احصائيات عامة (الحلقة الثانية)

[AHMAD-abuOmar]

يعطيك العافيه
ابو عماره جايب ثلث الاهداف
ومع الاسيست بطلع نص الاهداف من بصمة ابو عماره
وبجيب البعض بقلك ابو عماره اناني ومابدنا اياه بالفريق

[أبو وليد اللورد]

الله يعطيك العافية

[jamal nashwan]

يعطيك العافيه
ابو عماره جايب ثلث الاهداف
ومع الاسيست بطلع نص الاهداف من بصمة ابو عماره
وبجي البعض بقلك ابو عماره اناني ومابدنا اياه بالفريق

حبيبي أبو عمر ، ما حدّش قال بدناش ايّاه !.

أنا متبِّع كل اللي بينحكى عنه هون في الموقع ، وما حدا جاب سيرة إنّو بدناش ايّاه في الفريق ، بالعكس ، ما في حدا انتقد منذر إلا بيتبع كلامه بأنه رمانة الفريق أو شايل الفريق أو مصدر رزق الفريق ، واللي بينحكى عن أبو عمارة بينفعه وفيه الفايدِه إلو ...

لاعبين كثير قبله أكبر منّو وألعب منّو ، ولاعبين معاه حاليا أكبر منّو وقدّو وأصغر منّو وفي منهم زيّو وفي منهم اللي أقل منّو وفي منهم اللي ألعب منّو ، انحكى وبينحكى ورح ينحكى عليهم .. كلهم حبايبنا وعلى عينّا وعلى راسنا ،، ثلث أهداف الوحدات اللي جابهم أبو عمارة ، كان ممكن يكونوا نُصّ 40 هدف كمان .. والله يوفقُه ويوصّل هـ النُّص هذا ، وكان ممكن الهدفين اللي جابهم كل من توريس وبهاء يكونوا 7 أهداف لكل واحد وبصناعة منّو هوّه .. أبو عمّارة ولد لعّيب ، حرّيف ، حريقة .. بسّ زيّو زيّ أي واحد بالفريق ، وهذا اللي لازم يفهمُه ، ولازم يفهم هوّه وكل اللي بحبّه وبينبري للدفاع عنُّه لما واحد من الجماهير ينتقده ويحكي عنّه أناني ، إنّو الكل بحبّه كمان ، ولما بتطلع الكلمة هاي من هالواحد وِلّا من عشرة ، فهيّه طلعت على غيره من قبله ومن اللي معاه من ملايين غير هالواحد والعشرة ، وياما رح تطلع عليه وعلى غيره .

الله يصبّحك بالخير يا ابو عمر ، وتحمّلني يا غالي .

وهاي أحلى وردِه لعيونك ..

[أبو كرم 76]

يعطيك العافيه

[jamalsadeq]

ما شاء الله

[ابو سند 77]

ملاحظة هناك تراجع في التسديد من بعيد

[Khaldun obeid]

الله يعافيكم جميعاً،

هذه هي البداية وان شاء الله ساقوم بتحسين الاحصاءات مستقبلاً والتطرق الى اغلب النقاط

[Khaldun obeid]

تعديل بسيط هو ان شباكنا لم تتلقى اهداف في تسعة مباريات. حيث ان مباراتنا ضد شباب الاردن تلقينا فيها هدفين

نعم صحيح كل الشكر،

[Khaldun obeid]

يعطيك العافية خلدون
ياريت لو ذكرت على من فزنا ومع من تعادلنا ومع من خسرنا
أعتقد المباريات القادمة صعبة
مقابلاتنا مع فرق الصفوة سلبية
نتمنى التوفيق للوحدات والفوز بهذا الدوري الصعب

ان شاء الله في الحلقة الثالثة

[jamal nashwan]

لم يدخل اكثر من هدف في مرمانا سوى مرة واحدة ( هدفين في مبارة شباب الاردن ذهاباً)



دمتم بود.

تعديل بسيط هو ان شباكنا لم تتلقى اهداف في تسعة مباريات. حيث ان مباراتنا ضد شباب الاردن تلقينا فيها هدفين

نعم صحيح كل الشكر،

ويوم الجزيرة ( ذهابا ) مِشْ انْغلبنا 2 - 1 ؟!.

[jamal nashwan]

لم تتلقى شباكنا اي هدف في 9 مباريات.




دمتم بود.

يعني على هيك بيصيروا 10 مباريات لم يدخل مرمانا فيها أهداف !.

[أبو صلاح القصراوي]

أنا ركّزت على الأسِّست ،
ههههههههههههه

هيّني حكيت عن الهدف الثاني لبهاء في البقعة إنّو رفعة من أبو عمارة .

وهدفه في الأهلي ما كانتش المباراة مبثوثِه ، وشفت الجول من تصوير فيديو بكاميرة خلوي من بعيـــــــــــــــــد ، ما بيّنِش معاي مين اللي أسِّستهالو ..


كيفني معك أبو اليزيد ؟!.

في هدف بهاء في الأهلي .. كان الأسِّست من الذيب عبدالله ...

[jamal nashwan]

في هدف بهاء في الأهلي .. كان الأسِّست من الذيب عبدالله ...

معناتو التصوير كان من كاميرة الخلوي تبعك اللي انسرق ، ولمّا رجّعولك ايّاه لَقَطِت عبد الله ذيب وهُوِّه بأسِّسْـتلو الهدف لبهاء ..

آه يا لئيـــــــــــــــــــــــــــــم !.

[saed]

اثنين ..

- الهدف الثاني في مرمى البقعة - ذهاب بالرأس ، رفعة من أبو عمارة ..
- الهدف الأول في مرمى الأهلي - إياب تسديدة أرضية زاحفة من برة الـ 18 ..

احنا غلينا الاهلي بالاياب ... كم خلصت !

[jamal nashwan]

احنا غلينا الاهلي بالاياب ... كم خلصت !

حقَّك باشمهندس سعيـــــــــــــــد ، والله يا عمّي حقّك !.

زقطتني .. هههههههههههه



بعدين ليش بتسأل غلبناهم ؟!.
بلكي أنا كان قصدي إنّو تعادلنا في الذهاب ؟!.