الفرق بين إعتذار اللاعب الوحداتي وغير الوحداتي عن الإلتحاق بالمنتخب ...!

[jamalsadeq]

مهزله

[فارس همام]

الإبتزاز

[ابو صلاح عرار]

الحل الوحيد نخلي النونو يجيب اهداف هيك بترتاح نفسيته و بشرفنا

[بسام الحمران]

عن جد الوضع بخزي
لا يعامل اللاعب الوحداتي كبقية اللاعبين للاسف حتى المدرب لم يسلم من الالسن المريضه
فالمبدأ عييييييييييييييييييييييييييييييييييييب

[jamal nashwan]

بحِسّ إنها هالعمايل هاي زي لعبة بِيت بْيُوت !.

لا مادة مُحَضَّرة صحّ ، ولا مضمون يِنْحَكى فيه صحّ ، ولا الضيف اللي جاي يحكي صحّ ، ولا مُقدِّمين صحّ ، بحيث إذا المادة والمضمون مش صحّ ، يكون للمقدِّم وجهة نظره ورأيه المبني على شواهد سابقة ومواقف مماثلة حصلت تجعل من الحدث ذا أهمية ومثار حوار بنّاء يدفع لحل قضية أخرى ربما تكون أكثر أهمية من تبرير اعتذار لاعب عن المنتخب أو الهجوم على مدير فني حمّله هذا الإعلام مسؤولية عدم اختيار لاعب لتشكيلة تجمُّعٍ استعداديٍّ ودّيٍّ ..

للأمانة ، أنا لا أرى في هذا الموقف أية عنصرية ، ولا نكاية ولا كيد ولا بلا تجاه الوحدات ، هذا اسمه هَبَل إعلامي ، وتِعباية خانة ، وتِحشاية خبر لتكملة دقائق من برنامج ، ويا ريت البرنامج كله على بعضه مستاهل حجز الفضاء في هالساعة وِلّا الساعات اللي بيتقدّم فيها ..
يعني هُو السيد / مقدِّم البرنامج ، مش عارف إنّو موجودة عندهم في قناتهم المادة الفلمية للموقف السابق التي تتحدث عن لاعب الوحدات عند اعتذاره ، ما شافهاش ، ما حدِّش بلّغُه ، ما حدّش نبّهُه من المُعِدِّين ولا المخرجين ولا الأرشيفيين عندهم في القناة إنّو بلا منها هالفقرة عن اعتذار لاعب الرمثا لإنها رح تجيبلنا التايهة ، ورح تجعلنا في أدنى مراكز الانحطاط الإعلامي وعدم الموضوعية وعدم الشفافية ؟!.

وعلى سيرة الشفافية والموضوعية ، لو - مثلا - ينبعث هذا الفيديو المُقارِن لإحدى المحطات الفضائية المشهورة ويتم عرضه في خبر جانبي من ضمن أحد برامجها درجة عاشرة ، أسألكم بالله رح تخلصوا ، وهو خبر جانبي وببرنامج درجة عاشرة ؟!!.

ارتقوا ، ارتقوا يا جماعة الخير .. والله القاع ازدحم !.

[باسم موسى]

اشي مسخرة

[khaled salameh]

الحق كله مع حمزة فان باستن ،، كان لازم يراعي ظغطة النفسي وفشله الرياظي مدرب المنتخب المجرم اللي بيراعوش النفسيات المريظة !!

[khaled salameh]

طبعا لو كان المدرب غير ابو زمع لاختلف مسار الحديث !!

[أبو صلاح القصراوي]

خالد الحطاطبة حمل ابوزمع المسؤولية بسبب استدعاؤه للمنتخب

ههههههه

كثر هم الكتاب المجنّدين لمحاربة الوحدات و للدفاع عن أي طرف ليس من الوحدات ...

[أبو صلاح القصراوي]

شيئ طبيعي انهم يبررو له حمزة يعتبر لديهم وحسب تصنيفاتهم مواطن درجة اولى لا يمكن التشكيك بحضرته مع اني شخصيا لا اقتنع ابدا بمستواه والدليل لا اقتنع فيه نجران السعودي ولا الخليج السعودي ولا الفيصلي السعودي مع انهم اندية تنافس عالهبوط ولمن راح عالكويت المدرب حسب تصريح له اللاعب مستواه متواضع وروح على الرمثا وهم بيحكو حمزة وحمزة حسسوني بيحكو عن ميسي او نيمار
عموما حسب تصنيفاتهم لاعبي الوحدات لو كل المنتخب وحداتي عند النصر ينسب لهم و عند الخسارة ينسبوه لانهم وحداتيين و الحالات كانت كثر
عموما شيئ مقزز ومنفر حين ترى انه هناك خيار و فقوس و رز وبرغل و هيك يعني على سبيل المثال
الاهم يسلموا دياتك ابو صلاح لان الاعلام المنحاز بيتابع وبيشوف خليه يعرف كيف انهم مكشوفين كلهم وان شاء الله الوحدات و ما يعنيه و رمزه و لاعبيه يضل شوكة بحلق هيك اعلام وهيك عنصريين

لا تخااااف ...
طبعاً الحجج والمبررات دائماً حاضرة على لسان هؤلاء ...

[AlMTOOR]

نفسية حمزه
ودلع حمزه
شوفوا له طبيب نفسي
المسخم

[محمد عبد الكريم]

شكرا أبو صلاح على هذه الجهود الجبارة التي تنم عن حس إعلامي مبني على المصداقية والتوثيق... وإلى الأمام إن شاء الله.

[khaled edwan]

معلش سؤال

يعني المحللين في الفيديو بيقولوا انه حمزة افضل مهاجم بالبلد

بالله جماعة الاحصائيا كم جول جاب مع الرمثا ومع المنتخب

مهو حسن عبد الفتاح وهو مش مهاجم جاب قد كل جواله بمباراة واحدة
وبهاء فيصل كم جول الو مع المنتخب وهو بيلعبش غير كم مباراة

عيب اللي بيصير

ما زال صبرة بيقول احنا دولة مؤسسات

اللي نفسيته بتتعب هلقد برضه مش ضروري يكون في المنتخب

بلاش يضيع البلد بدل ما يضيع ناديه

[jamal nashwan]

كثر هم الكتاب المجنّدين لمحاربة الوحدات و للدفاع عن أي طرف ليس من الوحدات ...

والله يا ابو صلاح إنكم بتمنحوهم أهمية لما تحكوا محاربة الوحدات ...


يا زلمِه هذا هَبَل ، وبيضحكوا على حالهم فيه .. ويخلِف عليك وما قصّرِت بعمل هذا الفيديو ، وهيك إعلام وهيك إعلاميين بدّك تمنعهم يتهبّلوا ويُدلُقوا هَبَلْهم علينا ؟. إذا عِنّا القدرة والإمكانية في هذا الموقع إنّا نبعث هالفيديو وفيديوهات أخرى مثله ونشرها على مستوى إقليمي حتى الكل - إقليميا - يشوف هالهبل اللي بيتهبّلوه ، كان بها .. أما إنّا نظلّ نحكي محاربة وعنصرية وكيد وبلا بالوحدات ، والله هالحكي هاظ ما بطعمي خبز ، وأنت قلتها :

لا تخااااف ...
طبعاً الحجج والمبررات دائماً حاضرة على لسان هؤلاء ...!.

[ابو سند 77]

كثر هم الكتاب المجنّدين لمحاربة الوحدات و للدفاع عن أي طرف ليس من الوحدات ...

ابو صلاح يسعد صباحك
طبعا التلفزيون الموقر وجد الفرصة مناسبة لاستضافة هذا الكانب الحاقد على كل شيئ وحداتي