من حق الجماهير ... ومن حقك يا حسن !!!!

[jamal nashwan]

آه صحيح ، وإذا على الانتماء والوفاء وغيره ، فهيّك شايف .. يعني لو ظلّ حسن مع الوحدات في الموسم القادم ، وصار اللي صار معه الموسم هذا ، وما بقدّمِش .. في حدا رح يرحمه ويتذكّر وفاءه وانتماءه ، وِلّا رح تروح عليه بعروى الأداء الفني الضعيف ، ووزنه اللي صار 100 كغم ، وأردافه اللي طالعة مترين ؟!.

سيبنا أبو ينال ، زيّ ما قلتلّك .. احكي لُه يظلُّه داعــــــــــــس .

[أبو ينال]

وحياتك يا الحبيب ما أنا ناسيها النقطة هاي كمان ..

بسّ يا حزرك أنت ليوم ما حسن يعتزل ، هذا إذا بيفكّر إنّو يعمل مباراة اعتزال ، بيظلّ حدا يسأل عن حدا ، وفكرك بيظل حدا يفكّـر يدعم لاعب بدّو يعتزل ويرعى له مباراته ؟!.
خالصة .. السنة اللي جاي لا في انتخابات وحدات ولا انتخابات برلمانات !!!.

مباراة الاعتزال عند النجوم الكبار صارت زي يوم العرس

فيها منافسة فيما بينهم والكل يحلم بيوم عرس الكل يحكي عنه

ربما الان لم يعد حسن يفكر بذلك ولذلك اتخذ هذا القرار

[أبو ينال]

آه صحيح ، وإذا على الانتماء والوفاء وغيره ، فهيّك شايف .. يعني لو ظلّ حسن مع الوحدات في الموسم القادم ، وصار اللي صار معه الموسم هذا ، وما بقدّمِش .. في حدا رح يرحمه ويتذكّر وفاءه وانتماءه ، وِلّا رح تروح عليه بعروى الأداء الفني الضعيف ، ووزنه اللي صار 100 كغم ، وأردافه اللي طالعة مترين ؟!.

سيبنا أبو ينال ، زيّ ما قلتلّك .. احكي لُه يظلُّه داعــــــــــــس .

هيو داعس ما شاء الله عليه

الله يوفقه

روح يا حسن طالعة طالعة

[Frank]

دائما تفكيرك راقي ومدروس وبعيد عن العواطف يا ابو النشوان _ ما شاء الله عليك_ ... وانا اتفق معك واقول بإن الحسون لم يخطيء بل بالعكس عمل الصواب .. !!

قالوا عن حسن قبل اعوام انه مختم ولكنه اثبت للجميع انه فنان وفي عز عطائه , عاد لناديه الوحدات ولكن الظروف جميعها كانت بعكس ما نتمنى ولم يكن هو اسوأ اللاعبين ومع ذلك عاد الهجوم عليه مرة اخرى , ومن الواضح للجميع بعد هذه الضغوطات ان اللاعب كان سينتهي به الحال خارج النادي , والله وحده يعلم من كان من الاندية سيقدم له طلب للعب معه , ربما الجزيرة او شباب الاردن مثلا واكيد حسن لن يقبل لان يلعب في الاردن لغير الوحدات , لذلك فكان عليه ان يوافق على طلب نادي خليجي حتى لو كان درجة ثانية _ درجة ثانية في زيمبابوي افضل من دوري المحترفين عنا يلي مش مفهوم كوعه من بوعه_ !!

الرجل يلعب موسمه الاخير وال250 الف حلوين جدا جدا جدا .. وربنا اكرمه بمبلغ يغنيه عن الترجاية وبوس الايادي لاقامة مباراة اعتزال .. هالشاب مرضي والدين وربنا فاتحها عليه.. والله يعطيك العافية يا كابتن حسن كفيت ووفيت وكنت دائما مثال للعطاء والانتماء .!!

[abedmh]

شكرا ابو ينال حكي مدوزن أنصف النادي والجمهور وحسن تخيلت انو تكون مؤيد لحسن ولكن اعطيت الجميع حقه ......الله يوفق الجميع

[jamal nashwan]

مباراة الاعتزال عند النجوم الكبار صارت زي يوم العرس

فيها منافسة فيما بينهم والكل يحلم بيوم عرس الكل يحكي عنه

ربما الان لم يعد حسن يفكر بذلك ولذلك اتخذ هذا القرار

هيّه هيك يا ابو ينال .. ربنا يوفقه .

وربنا يهدينا ويوفقنا نكون مع بعض ونحترم بعض ونعذر بعض ونتمنى الخير لبعض .

[olds]

يا جماعة
هذا احتراف ........... ما في بهالزمن هاد ابن نادي ولا حكي فاضي

من حق حسن يدور على مصلحته الشخصية
ومن حق النادي يسرح و يبيع اللي بدو إياه

ما حد يزعل ولا حد ينكد أفهموها هيك وبس


عشان هيك الأصل نادي الوحدات يرفع سقف التعاقدات بس يشمل 3 سنوات خدمة
مش سنة وحدة وبعدين بندور على غيرهم

[jamal nashwan]

دائما تفكيرك راقي ومدروس وبعيد عن العواطف يا ابو النشوان _ ما شاء الله عليك_ ... وانا اتفق معك واقول بإن الحسون لم يخطيء بل بالعكس عمل الصواب .. !!

قالوا عن حسن قبل اعوام انه مختم ولكنه اثبت للجميع انه فنان وفي عز عطائه , عاد لناديه الوحدات ولكن الظروف جميعها كانت بعكس ما نتمنى ولم يكن هو اسوأ اللاعبين ومع ذلك عاد الهجوم عليه مرة اخرى , ومن الواضح للجميع بعد هذه الضغوطات ان اللاعب كان سينتهي به الحال خارج النادي , والله وحده يعلم من كان من الاندية سيقدم له طلب للعب معه , ربما الجزيرة او شباب الاردن مثلا واكيد حسن لن يقبل لان يلعب في الاردن لغير الوحدات , لذلك فكان عليه ان يوافق على طلب نادي خليجي حتى لو كان درجة ثانية _ درجة ثانية في زيمبابوي افضل من دوري المحترفين عنا يلي مش مفهوم كوعه من بوعه_ !!

الرجل يلعب موسمه الاخير وال250 الف حلوين جدا جدا جدا .. وربنا اكرمه بمبلغ يغنيه عن الترجاية وبوس الايادي لاقامة مباراة اعتزال .. هالشاب مرضي والدين وربنا فاتحها عليه.. والله يعطيك العافية يا كابتن حسن كفيت ووفيت وكنت دائما مثال للعطاء والانتماء .!!

الله يكرمك يا غالي ، ويسعدك .

[Jehad Saleh]

مش دفاعا عن حسن او غيره .... بس اللاعب ادرى بوضعه بالوحدات .. و واضح انه سمع اخبار انه خارج حسابات الوحدات للموسم المقبل ... فمن حقه يبحث عن نادي يحترف فيه و ويشوف مستقبله قبل ما الوحدات يبلغه بشكل رسمي بالاخر انه خارج الحسابات ...و يكون ضاعت عليه فرص الاحتراف ...

موضوع انه مصاب .. قد يكون مصاب فعليا ... و ممكن ما يكون مصاب بس اخترع (هالكذبة البيضة) عشان مشاعر الجمهور مش أكثر ..

و بنفس الوقت أتوقع انه في معالج و طبيب في النادي .. و لو ما كان مصاب فعليا .. ما كان رح يسافر لقطر بحجة العلاج .. الا اذا اخذ إجازة و سافر على (راسه) و على حسابه .. و برضو هاد حقه في حال كان عنده اخبار انه ما رح يكون اله مكان بالنادي السنة الجاي ..

موضوع انه يرجع السنة الجاي او اللي بعدها يعمل مباراة اعتزال في الوحدات ... ليش لأ !!؟؟ يعني اللاعب ممنوع يطلع يحترف ؟؟ ممنوع يشوف اموره ؟؟ ولا لازم يضل عنا لحد ما نحكيله ما الك مكان و بعديها يصفي عالدكة او عالفرشة !؟
فجأة نسينا شو عمل حسن عبد الفتاح ؟؟ فجأة نسينا شو انجز مع الوحدات !!!؟ ... و عادي بكل بساطة نسينا انتمائه !؟ احناكجمهور ما رح نقدر نوقف جمبه و نعطيه راتب مثلا لو ما كان اله مكان في الملاعب ... لازم يشوف مصلحته .. و بالاخر لا تنسو انه كره القدم متعة بالنسبة النا .. و مصدر رزق بالنسبة الهم !

بالتوفيق للوحدات و للحسون

[Jabal Hafeet]

الغالي ابو أحمد

انا اتفق معك

برضو تشافي بيلعب مع السد القطري

بس يا حزرك قديش وقديش استفاد راؤول وتشافي ؟؟!!! النجمين تحصلوا على عقود وتسويق لحتى كأس العالم 2022

نعم معك انا في ان هذا العقد وفي هذا العمر لحسن يعتبر انجاز ولكن في الظل وهذا يعني ان حسن سيختفي نجمه ابتداءا من الموسم القادم والناس رح تنساه وربما يتناساه الكثيرون اذا ما قرر ان يخوض مباراة اعتزال

البعيد عن العين بعيد عن القلب

وضيف عليهم اللاعبين بالدوري الصيني، بعضهم كان مشهور وبعز مستواه وركضوا وراه الفلوس خصوصا اللاعبين البرازيليين من الدوري الانجليزي وغيره.

[ابو شاكر]

عفكرة ماحدا يهت على الوحداتية انو حسن ضحى بعقود ومش عارف شو .... واجب الوحدات عليه يخدم النادي عند حاجتو .لانو الوحدات الأولى فيه مش اي نادي ثاني

[Abo Omar]

أستطيع ان افهم غضب الجميع والشك الحاصللطريقة التوقيع وهذا ما يلام عليه الكابتن حسن حيث انه افسح المجال لكل هذه التساؤلات المشروعة
وكذلك اتفهم رغبة حسن بتأمين مصدر رزق (دخل) لنفسه وعائلته ، التجربة اثبتت ان حب الجماهير لا يكفي (ما بطعمي خبز)
حسن اعتزل دوليا ولا يامل في مزيد من الشهرة وللمناسبة معظم الأندية التي احترف فيها حسن كانت ضعيفة المستوي
بالنهاية أرجو ان يجتاز الوحدات عقبة الوحدة السوري ليفسح المجال امام اعادة ترتيب الفريق

[أبو ينال]

أستطيع ان افهم غضب الجميع والشك الحاصللطريقة التوقيع وهذا ما يلام عليه الكابتن حسن حيث انه افسح المجال لكل هذه التساؤلات المشروعة
وكذلك اتفهم رغبة حسن بتأمين مصدر رزق (دخل) لنفسه وعائلته ، التجربة اثبتت ان حب الجماهير لا يكفي (ما بطعمي خبز)
حسن اعتزل دوليا ولا يامل في مزيد من الشهرة وللمناسبة معظم الأندية التي احترف فيها حسن كانت ضعيفة المستوي
بالنهاية أرجو ان يجتاز الوحدات عقبة الوحدة السوري ليفسح المجال امام اعادة ترتيب الفريق

عين العقل

[safmarine]

با اعتقادي انه لازم ندعي لحسن بالتوفيق بغض النظر عن التفاصيل

ولازم نفكر بالمرحلة المقبلة ونركز اكثر على المحافظة على سباستيان ومنذر وطارق خطاب ويتم استقطاب يزن ثلجي ومحمود مرضي ومهاجم هداف مع بهاء فيصل واستعادة صالح راتب واهم شيء مدرب صاحب خبرة وشخصيته قوية وابعاد زياد شلبايه عن نشاط كرة القدم

وان شاء الله خير

[yaseen13]

اسمحوا لي بهذه المشاركة
لا أعتقد أن هنالك من يجادل بشأن حق الخلوق حسن بالاحتراف
سيما وأن شمس مسيرته الرياضية شارفت على الغروب
وهو معني بتأمين معيشته ومعيشة أبناءه.
لكن الأشكال يتعلق بالتوقيت خصوصا وأنه جاء قبيل مباراة فارقة في مسيرة النادي لتحقيق لقب قاري طال انتظاره.
والأشكال الأكبر انه يذكر بحالة سابقة كان فيها النادي قاب قوسين أو أدنى من تحقيق اللقب عندما غادر المتميز رأفت الفريق في وقت حرج.
لذلك فإن توقيع حسن لنادي الشمال يستحضر ذكرى مؤلمة أربكت حسابات النادي انذاك، وأدت إلى التأثير فنيا ومعنويا على الفريق والنادي والمشجعين والأنصار.
التساؤل الذي يراد أذهان الكثيرين هو ماذا كان سيضير حسن لو أجل الإعلان عن تركه الفريق إلى ما بعد انتهاء مباراة الإياب ضد الوحده؟
يعتقد كثيرون أن حسن لم يفد الفريق على المستوى الفني هذا الموسم، وربما لن يكون له دور الموسم القادم. لكن خروج حسن بهذه الطريقة له وقع وتأثير نفسي كبير على الفريق، وربما يدفع كثيرين من لاعبين ومناصرين للكفر بموضوع الانتماء والولاء للنادي والفانيله والشعار.
مرة أخرى حق حسن بالاحتراف أمر لا جدال فيه
لكنني أعتقد أنه خانه التوفيق في التوقيت