاكثر من مره وعلى نفس الفتاه هي حركات زعرته وولدنة اريد بها باطل وهي تدل على انه حقير

وهو كذلك اخي الكوفية .. المصور زادها كثير وتمادى الى ابعد الحدود ..
وما استفزني اكثر هو نشر صورة الفتاة على بعض المواقع الرياضية لبعض الاندية وكأنهم يشهروا بها ..

[سفيان أبوشنب]

حاسس انه المصور اخرته ياكل كتله

اخي ابو سند الغالي .. بالنسبة إلي انا لا اضع اللوم على المصور بقدر ما اضعه على صاحبة العلاقة .. ما في داعي تروح عالملعب وتحضرها بالبيت ..
والمصور لازم تنقرص اذنه

[سفيان أبوشنب]

صدقت وأنا إنتقدت المصور لإصراره وتركيزه على بنت معينة من دون الحضور في الملعب
شكرا أخي سفيان لموضوعك المهم

العفو اخوي ابو علاء الغالي ..
ولا تنسى هذا عصر الفوتو شوب وبإمكانهم دبلجت الصورة بطريقة قذرة ..
والخسران بهذه الحالة هو الفتاة ولا اقصدها بالتحديد ولكن بشكل عام ..

[سفيان أبوشنب]

موضوع مهم جدن وانا ملاحظه وانا بتابع كل المواقع وصراحة اكثر واحد بركز على صور زي هيك مصورنا اللورد ويا ريت تنصحوه بلاش من هي الصور

هسا تركت مصور التلفزيون ودقيت باللورد ؟؟
غريب امرك !!!
واللورد اذا صور مرة او مرتين صار اكثر واحد بركز زي هيك ؟؟؟
هل اللورد هو الي بصور بالتلفزيون لجميع الفضائيات ..
اتقي الله ...
على فكرة انا شفت اسمك بموقع رياضي ثاني .. صح ؟؟

[ماجد جامع]

الله يستر على جميع بنات المسلمات

[بحار عربي]

جزاك الله خير
اصبت

[عاشقة المارد الاخضر]

بصراحة لما كنت بالاردن كتير كتير كان نفسي اروح ع الملعب واحضر مباراة للوحدات ولو مرة وحدة بس !!
كنت صغيرة شوي ما كنت افهم سبب منع اهلي من اني اروح ! كانو يضلو يحكولي عيب !!
بس هلا لما كبرت فهمت ! يعني شغلة المصور اللي حكيت عنها اخي احد الاسباب ! كمان شغلة المسبات جد اشي مش طبيعي ! واشي بخزي صراحة ! من كل الجماهير بما فيهم جماهير الوحدات كمان كتير بسبو وبغلطو "طبعا مش الكل " ! يعني لحد الان بس نحضر المباراة خاصة مع الاهل ! ونسمع مسبات اشي مقزز وبخلي الواحد يشمئز عنجد والله انوالواحد بستحي من حالو مع انو ما الو ذنب باللي بسمعو !! انداااااري !
باالاخر حرمت اطلب من اهلي هيك طلب

[د.محمد مخلوف]

كلام سليم ...وياريت النصيحة توصل للجميع

[raedimran]

بارك الله فيك
كلام من ذهب

[علاء ناصر]

قلبتوها دين وديانة واخلاق ومن عرف شو
يا اخوان شوارعنا اوسخ من اي ملعب والبنت وهي ماشية بتسمع كلمات ما حابب اذكرها هنا فكفانا مثاليات فمجتمعنا وسخ بمجمله
بعدين من حق اي فتاة ان تذهب الى الملعب فهو ليس حكرا على الشباب فقط

[وحداتي بالمهجر]

مصورين ما بنفعو لسناب شات حتى اشي بخزي وامراض نفسيه

[الكوفية]

وهو كذلك اخي الكوفية .. المصور زادها كثير وتمادى الى ابعد الحدود ..
وما استفزني اكثر هو نشر صورة الفتاة على بعض المواقع الرياضية لبعض الاندية وكأنهم يشهروا بها ..

ناس ما بتخاف من ربنا ولا من جورة عتمة

[أبو فايز]

صلوا ع النبي يا جماعة... شو هالحكي المش موزون. حكي مثاليات موزون بميزان ذكوري من الدرجة الاولى

عورة شو ؟! يعني مش كلنا بنطلع مع نسوانا عالمولات وبالتيارات وبالتيارات وبسوق الخضرة وبالباصات والمستشفيات ... بناتنا بتصوروش يعني؟


كله نازل يقول استر والله يستر... حسّيت انه صايدين صيدة بنادي ليلي، ولا لاقط صورة لوحدة ع مسبح المدينة !!! طب افسح مجال اخي الكريم وخلي مكان للبنات يروحوا الملعب وخليك انت قاعد بالبيت عالتلفزيون.

وَيَا سيدي وخليه حاطط صورتها طول المباراة ؟ شو يعني! شو هالامر العظيم اللي صار؟! شو العورة اللي ظهرت وما قدرتش الا انك تحكي عنها من باب الشرع والدين! كيف طلعت معك هالفتوة؟!

ويعني اذا رجال مسموحله وعادي انه يضله ينطنط قدام الكاميرا ومقضيهها باي باي وشوفوني ما احلاني،،، والبنت لو المصور صورها صارت عورة وعيب ولا يجوز .. وبتصير المثاليات هي العنوان.

اخي الكريم، نعتز بفتياتنا أينما كن وكيفما كن. هن اخوات الرجال، واثبتت المرأة نفسها في كل مكان بالمجتمع سواء اتفقنا معها ام اختلفنا. وان كنت خايف من سماعها للشتائم، فأطمئنكم، الشتائم نسمعها من وقت ما تفتح باب البيت حتى تعود اليه. الكل يشتم حتى أصبحت الاذن لا تنتبه له لا من رجل ولا امرأة

على معيارًكم يجب ان نوئد بناتنا ونمنع التعليم وتكون بيوتنا سجونا لهن!

عشان المصور ركز الكاميرا على بنت صارت البنت عورة وممنوع تيجي على الملعب حدث هذا في 17-10-2017!!!!

2017 ومواضيعنا بعدها تتكلم عن اذا المرأة عورة ولا لا ، واذا يجوز لها حضور مباراة وتتصور ع التلفزيون. هذا كيف لو قدري حسن عمل مع بناتنا مقابلة، شو بصير؟!!!