مدرب الوحدات: نسعى لحصد الثلاثية هذا الموسم

[وسام حسام]

الحلل في الاعبين وليس المدرب. في مباراه النجمه توريس لم تصله أي كره. كل الكرات الى بهاء و ابو عمارة ، بصراحة ما في انضباط كل يلعب على هواه

[احمد ابوديه]

ههههههههههه
روح انت ولاعبينك رح نطلع من الكاس ومانتاهل من كاس الاتحاد

[فاروق عرقوب]

ولا ارضيه ولا اشي..انت واللعيبه بدك بس حجه تحكو فيها..
ارضية الملعب هيه الي خلتكم ترجعو اتدافعو بعد الجول وهو ضايل بس 5 دقايق لتنتهي..والارضيه هيه الي خلتك ما تشوف بهاء وهوي هلكنا بانانيتو ومنذر ابو عماره الي مش مقتنع انو توريس معنا بيلعب..العشب طويل حاجب الرؤيه..

[جميل العموري]

مباراتنا مع الفريق البحزيني هنا لن تكون سهلة

[تنين الوحدات]

بعد التعادل مع النجمة اشك انا نتاهل حتى ثاني لتقارب نقاط المجموعات فريقنا من صعب الامور على نفسه يا رب ما يكون حدسي صحيح وما يصير السيناريو الذي في بالي

[Jehad Saleh]

مالكم يا جماعة .... شكلكم نسيتو انو لاعيبن الوحدات تعودو يلعبو على الكامب نو في القويسمة ..و عالبرنابيو في المدينة الرياضية .... عشان هيك أرضية ملعب النجمة اثرت عليهم كثير و ما عرفو يلعبو كويس .. معك حق يا دكتور

[doahah]

انا بعرف شو السبب الشمس كانت طالعة هههه بس بنا اشي نتحجج بيه الله بعيننا على هالسنة

[khaled salameh]

مالكم يا جماعة .... شكلكم نسيتو انو لاعيبن الوحدات تعودو يلعبو على الكامب نو في القويسمة ..و عالبرنابيو في المدينة الرياضية .... عشان هيك أرضية ملعب النجمة اثرت عليهم كثير و ما عرفو يلعبو كويس .. معك حق يا دكتور

يمكن بيمهّد "لسحق" ذات الرأس في سان سيرو الكرك !!

[khaled salameh]

الحلل في الاعبين وليس المدرب. في مباراه النجمه توريس لم تصله أي كره. كل الكرات الى بهاء و ابو عمارة ، بصراحة ما في انضباط كل يلعب على هواه

مش المدرب هو المسؤول عن ادارة الفريق وتعزيز الايجابيات والقضاء على السلبيات ؟!
مش هو المسؤول عن وضع التشكيلة والخطة ومراقبة الالتزام بها من اللاعبين ؟!

الخطأ بتحمله الجميع ادارة فريق وجهاز ولاعبين فشله ..

[AnaFady]

بصراحة الحق مش على المدرب والله لو جابو زين الدين زيدان مع هيك لعيبة ونفسيات ...... ولعيبة ......... فحيظل الوضع زي ما هو ومن اسوأ الى اسوأ

[بسام عوض الله]

لا دوري ولا كاس ( راح نخرج على يد الغريم) وبالنسبة للاتحاد الاسيوي اتوقع والعلم عند الله راح نوصل للمباراة النهائية ولن نحصل عالبطولة ( مجرد توقع ) وكل شي بإذن الله تعالى .

[أبو فايز العنتري]

ظحكتني وانا ممغوص ... شي غاد .. قال ارادة لاعبين قال .. شي غاد !

[عماد الدين السائح]

قال ثلاثية من وين هالتفاؤل من لعيبتك ولا من خططك الرهيبة بكفى ابر تخدير والله لو قدر لنا الثلاثية لتكون ببركة دعاء الجمهور واذا اجاك عرض من لبنان ويا ريت تروح وتحل عنا

[احمدفياض]

مدرب الوحدات: نسعى لحصد الثلاثية هذا الموسم

قال المدير الفني لنادي الوحدات الأردني، عدنان حمد، إنه راض عن مستوى فريقه في مباراته أمام النجمة اللبناني.

وتابع حمد خلال المؤتمر الصحفي عقب المباراة " سوء أرضية الملعب أثر بشكل رئيسي على المباراة".

وأضاف أن فريقه أضاع الكثير من الفرص السهلة للتسجيل التي كانت كفيلة بخطف الفوز .

وأشار المدرب العراقي إلى أنه مرتاح لوضع فريقه في البطولة القارية، وأنه يطمح لحصد الثلاثية هذا الموسم ، مشددا على أن الأمر يتوقف على إرادة اللاعبين.

ولدى سؤاله عن رغبته في التدريب بلبنان الموسم المقبل قال " أنا أعتز بلبنان وأنا مدرب محترف ولا أملك جواب حاليا".

وتعادل النجمة اللبناني مع ضيفه الوحدات الأردني بهدف لكل منهما، في اللقاء الذي جمعهما اليوم بالجولة الخامسة للمجموعة الثالثة بكأس الاتحاد الآسيوي.



........................................ ...............................
انا بالنسبه الي مش مصدقك يا عدنان حمد وما بعرف عن بقية الجمهور شو رايهم

بس لا تنسى تسلملي على ارضية الملعب السيئه

وعلى الثلاثية لاتنسى

[بسام الحمران]

احنا زعلانين يا ناس ان شاء الله بتزبط معاه الثلاثيه ولو انها بعيده عنا كل البعد