الوحدات يرفض استقالة شلباية

[يوسف التعمري]

اخواني و اخواتي ندعوكم للمشاركة في صلاة الاستسقاء غدا باذن الله في المدينة الرياضية/ ستاد عمان

الساعة الثالة عصرا

ونهيب بكم لحضور صلاة الاستسقاء


قال تعالى


اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ

عَلَيْكُمْ مِدْرَاراً
* وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ

( جَنَّاتٍ وَيَجْعَلْ لَكُمْ أَنْهَاراً} (نوح 10:12

[AbuLamar]

القرارات تم تمريرها لفوزي حسونه عن طريق بسام شلبايه قبل ان يتم ادارجها على الموقع الرسمي
عفيه

[حسون]

فلم هندي يا شلباية
يا ريت تروح الله معك والقلب داعيلك تبعد عن الوحدات

[zuheir10]

متى راح تفضوا وتوخدوا قرار للعضويات الجيده ولا بس شلبايه الي فاضينله مهو من شهر مقدم استقالته .... والطلبات صارلها فترة طويله مقدمه ...اكيد مش حابين تدخلوا للنادي فلوس وحابين تبقوا كما انتم واصوات شلبايه ما تتغير وتظل كفته هي الراجحه

[firas wehdate barca10]

ربنا كريم

[ماجد جامع]

عادي تعودنا على مسلسلاتهم

[أبو ينال]

شلباية يرفض استقالة شلباية

بذكرني بمسرحية العيال كبرت ، لما سعيد صالح راح المدرسة ورن الجرس ودرس لحاله واعطى لحاله رفض اسبوع

[jamalsadeq]

الله المستعان

[ابو حلاوة]

يعني لما شلباية يقدم استقالته عادي يقبلوها
النادي ما بوقف على واحد

[بسام الحمران]

ههههههه مسلسل هندي على تركي ارحمونا يا اداره ، الرجال قدم استقالته الله معاه خلي الصاروخ الي بدو يطلع على القمر يتعطل مش حابين يطلع وبلا منو كمان

[د.محمد مخلوف]

أنا مش فاهم ... يعني قدم استقالته، شو سبب تقديم الاستقالة وبنفس الوقت ما هو المانع من قبولها

[jamal nashwan]

القرارات تم تمريرها لفوزي حسونه عن طريق بسام شلبايه قبل ان يتم ادارجها على الموقع الرسمي
عفيه

عفيِه وِلّا بطّيخ مْسْمِر ؟!!!.
مجلس إدارة ومُنتخب رسميا ، وحرين همّه لمين بدهم يمرّروا قراراتهم ، لموقعهم الرسمي أو لغيره من المواقع !!.

كنا في الوحدات نت ، السبيكَر تبع التليفون لأكثر من عضو يكون مفتوح والجلسة شغّالِه وقراراتهم تنزل عندنا قبل ما تنزل في موقع النادي الرسمي وخلال الجلسة ما هِي شغّالِه .
احترموا العالم وقدّروا أن هذا هو مجلس إدارتنا ، مجلس إدارة الوحداتية وسيبوكم من التقزيم والتصغير لهم عـ الطالعة والنازلِه !!.

وبلاش في كل موضوع من مواضيع المنتدى نازلين طخّ عليهم ، سواء الشغلِه مِحرِزِه وِلّا مش محرِزه ، مباراة ما انبثّتِش الإدارة .. حكم ما حسبش بلنتي الإدارة .. حكم حسب بلنتي لغيرنا الإدارة .. لاعب من نادي ثاني خفّفوا عقوبته الإدارة .. مدرب ما لاعبش واحد من لعّيبتنا .. الإدارة ، الإدارة ............. أَيْ والله مش بس زوّدتوها ، مسّختوها كمان !!.

اسلكوا معهم صحّ ، تواصلوا معهم صحّ ، خلّوا علاقاتكم مبنية معهم على الاحترام ، وبعدين تعوا طالبوهم ينزّلوا أخبارهم عندكم !!.

أنا اقتبست رد مشرف وبوجّه هذا الرد لمشرف ، وأظنه بيشتغل في الإعلامية كمان .. وبعرف إنكم في الإدارة أو في الإشراف أو في اللجنة الإعلامية رح تنطوا وتحكوا لي هذا رأي شخصي ، بس الرأي الشخصي هذا صار صادر عن أكثر من مشرف ، وصار صادر عن أكثر من إداري ، وصار يُمرر لكثير من الأعضاء في كثيــــــــــــــــــــــــــــر من المشاركات ، وكثير جدا منها ، حتى أن هناك مواضيع ما إلهاش دَخَل ، وبتلاقي مشاركات فيها طخّ ... الإدارة الإدارة ،، وفي هيك حالة ما عادت هذه آراء شخصية ، بل أصبحت توجّهًا وسياسة موقع وتوجيها يباركه الموقع بإدارته ومشرفيه ، واختلافا ..
لا بل خلافا مع مجلس الإدارة ومداقرة ومناقرة وفضح عـ الفاضي والمليان ..
وبدكم اياهم بعد هيك يعطوكم أخبار قبل ما يعطوها لفوزي حسونة وخالد خطاطبة ؟!!!!!!!!!!!!!.

[jamal nashwan]

وبالنسبة لمضمون الموضوع :

طيّب هيّو ، هاي ثاني مرة صار مقدّم استقالته ، وعلى أساس الحرب مشعلِلِه بينو وبين رئيس النادي ، والصوت مدوّي لسابع سما .. وين العوّيدِه من مجلس الإدارة اللي كانوا يضومنوا مع طارق ما يحسموها على الواتس ، زي ما حسموا قرارات مصيرية - على حد زعمهم - وينهم عن إنهم يكولسوا مع طارق وبشار ويوافقوا على استقالته ويروّحوه لزياد من إدارة النشاط .. وينهم ؟!!!.

[بسام عوض الله]

شلباية يرفض استقالة شلباية

بذكرني بمسرحية العيال كبرت ، لما سعيد صالح راح المدرسة ورن الجرس ودرس لحاله واعطى لحاله رفض اسبوع

ههههههههههههه شر البلية ما يضحك

[dr.ashraf]

عفيِه وِلّا بطّيخ مْسْمِر ؟!!!.
مجلس إدارة ومُنتخب رسميا ، وحرين همّه لمين بدهم يمرّروا قراراتهم ، لموقعهم الرسمي أو لغيره من المواقع !!.

كنا في الوحدات نت ، السبيكَر تبع التليفون لأكثر من عضو يكون مفتوح والجلسة شغّالِه وقراراتهم تنزل عندنا قبل ما تنزل في موقع النادي الرسمي وخلال الجلسة ما هِي شغّالِه .
احترموا العالم وقدّروا أن هذا هو مجلس إدارتنا ، مجلس إدارة الوحداتية وسيبوكم من التقزيم والتصغير لهم عـ الطالعة والنازلِه !!.

وبلاش في كل موضوع من مواضيع المنتدى نازلين طخّ عليهم ، سواء الشغلِه مِحرِزِه وِلّا مش محرِزه ، مباراة ما انبثّتِش الإدارة .. حكم ما حسبش بلنتي الإدارة .. حكم حسب بلنتي لغيرنا الإدارة .. لاعب من نادي ثاني خفّفوا عقوبته الإدارة .. مدرب ما لاعبش واحد من لعّيبتنا .. الإدارة ، الإدارة ............. أَيْ والله مش بس زوّدتوها ، مسّختوها كمان !!.

اسلكوا معهم صحّ ، تواصلوا معهم صحّ ، خلّوا علاقاتكم مبنية معهم على الاحترام ، وبعدين تعوا طالبوهم ينزّلوا أخبارهم عندكم !!.

أنا اقتبست رد مشرف وبوجّه هذا الرد لمشرف ، وأظنه بيشتغل في الإعلامية كمان .. وبعرف إنكم في الإدارة أو في الإشراف أو في اللجنة الإعلامية رح تنطوا وتحكوا لي هذا رأي شخصي ، بس الرأي الشخصي هذا صار صادر عن أكثر من مشرف ، وصار صادر عن أكثر من إداري ، وصار يُمرر لكثير من الأعضاء في كثيــــــــــــــــــــــــــــر من المشاركات ، وكثير جدا منها ، حتى أن هناك مواضيع ما إلهاش دَخَل ، وبتلاقي مشاركات فيها طخّ ... الإدارة الإدارة ،، وفي هيك حالة ما عادت هذه آراء شخصية ، بل أصبحت توجّهًا وسياسة موقع وتوجيها يباركه الموقع بإدارته ومشرفيه ، واختلافا ..
لا بل خلافا مع مجلس الإدارة ومداقرة ومناقرة وفضح عـ الفاضي والمليان ..
وبدكم اياهم بعد هيك يعطوكم أخبار قبل ما يعطوها لفوزي حسونة وخالد خطاطبة ؟!!!!!!!!!!!!!.

مع اني أوافقك أخي جمال بمعظم ما تفضلت به ... وبالذات بموضوع تحميل الإدارة كل ما يحدث وانا ضد هذا الكلام جملة وتفصيلا.. وكتبت مشاركة سابقة ان كل الإدارات المتعاقبة لم تستطع تغيير ما يحدث .. فلا يوجد من داعي لتحميل الإدارة كل صغيرة وكبيرة...
ولكن تحفظي على مسرحية استقالة شلباية ورفضها والتي تتكرر من فترة لأخرى.. يعني اذا الرجل فعلا اله خاطر يستقيل والله حرام الي بعملوه فيه ... يعني هو الشغل بالغصب.. هذا انا الي مش فاهمه