مباراة الوحدات مع المنشية مرة أخرى !!

[طارق مسلم]

يجب مراسلة سمو الامير علي غير هيك انسى هو الشخص الوحيد المقتنع انه بنلعب بسم البلد باقي رجالات الاتحاد بفكروا الوحدات بلعب بسم الكونغو ويجب على ادارة الوحدات ممثله برئيسها التمسك بحقوق النادي والدفاع عن الاعبين والجهاز الفني بشراسه مش معقول نضل ساكتين وتروح منا بطولات بسم التضحيه والتضحية كمان يجب ان تتم بيوم واحد عرفان ورد الجميل لاكبر نادي بالبلد يدعم المنتخبات الوطنيه كافه وغيرنا ادا لاعب او ثنين بدهم يلتحقوا بالمنتخب وبدهم ياثروا على نتائج انديتهم بقوموا الدنيا وما بقعدوها قليل من الانصاف للنادي بحجم الوحدات وكونوا على ثقه اننا نلعب ياسم الاردن يا رعاكم الله

[محمود الحوساني]

على المدير الفني للمنتخب التدخل بسرعه

[ابو سند 77]

هل قامت الادارة بتقديم طلب رسمي بتاجيل المباراة
ام ان الموضوع لا يتعدى النقاش الداخلي في المنتدى

جهودك مشكورة اخي ابو احمد

[abumarwan]

يعطيك ألف عافية يا ابو أحمد ،

هيك أحسن إلنا ، خلّيها ثلاثة أيام .. ثلاثة أيام !.
همِّه لو يفكّروا فيها شويّ ، رح يتراجعوا لحالهم ويخلّوهم خمسة أيام مش يوم إضافي واحد ..
قولّي كيف ...
كيف ؟!!.
أهــــــــا ، قولتلّي كيف :
هاليوم هذا أو اليومين يستخسروهم فينا ويطرحوهم من مجموع أيام التوقف الذي سيستفيد منه الوحدات بدل استشفاء وبدل إعداد للدوري والكأس وكذلك بطولة كأس الاتحاد الآسيوي !.

يعني بيقدروا يحرمونا من يومين راحة ، للاستشفاء والعودة للإعداد والتمارين .

بسّ همِّه مش دايرالهم ، وما عرفوش يحبكوا التنغيص صحّ !.

معلم أبو أحمد ما عليك زود

[jamal nashwan]

معلم أبو أحمد ما عليك زود

الله يسعدك ويصبّحك بالخير ،
إحنا أخي أبو مروان أكثر فريق من بين كل الفرق محتاجين للراحة والاستشفاء ، ومن ثم معاودة التدرّج بالتمارين للوصول إلى الجاهزية المُثلى .

[فارس همام]

طيب شو المانع انا نرفض الابتزاز و نعامل الاتحاد بالمثل وايام الفيفا عشان يستعدوا لكمبوديا؟! اللي لو رحنا بفريق الحارة بجوز نفوز عليها!

[ابو سند 77]

كل هالتحضير للمنتخب و المباراة على ارضنا و مع فريق واقع !!!

[jamal nashwan]

طيب شو المانع انا نرفض الابتزاز و نعامل الاتحاد بالمثل وايام الفيفا عشان يستعدوا لكمبوديا؟! اللي لو رحنا بفريق الحارة بجوز نفوز عليها!

يا عيني عليك يا أخ فارس ، هذا الصحّ ،، ووالله ما في هناك أي مانع !.

وخلّيها المباراة الخميس ، الخميـــس .. بالقانون اللي بيحكوا فيه وبعدد أيام الفيفا ، وإدارتنا ترسل اللاعبين قبل بأسبوع للمنتخب ، مِش قبل خمسة أيام أو أربعة أيام كما في القانون ، لأ .. مسامحينهم فيهم قبل عشرة أيام كمــــــــان !.

وللعلم إدارتنا قادرة على ذلك ، ومِش زيّ ما بيحكي الكثير منّا .. إدارة خاضعة وخانعة ومِش زلام وبتهزّ ذنب للاتحاد ، والله بتقدر ، ومِش فارقة عندها .. بسّ الرَّكّ على لاعبينا اللي ما بيصدّقوا يكون هناك تجمّع للمنتخب ، حتى يضغطوا في اتّجاه الذهاب إلى هذا التجمّع ، خوفا على مراكزهم في المنتخبات الوطنية الأردنية واختيارهم لتمثيلها ، لأن العقاب بالنسبة للنادي سيكون بحرمان لاعبي الوحدات من هذه المراكز ومن الاختيار لتمثيل المنتخبات ..

يا ريت ، يا ريت لو تتوافق الرؤى وتتحد جهود إدارتنا ولاعبينا ولو مرة واحدة بأن يتعاملوا قانونيا مع إدارة المنتخبات الوطنية الأردنية بعدم إرسال اللاعبين إلا في أيام الفيفا ، وخلّي الاتحاد ولجانه وإدارة المنتخبات بعدها يحرموهم أو ما يختاروهُمّش .. ساعتها بيتعرّوا قُدّام الله وخلق الله ، بسّ زيّ ما حكيتلك أخي فارس : الرَّكّ على اللاعبين في ذلك .. يعني مِش لمّا ما يختاروش اللاعب للمنتخب يرجع لي على النادي ويلعب معه مبارياته وكأنه يؤدي واجبا وبيعِـدّ ساعات ،، ونازل على الملعب زيّ الشْريطة !!.


أنا هيك شايف هالموضوع أخي الكريم وإخوتي الأحباب ، وشايف كمان إنّو دائما إحنا بنصمِّم إنّو نِهزم حالنا ونهزم إدارتنا ونْقزِّم حالنا ونْقزّم إدارتنا أمام أي قرار يصدر عن الاتحاد ولجانه وإداراته المختلفة ،، وبِنْبَيِّن إنهم دايما هُمِّه كاسرين عينّا ومْخاويين علينا ،،، لأ يا سيدي .. شكرا إلكم كثيـــــــــــر على التأجيل ثلاتِّيّـام ، وأصلًا أحسن إلنا ، ويخلف عليكم يا اتحاد ويا إدارات الاتحاد ، وتفكّروش حالكم لويتوا ذراعنا .. أصلا إنتو أعطيتونا فترة راحة إضافية يوم وِلّا يومين بهيك قرار ، وعلى قدّ ما عملتوا سابقا ، وشو ما بدكم تعملوا مستقبلا هذا الوحدات ضد الصدمات ، وضد المنغصات ، وضد المعوّقات .. وحكالي اياها أكثر من صديق من مشجّعي الأندية الأخرى : شو ما عملوا فيكم ورح يعملوه معكم ، والله ما في إشي بيحَوِّG فيكم ، وهذه الحقيقة إذا كانت مُترسِّخة في نفوس الجماهير والمتابعين ، فهي مُترسِّخة أكثر في الشارع الرياضي من إعلام وصحافة وتلفزة ومؤسسات وأندية رياضية ، وهي مُترسِّخة أكثر وأكثر وأكثر عند الاتحاد ولجانه وإداراته ، فاعملوا وكثروا .. يا جبل ما يهزّك ريح ..

[أبو فايز]

###قُصَّ النص لتوفير الكهرباء وليس للحفاظ عالبيئة####

وللعلم إدارتنا قادرة على ذلك ، ومِش زيّ ما بيحكي الكثير منّا .. إدارة خاضعة وخانعة ومِش زلام وبتهزّ ذنب للاتحاد ، والله بتقدر ، ومِش فارقة عندها .. بسّ الرَّكّ على لاعبينا اللي ما بيصدّقوا يكون هناك تجمّع للمنتخب ، حتى يضغطوا في اتّجاه الذهاب إلى هذا التجمّع ، ،،،،،،،،

.... ..

مختصر الكلام وأصل الحكاية

وكرمال عين، تكرم مرج عيون

[jamal nashwan]

مختصر الكلام وأصل الحكاية

وكرمال عين، تكرم مرج عيون

إنتا بسّ ظلّك قَصْقِص !.

مْنيح ما انتا مُشرف ....




الله يقُصّ خبر عدوِّينك ،، حبيبي أبو فايز .

[جماعين]

ولكن لو قامت الاندية باللجوء للتعليمات والنصوص التي تخص التحاق نجومها في ايام الفيفا فهل هذا سيرضي احد ؟؟؟

يجب علينا تطبيق التعليمات

[أخو خالد علاء]

انا لا الو اداريي و المدير الفني للمنتخب بقدر ما الوم صمت ادارتنا المُطْبِقْ !!!

[سفيان أبوشنب]

الحل بارسال اللاعبين بالوقت القانوني فقط وخليهم يعرفوا قيمة اللاعبين ومدى تعاون ادارات الاندية معهم

[وحداتي مهيمن]

لقد أسمعت لو ناديت حيا ولكن لا حياة لمن تنادي


ولو نار نفخت بها أضاءت ولكن أنت تنفخ في رماد

[attas07]

يعني لو اعطونا ٥ تيام فchركو بنتصدر ... يا زم بدنا نتصدر و لو بالchندرة ...


Sent from my iPhone using Tapatalk