مشكلة صالح راتب

[AHMAD-abuOmar]

صالح شاب محترم ومجتهد ولاعب حريف من طراز فريد للامانه

لكن الفريق كله فاقد للثقه ويخشى من الجمهور

باذن الله تعود له الثقه بالنفس
وان كان هاذا الكلام غريب وما اله مصدر ومش داخل راسي

[فريدحسونه]

أخي أبو الوليد ، أرجوك أنك تتحمّلني .. منشــــــــــــــــان الله !.

يعني لما أنت تنزّل موضوع ، وندخل نعلّق على موضوعك بما يخالفك الرأي أو الفكرة أو المضمون تبع موضوعك ، بِتهِبّ فينا وبتحكيلنا : سيبك من هالأسلوب اللي بتحاول فيه سحب الموضوع ، أما أنت تقعد تفصِّل وتلبِّس من عندك أنه من المعيب بحقنا نشر هيك مواضيع ، يعني هُو أنت بيطلعلك اللي ما بيطلع لغيرك ؟!.

طَبْ هاتلنا شيء فني أنت أخي أبو الوليد عن الموضوع هذا ما دام ما فيش ولا تعليق للإخوة الكرام فيه شيء فني ..

مين اللي بدّو يطفّشو لصالح راتب ؟!.
إحنا بدنا نطفّشو ؟!!.

ولعلمك أخي أبو الوليد ، في منّو الحكي اللي حكاه الأخ الكريم صاحب الموضوع ، وفي منّو إنّو صالح راتب شايف حاله غير كل أبناء جيله ، وغير بعض لاعبي الوحدات ممن سبقوه في الفريق الأول كمان ..

أنا داري ، هذا كيف لَوِنّك ما كُنتِش مشرف !!.

احسنت الرد فعلا غريبه

[أبو أحمد زبدية]

يا اخوان صالح راتب تعرض لضربة في عينه امس
وكما تعلمون انه اجرى عملية في عينية قبل شهرين وقد لعب امس وهو متألم

[محمود الهندي]

صالح راتب شب لعيب

وصالح راتب ايام الزمع كان غير

وبعدها الشب تم اهماله من قبل عساف وعدنان حمد

ليش مش فاهم

اللي بعرفه الشب بجي منه
بس بده دعم نفسي واداري وفني

[باسل عنّابي]

املنا كبير بصالح راتب واتوقع يكون خليفة البيكاسو
بالتوفيق له وللوحدات

[احمدالشعبي]

ربي يختار الافضل للوحدات وكل لاعبين الوحدات صراحه المفروض هناك شحن نفسي لهم من خلال اصحاب اختصاص ومن جمهورنا الكريم

[عبدالله البوريني]

هسه صالح صار بخاف يلعب يا ناس حرام عليكم الزلمه عدنان حمد بحكيله لساتك صغير ولسه رح توخذ فرصتك والشب صانع العاب وحمد بلعبة ارتكاز وبعطي مهام دفاعيه

[Abu Al-Walled]

أخي أبو الوليد ، أرجوك أنك تتحمّلني .. منشــــــــــــــــان الله !.

يعني لما أنت تنزّل موضوع ، وندخل نعلّق على موضوعك بما يخالفك الرأي أو الفكرة أو المضمون تبع موضوعك ، بِتهِبّ فينا وبتحكيلنا : سيبك من هالأسلوب اللي بتحاول فيه سحب الموضوع ، أما أنت تقعد تفصِّل وتلبِّس من عندك أنه من المعيب بحقنا نشر هيك مواضيع ، يعني هُو أنت بيطلعلك اللي ما بيطلع لغيرك ؟!.

طَبْ هاتلنا شيء فني أنت أخي أبو الوليد عن الموضوع هذا ما دام ما فيش ولا تعليق للإخوة الكرام فيه شيء فني ..

مين اللي بدّو يطفّشو لصالح راتب ؟!.
إحنا بدنا نطفّشو ؟!!.

ولعلمك أخي أبو الوليد ، في منّو الحكي اللي حكاه الأخ الكريم صاحب الموضوع ، وفي منّو إنّو صالح راتب شايف حاله غير كل أبناء جيله ، وغير بعض لاعبي الوحدات ممن سبقوه في الفريق الأول كمان ..

أنا داري ، هذا كيف لَوِنّك ما كُنتِش مشرف !!.

ابو احمد،،،،انا ما بنفع اكون مشرف،،لاني لا اتاسمح ولا،اؤمن بالديموقراطية ،،،موضوع مثل هذا لو اني مشرف شطب فوري،لانو مش مش صحيح

[canada]

يا زلمه رافت علي كان يخبص الدنيا في بداياته والموضوع لو بايدي لازم يتشطب
رايي إنّو الواحد اشتاق لمواضيع المنتدي الهادفه

[عبد الرحمن شاهين]

هاد هو جيل الشباب الله يرحم ايام الرجال ... كلها لاعبيه خماسي مش اكثر

[abumarwan]

كل المحبة للاعب صالح راتب واللاعبين الشباب فأنتم مستقبلنا وعماد فريقنا. اللاعب انسان و بشر وقد لا يكون في يومه

[Abu Hisham]

وانا فقط ملاحظتي على صالح راتب انه بداياته وعندما تم الزج فيه من قبل ابو زمع الله يسهل عليه حرث الملعب وكانت لمساته وتحركاته غايه في المتعه والنضج وهذا استمر فقط لمباريتين أو ثلاثه وبعد هيك أصبح لعبه متذبذب بحيث يصيب مره ويخطئ مرات ولم يعد لمستواه الذي استبشرنا به كثيرا .. وصراحة قصة انه مشكلته خوفه لعب مباريات حساسه شخصيا لا أستطيع تصديقها

[أبو صلاح القصراوي]

إستعجال الشهرة .. عدم الإنضباط في الملعب وخارجه .. عدم الإلتزام بتعليمات الجهاز الفني والإداري .. الغرور .. الأنانية بشتى صورها ...
كل هذه الصفات تقتل الموهبة والنجومية ...

صالح راتب موهبة فذّة .. نتمنى ونتمنى أن يراجع نفسه بهدوء .. فمستقبله مع الوحدات أفضل بكثير من أي نادي آخر ...