حكم ..... مشكلجي

[alibakkar]

لنبتعد عن الشوكة والسكين ...المتابع الدوريات العالميه يرى هشاشة دورينا ..كل ما لاعب احتك بلاعب لازم يكون جزاء ..من متى الوحدات يعتاش على ضربات الجزاء ومن متى الوحدات يحتاج للهدايا ...للاسف اصبحنا نعلق ضعفنا على التحكيم ....لله درك ياوحدات زمااان

[Altareefe]

الحكم كان جيد جداً
وليث هو اللي حاول يفتعل مشكله بعد الاحتكاك وبعد ما اعتذر لاعب الفيصلي

[أبو فايز]

الحكم كان جيد جداً
وليث هو اللي حاول يفتعل مشكله بعد الاحتكاك وبعد ما اعتذر لاعب الفيصلي

خصوصا ان الحكم كان قد أوقف اللعب وصفّر، والكل توقف الا ليث.

اعصاب مشدودة

[مجدي فيصل]

التحكيم اليوم ممتاز

[القدسي7]

اعتراض الزواهرة على احمد الياس ارعن ،لان لاعبه ما اخرج الكرة ،بعد اصابة زميله ، ولعب الكرة بعد الفَوْل بسرعة ، وانقطعت منه ومررت للياس ، المفروض ان يتوجّه لزميله ويعترض عليه وليس لاحمد الياس ،ثم ان الياس حر بالالتزام بالروح الرياضية ،هذا مش قانون في اللعبه ، وكثير من اللاعبين لا يلتزمون بذلك ، خاصة اذا كان اللاعب المنافس يدّعي الاصابة لتضييع الوقت او تخفيف الضغط على فريقه .

[الزعيم]

الحكم جيد وﻻعبينا بخزو

[dr.ashraf]

ضربتين جزاء اتحدى العالم انهم صحيحات مية بالمية

[dr.ashraf]

ابولوم حكم مقزز... لا يعرف العدل في صافرته.. اجبن من انه يصفر فأول للوحدات لكي يحسب ضربة جزاء من أصله..
السنة ممنوع إحتساب اي ضربة جزاء للوحدات منعا باتا

[jamal nashwan]

حالة حسن عبد الفتاح تستدعي احتساب ركلة جزاء .
عرقلة من الخلف ، أو الأدق .. مدافع الفيصلي سحب رجل حسن برجله وحسن متوجّه للكرة .

مشكلتنا أن لاعبي الوحدات ما بيعرفوش يخلقوا الأجواء التي تضطر الحكم أن يحتسب لهم الأخطاء .. بمعنى ، إعثارات كثيرة يتعرضون لها ، وإعاقات ، وشدّ ، وجذب ، وأحيانا ضرب واستفزازات .. بيقوموا بيعملوا فيها زلام وبيكمّلوا اللعب ، وَلَك إGـَع .. مثِّل .. سورِG .. إتفعفعل .. إتمَرمَغ ، عشان لما تتعرّض لنكشِه في منطقة الجزاء ينحسب لك إشي ، إذا مش أول مرة ، ثاني مرة أو ثالث مرة .. عَبَث ، بيعملوهاش !!.

إتخابثوا ، إتمكرنوا ، إتكهننوا .. ثلاتِّرباع لعِّيبة البلد بيعملوا هيك ، تخافوش .. والله رح نظل نحكي عنكم زلام .


شغلِه ثانيه على الحكم ، الوقت بدل الضائع للشوطين :
مش في الشوط الأول انصاب حارسهم معتز وتعالج بعد الدلدوم ما دفع منذر أبو عمارة عليه من الخلف في ركلة جزاء أخرى بدناش الحكم يحسب لنا اياها ؟!.
ومش في الشوط الأول صارت مشكلة الزواهرة اللي دقّ فيها بأحمد إلياس والحقّ عليهم وهمّه اللي حاولوا يتفصحنوا ويعملوا هجمة سريعة ولاعبهم مرمي على الأرض وطلعت على راسهم وكان رح ييجي جول فيهم .. مزبوط ؟!.
ومش الشوط الثاني صارت مشكلة ليث البشتاوي وبرضو إصابة حارسهم ، هذا غير التبديلات ؟!.

طيِّب قدّيش الحكم حسب وقت ؟.
الشوط الأول دقيقتين والشوط الثاني ثلاث !.
وعلى القدّ - تحديدا - في الشوط الثاني ثلاث دقائق وتسع ثوانٍ !!.

لعّيبتنا ... لعّيبتنا همِّه اللي ساعدوا الحكم كثير ، ساعدوه في تمريق شغلات كثيرة منها الأخطاء اللي إلنا ومنها الوقت الإضافي بمثاليتهم الزيادة عن اللزوم وتوزيع الابتسامات والعناق والتحلمس عَلِكتاف والتحسيس عَ الشَّعَر وإحساسهم الزائد عن حدّه بنجوميتهم وإنهم إشي كثيــــــــــــــــر وبيمرّقوا ، والحكم ما صدّق .. بدّو يْخَلِّص المباراة تعـــــــــــــادل !.

فكّـونا من هالقصص ،
ثلاتّرباع لعّيبة البلد دواونجيِّه وأونطجيِّه واولاد حـ....... ،،،، تعلّموا !!!.

[dr.ashraf]

حالة حسن عبد الفتاح تستدعي احتساب ركلة جزاء .
عرقلة من الخلف ، أو الأدق .. مدافع الفيصلي سحب رجل حسن برجله وحسن متوجّه للكرة .

مشكلتنا أن لاعبي الوحدات ما بيعرفوش يخلقوا الأجواء التي تضطر الحكم أن يحتسب لهم الأخطاء .. بمعنى ، إعثارات كثيرة يتعرضون لها ، وإعاقات ، وشدّ ، وجذب ، وأحيانا ضرب واستفزازات .. بيقوموا بيعملوا فيها زلام وبيكمّلوا اللعب ، وَلَك إGـَع .. مثِّل .. سورِG .. إتفعفعل .. إتمَرمَغ ، عشان لما تتعرّض لنكشِه في منطقة الجزاء ينحسب لك إشي ، إذا مش أول مرة ، ثاني مرة أو ثالث مرة .. عَبَث ، بيعملوهاش !!.

إتخابثوا ، إتمكرنوا ، إتكهننوا .. ثلاتِّرباع لعِّيبة البلد بيعملوا هيك ، تخافوش .. والله رح نظل نحكي عنكم زلام .


شغلِه ثانيه على الحكم ، الوقت بدل الضائع للشوطين :
مش في الشوط الأول انصاب حارسهم معتز وتعالج ؟!. ومش في الشوط الأول صارت مشكلة الزواهرة اللي دقّ فيها بأحمد إلياس والحقّ عليهم وهمّه اللي حاولوا يتفصحنوا ويعملوا هجمة سريعة ولاعبهم مرمي على الأرض وطلعت على راسهم وكان رح ييجي جول فيهم .. مزبوط ؟!.
ومش الشوط الثاني صارت مشكلة ليث البشتاوي وبرضو إصابة حارسهم ، هذا غير التبديلات ؟!.

طيِّب قدّيش الحكم حسب وقت ؟.
الشوط الأول دقيقتين والشوط الثاني ثلاث !.
وعلى القدّ - تحديدا - في الشوط الثاني ثلاث دقائق وتسع ثوانٍ !!.

لعّيبتنا ... لعّيبتنا همِّه اللي ساعدوا الحكم كثير ، ساعدوه في تمريق شغلات كثيرة منها الأخطاء اللي إلنا ومنها الوقت الإضافي بمثاليتهم الزيادة عن اللزوم وتوزيع الابتسامات والعناق والتحلمس عَلِكتاف والتحسيس عَ الشَّعَر وإحساسهم الزائد عن حدّه بنجوميتهم وإنهم إشي كثيــــــــــــــــر وبيمرّقوا ، والحكم ما صدّق .. بدّو يْخَلِّص المباراة تعـــــــــــــادل !.

فكّـونا من هالقصص ،
ثلاتّرباع لعّيبة البلد دواونجيِّه وأونطجيِّه واولاد حـ....... ،،،، تعلّموا !!!.

مية بالمية .. نقطة لفتت انتباهي.. انه لاعبينا لا يستطيعوا التأثير على الحكم وبحسسوه انه قراره صح.. اليوم لاحظت هالشي.. يعني لا منذر ولا حسن نبهوا الحكم بوجود ضربة جزاء وحاولوه ياثروا عليه..

[jamal nashwan]

مية بالمية .. نقطة لفتت انتباهي.. انه لاعبينا لا يستطيعوا التأثير على الحكم وبحسسوه انه قراره صح.. اليوم لاحظت هالشي.. يعني لا منذر ولا حسن نبهوا الحكم بوجود ضربة جزاء وحاولوه ياثروا عليه..

والله يا دكتور إشي بيعلّ !.

[محمود الهندي]

بتحكي صح عم جمال

للاسف لاعبينا ما بعرفوا يمثلوا الواقع

[عبدالله قاسم]

حكم جيد,,واليشتاوي مابستحي ع حاله وعمل مشكله من ولا اشي,,بس شاطر يركض ع التلفزيون يعمل مقابله

[abumarwan]

هههه. ترا أبو لوم قرابته اليث بشتاوي والاثنين بشتاويين. علشان هيك بيمون عليه

[jamal nashwan]

بتحكي صح عم جمال

للاسف لاعبينا ما بعرفوا يمثلوا الواقع

للأمانة ، أنت بتحكي صحّ كمان في الحالات التي ذكرتَها أخي العزيز ، والإخوان الكرام بيحكوا صحّ أن الحكم كان جيدا في هذه المباراة ... لكن ، شويّة بهارات من لاعبينا على مدسِّمات على شويّة مُنكِّهات تُتَمِّم الحالات ، على قليل من الجرأة من الحكم ، وينسى أنه يحكّم مباراة الفيصلي والوحدات ، والمسؤولين كمان يتخلّوا عن التعبئة - التي أراها سلبية - قبل مباراة الكلاسيكو ، والمعنيّين يمتنعوا عن التغذية التحذيرية للخروج بأقل الأضرار .. كلها أمور كانت ستؤدي أن تذهب نتيجة المباراة بالفوز لمن يستحقه ، وقد كان الوحدات المُستحِق .