رافت علي سيقود فريق ال18

[ابو عمار الجنيدي]

بالتوفيق للمارد
ولكن للامانه الكابتن رأفت لا يصلح

[ابو محمد عماد]

رأيي رأفت يجب أن يأخذ فرصته
وعليه أن يستغلها

أعتقد سينجح

[البلوي]

لايصلح

[Hasan]

بالتوفيق للكابتن رافت علي حارق روس من هسا كيف بكرا

[معاذ العقرباوي]

في اسس علمية يجب ان تبنى على الاراء التي اراها ضد رافت علي
ممكن تطلعونا عليها ؟
احنا العرب بنحكم عالبني ادم قبل ما يعمل اي شغلة بالفشل , ليش ؟

بدكم رافت يوخذ خبرة , عالاول كنتو ضد و الان بالفئات العمرية كمان ضدو , طيب من وين يوخذ خبرة , هاتو اعطونا الاجوبة ؟

[jamal nashwan]

بالتوفيق للمارد
ولكن للامانه الكابتن رأفت لا يصلح

بالتوفيق لوحداتنا الغالي ..

حبيبي يا ابو عمار ، إحنا جرّبناه مدرب عشان نحكي يصلح ولا يصلح ؟!.

بعدين شو هيِّه بطولات الفئات اللي عنّا في هالبلد اللي بينقاس عليها المدرب الصالح من الطالح ؟!.

زي ما صلحوا اللي قبله بيصلح هوِّه ، وِلّا أنت شايف أن الوحدات السنة هاي بطولاته رح يخوضها مع فئات أندية إسبانيا ؟!.

خليه زيّـو زيّ نادر زعتر زي البسيوني زي غيرهم وغيراتهم من اللي درّبوا وصلحوا ، يا إمّا يسكّروا هالفئات اللي مش جايبه همها من عشر سنين وجاي أو أكثر وما طلّعتش قلب دفاع وِلّا ظهير يمين وِلّا مهاجم عليهم العين وينشدّ فيهم ظهر الفريق !.

هذا الحكي اللي حكيته فوق حكي فني من حيث يصلح أو لا يصلح فكلهم زي بعض وبدأوا من الصفر مع الفئات ، يعني ما حدّش قبل رأفت بيتخيّر عنّـو ولا أحسن منّـو .. وإذا عشان شغل الانتخابات ومصالح ثانية ، فكلّـو بيشتغل انتخابات مع كلّـو .

[Abo Omar 2012]

خليه زيّـو زيّ نادر زعتر زي البسيوني زي غيرهم وغيراتهم من اللي درّبوا وصلحوا ، يا إمّا يسكّروا هالفئات اللي مش جايبه همها من عشر سنين وجاي أو أكثر وما طلّعتش قلب دفاع وِلّا ظهير يمين وِلّا مهاجم عليهم العين وينشدّ فيهم ظهر الفريق !.

.

فقرة تدرس يا ابو احمد (ايام زمان)

[وحداتي في الجنوب]

بالتوفيق لابو علي ..

رأفت عنده الخبره الكافيه لينجح ان شاءالله لانه امضى وقت طويل وهو مدير فني داخل الملعب

والي عنده كلمة خير يقولها او يسكت ولا يستبق الاحداث لمجرد الهجوم على رمز من رموز المارد ،

[canada]

عن جد جزء صغير من جمهور الوحدات لا يستحقو رافت علي اللي حاربوه كلاعب وفي اعتزاله ولكن الله رزقه
بدكم إياه يدرب فريق مدرسه عشان يؤخذ خبره !!!

رافت علي حارق روس كتيره وان شاء الله تنجح يا بيكاسو

[هادي]

بات من حكم المؤكد. تعيين. مهدي ابو قشه مدير للفريق

[jamal nashwan]

فقرة تدرس يا ابو احمد (ايام زمان)

أستغفر الله أخي أبو عمر ..

[أبو وليد اللورد]

ابرز قرارات مجلس الاداره

إجتمع مجلس إدارة نادي الوحدات اليوم السبت الموافق 9/7/2016 برئاسة رئيس النادي طارق خوري وبحضور أعضاء مجلس الإدارة الدكتور بشار الحوامدة و زياد شلباية وعوض الأسمر وبسام شلباية والمهندس علي خليفة ، وجاءت أبرز القرارات
الموافقه علي انتقال سمير رجا واحمد ابو كبير لفريق الحسين اربد في تنسيب من الكابتن عدنان حمد
الموافقه علي تحرير باسل شاهين واسامه سريوه وعلي ذياب في تنسيب من الكابتن عدنان حمد
الموافقه علي تحرير محمود شوكت الي نادي سحاب
في تنسيب من الكابتن عدنان حمد تقرر السماح لجمهور لحضور التمرينات فقط ايام السبت والخميس من كل اسبوع لعدم التشويش على اعداد الفريق

[jamal nashwan]

ستة اللي حاضرين الاجتماع ، بسّ ؟.
والستة اللي اتخذوا هالقرارات ؟!.