الآخ رئيس النادي حكالنا تكلكوش ... بس مش زابطه

[التغريبة]

لوكاس افضل من معظم لاعبي الوحدات مجتمعين مع بعض

الفيصلي حصل على دعم مادي لو وزع على كل الأندية الاردنية لكفاهم. شك مفتوح على بياض من رجل اعمال أردني ملياردير
وينظر للفيصلي كاستثمار بيع وشراء لاعبين

[اسلام حسين]

يا جماعة الفيصلي قدام الاهلي المصري تشرشح واجا جولهم بخطأ دفاعي ومع الفريق الجزائري الله خلصهم من طابتين بالعارضة لا تعملوا منهم قصه بكرا بالدوري بنشوفهم....والاهم معظم الفرق بتلعب بالصف التاني...الاهلي لعب بالرديف ...كفانا لطما...

[معاذ العقرباوي]

استغرب فتح هيك موضوع بهيك وقت , لسى الادارة جديدة , لازم ندعمها .
بخصوص الفيصلي , بتعرفو الواحد صار يطل عالخفيف عالمنتدى لاني كمان شوي يبصير اشوف تغزل بفريق الفيصلي على عينك يا تاجر , مكيفين على فريق تكتل دفاعيا امام فريق الاهلي تحت 18 سنة , و اما فريق جزائري 70% من لعيبتو جداد و اتجمعو قبل البطولة بايام , يا اخوان لا تخلو من فريق متواضع لفريق عالمي .
اي بمنتدياتهم و صفحاتهم مش مصدقين انهم فازو , يا اخوان و بعدين يعني , بطولة استعدادية لرديف و تجريب لاعبين جدد سوتولنا اياها احسن من كاس العالم ,
ما كلنا عارفين تحت سن 18 الاهلي مسك نسبة استحواذ فوق 70% قدام فريق منسجم و لاعبينو بلعبو م بعض من سنتين و ما اغير عليهم اشي , لا تضحكو العالم علينا و يفكرونا خفنا .
خفو شوي و اهدو

[eto2]

شو مالكم كل شوي الفيصلي والفيصلي والله لو لعب الفريق الاول بالاهلي لانتهت المبارة على الاقل 4 صفر مش هيك كل الفرق بالبطولة العربية بتلعب بالرديف
اما الوحدات حاليا بيجرب كل اللعيبة ارحمونا شوي وارحمو الفريق
لاعب بفريق الوحدات اليوم بجرش قبل مبارة الحسين بيحكي صرنا نيجي على التدريب والمباراة الودية ونلعب بدون تركيز بسبب الهجوم الدائم علينا والجمهور ما بيعطينا دافع ارحمو اللعيبة قسما بالله قرفتونا انفوت على منتديات او صفحات للوحدات

[ابو سند 77]

ممكن تعطونا فكرة عن خسارة اليوم امام الحسين اربد
و ما سبب الخسارة
و الاداء السيئ لاغلب اللاعبين

[وحداتي فقط]

الفيصلي حصل على دعم مادي لو وزع على كل الأندية الاردنية لكفاهم. شك مفتوح على بياض من رجل اعمال أردني ملياردير
وينظر للفيصلي كاستثمار بيع وشراء لاعبين

يا رجل مرة الشيخ باع بيته حتى يدعم الفيصلي , ومرة دعم من محبي الفيصلي ومرة رجل اعمال ملياردير وللأسف كل هذه الإشاعات نقرأها من صفحات وحداتية , القصة وما فيها الفيصلي تحول من فريق غريق بالديون في الموسم قبل الماضي إلى فريق يصرف ببذخ وكل ذلك بسبب دعم غير مشروع من تحت الطاولة , ومش بعيدة عنهم , بعدين الفيصلي مع كل هذا والله فريق أقل من عادي , الموسم الماضي خسر من شباب الأردن في نهائي الدرع بالخمسة , وفي الدوري حصل على ما يقرب من 9 نقاط زورا وبهتانا وكلنا نعرف ذلك إضافة إلى تعثر المنافسين باخطاء تحكيمية وغيرها ولولا ذلك لحصل على المركز الرابع , وفاز على الوحدات في الدوري والدرع والكأس بسبب الوضع غير الطببيعي للوحدات , وهذا الموسم شارك ببطولة جميع الفرق فيها تشارك بالفريق الثاني وتعتبرها بطولة ودية , ولو ما قلته كان صحيحا لامتلأت الصحف والمواقع الإلكترونية اخبارا عن ذلك , والله ثم والله أنه فريق أقل من عادي , بنظري الوحدات والجزيرة والرمثا والمنشية أفضل منه بكثير ولكن ينقصها الدعم الإعلامي والمادي الذي حصل عليه الغريم - بطرق غير مشروعة -

[باسل بدير]

للأسف بعض الردود أخذت الموضوع الى منحنى آخر

نخن نتكلم عن شأن إداري وحداتي وكان أملنا أن يصل لإدارة النادي لتدارك الأمر لا أكثر ولا أقل

[فريدحسونه]

يا جماعة الفيصلي قدام الاهلي المصري تشرشح واجا جولهم بخطأ دفاعي ومع الفريق الجزائري الله خلصهم من طابتين بالعارضة لا تعملوا منهم قصه بكرا بالدوري بنشوفهم....والاهم معظم الفرق بتلعب بالصف التاني...الاهلي لعب بالرديف ...كفانا لطما...

كلام صحيح مئة بالمئه
واظن اذا خسروا مباراتهم مع الجزيره ومن ثم نفوز عليهم خلاص بصيروا يلاخموا واول شي طرد المدرب وهكذا والايام بيننا

[بسام الحمران]

على كل حال بغض النظر الدوري قادم وسنرى

[حمزة قراقع]

تكلكش يا خال

[نابلسي ودمي اخضر]

وضع النادي غير مطمئن من جميع النواحي سواء الماديه او الفنيه !!!!!
السؤال : نادي الوحدات إلى أين ؟؟؟!!!!!

[عمر دواغرة]

الموضوع كلو غلط وما الو داعي لانو الظاهر الكل ما شاء الله بتنبأ وبعلم بالغيب

وبالنسبة للزميع فش داعي تنجاب سيرتو بالمنتدى

وسلامتكم