الوحدات نت بضوابط ... والوحدات على الفيسبوك ما هب ودب/ صف لنا كيف تعرفت على الوحدات نت.

[أبو فارس]

كليب روعة ........ يكفي فيه الأغنية الفلسطينية والعلم
الف شكر يا ختيار

[ماجد جامع]

كل التوفيق للوحدات

[ابو محمد عماد]

شهادة يعتز بها الوحدات نت

[AbuLamar]

جاوبتك هنيك

[عبدالله الكعكة]

الحمد لله يا رب عل نعمة الوحدات نت وباقي مواقع الوحدات
بصراحه اجمل شي بالدنيا هل المواقع الي عرفتنا على شباب كثير كثير رائعين

[wehdaty-mor]

السلام عليكم و يعطيكم العافية. . برأيي المتواضع أن النوعيه أهم من الكمية. . الفيسبوك زي الحسبة .. بتلاقي العالم المحترمه و بتلاقي العالم المش .. و انا شخصيا لا احبذ الفيس بوك لما فيه من انفلات .. يعني مرات بتقرا شغله بالفيس بدك تروح على دكتور نفسي مشان تتخلص من آثار ما قرأت .. عموما .. وكما أسلفت .. النوعيه أهم من الكمية وهي أساس الاستمرار. . و دمتم

[jamal nashwan]

أنا تعرّفت عليه من زمـــــــــــــــــــــــــان ، من الـ 2006 - 2007 وأنا برّة البلد ، وكنت أتابعه باستمرار .. بسّ ما كانِش إلي عـ التكنولوجيا فما كُنتِش عارف أسجِّل حالي عضو ، حتى اللي كان يفتح لي الموقع كزائر هو واحد من الإخوة العرب اللي كانوا بيشتغلوا معي .. هييييييييييييه ، قصة طويلة يا ابو فارس .. بعرفك ، بتحبِّش اللت والعجن كثير ، فحكيت قصة تَعَرُّفي على الموقع باختصار .

يحيا الوحدات نت ،
ويسقط الفيس بووك وأعوانه وأنسباؤه وأقاربه .. طعّـة وقايمِه ، وإهانات ، ومسح كرامات . عيب ، عيب اللي بيحصل هناك .

الله يعطيك العافية أبو فارس ، موضوعك مهم ، ولو بدّي أحكي فيه بإسهاب أحتاج مجلّدات ، أكتفي برؤوس الأقلام أعلاه .

[ABU OBY]

انا يا اخوان بصراحه بعرف الوحدات نت من 2008 كنت اتابع بس بصراحه مكنتش عارف كيف اسجل فيه من 2010 عرفت كيف التسجيل وسجلنا من هظك الوقت و انا بتابع الوحدات نت فقط كنت ابتعد عن الوحدات نت في حاله عدم الفضاوه يعني الشغل كمان سجلت في الفيسبوك من 2010 بصراحه الايام اللي دخلت على الفيسبوك لا تذكر مع الايام اللي دخلت علي الوحدات نت الوحدات نت هو بيتي الثاني

[AHMAD-abuOmar]

تعرفت عالوحدات نت تقريبا بال 2005 مش متاكد بس ببدايلت الموقعع وعن طريق البحث في النت

للان لازم كل يوم افوت عالموقع وما بثق باي خبر الا اشوفه هون

[أبو يوسف الحوساني]

بديش اكلك

[ثائر مهداوي]

[yousef aliswed]

تعرفت على الوحدات نت في 2010 لما كنت توجيهي كنت احيانا اصفن وانا بدرس واقعد احط تشكيلة وخطط لعب وتكتيك ومن هالحكي.
مابعرف حد شخصيا في هذا المنتدى بس كنت احب افوت واقرا، لانه كنت احس انه في ناس بتفهم مش همها انه تعصب والشتم يعني لما نخسر في روح رياضية جميلة لانه انا اصلا هيك، مشاركاتي قليلة للاسف بس هذا المنتدى ادخل عليه كل يوم من 2010

[وحداتي بالمهجر]

اعتقد في عام 2005 او 2006 اما سافرت وانقطعت عن الوحدات بحثت لقوقل ولقيت الموقع واكثر من مره غيرت الاكاونت لاني انسى الباسورد وكان الفيس بوك جديد كله فلبنيات عايشات بامريكا ههههههههههه ولا في صفحه للوحدات

[kotkot juv]

الوحدات نت الأجمل.

[رود كرول]

موضوع في غاية الأهمية ويستأهل الشكر بامتياز..
الوحدات نت موقع مسؤول، ينطلق من قواعد فنية وإعلامية ذات طابع منظم وشامل، و يملك منظومة تمتاز بالنضج من ذوي الخبرة، و الاطلاع.
واستطاع عبر ما يقدمه من معلومة وصورة وخبر رياضي وتحليل، أن يتمكن من نفوس وأفكار العديد من مشجعي الوحدات، ومحبيه، وحتى من زواره الكرام الذين يودون التعرف والإفادة من المعلومات الواردة فيه.

وليست ثمة مبالغة إذا قلت وهذا رأي العديد من الأخوة هنا أننا نتفوق بكل الصور على المواقع المنتشرة عبر شبكات التواصل الاجتماعي سواء في مستوى الخبر، وموضوعية الملاحظة والتحليل، ودقة الصورة، إضافة إلى رقي ومهنية التعليقات التي يدونها الأعضاء في ردودهم المدرجة.