رامي الردايدة ( الظلم ظلمات )

[الذيب©]

صباح الخير أخي جنكر عليك وعلى الإخوة الكرام ..

كثرت المواضيع التي تتحدث بهذا الخصوص ، وكل فترة والثانية حديث عن لاعب !.

من رأيي أن أي لاعب يشعر بالظلم ، او يشعر بأنه أعلى من مستوى بعض اللاعبين وأن من حقه أن يلعب أساسيا ، أو أن يكون ضمن القائمة الرئيسة المعتمدة للفريق في المباريات الرسمية ، فليذهب للبحث عن رزقه وعن مصدر دخل له في نادٍ آخر غير الوحدات .. فكلها أرزاق ، وربما يكون هناك دخل ورزقة ( زيادة ) في نادٍ آخر لأي لاعب ينتابه هذا الشعور بالظلم ، أو يشعر بأنه أفضل مستوى من باقي زملائه في الفريق ،، فهو في نادي الوحدات مش قاعد ببلاش .

أخي جمال
الشغلة مش شغلة اكل عيش.. احنا مش في ورشة حدادة مع احترامي للحدادين، ولا في كسارة، مع احترامي للحصمة والعدسية والخشنة، ولا في سوق خضرة مع احترامي للخضرجية والسماسرة ولصحاحير البولسترين.
الشغلة شغلة لاعب من حقه يوخذ فرصة مثل الفرص اللي اخذها غيره على حساب الواسطة والفساد والمحسوبية.
كنت اتمنى منك وانت دوما تتصدى للدفاع عن اللاعبين المظلومين ان تقول كلمة تنصف اللاعب، وتنصف غيره..
على كل حال، إلك الله يا ردايدة، وإن شاء الله ربنا يوفقك في شغلة غير كرة القدم تكسب فيها رزقك، وتصرف فيها على عيلتك... وإن شاء الله راح احكيلك مع صاحب إلي في مصنع السجاد، يدبرلك وظيفة تكسب فيها لقمة على الأقل بكرامة، في ظل الاستعباد والظلم والاستبداد في فريق لا يحترم جماهيره ولا تاريخه ولا رمزيته.

[jamal nashwan]

أخي جمال
الشغلة مش شغلة اكل عيش.. احنا مش في ورشة حدادة مع احترامي للحدادين، ولا في كسارة، مع احترامي للحصمة والعدسية والخشنة، ولا في سوق خضرة مع احترامي للخضرجية والسماسرة ولصحاحير البولسترين.
الشغلة شغلة لاعب من حقه يوخذ فرصة مثل الفرص اللي اخذها غيره على حساب الواسطة والفساد والمحسوبية.
كنت اتمنى منك وانت دوما تتصدى للدفاع عن اللاعبين المظلومين ان تقول كلمة تنصف اللاعب، وتنصف غيره..
على كل حال، إلك الله يا ردايدة، وإن شاء الله ربنا يوفقك في شغلة غير كرة القدم تكسب فيها رزقك، وتصرف فيها على عيلتك... وإن شاء الله راح احكيلك مع صاحب إلي في مصنع السجاد، يدبرلك وظيفة تكسب فيها لقمة على الأقل بكرامة، في ظل الاستعباد والظلم والاستبداد في فريق لا يحترم جماهيره ولا تاريخه ولا رمزيته.

حبيبي أبو محمد ، كلمة ظلم كبيـــــــرة ، كبيرة كثيــــــــر !.

لاحظ أنني في مداخلتي التي اقتبستَها ما هوّبتش ناحية اسم ( رامي الردايدة ) وكلامي عن كل اللاعبين وعن أي لاعب يشعر بما ورد تحت شعار هذا العنوان ، وبرضو زي ما إنّـو إحنا بنحكيش عن محددة ولا منجرة ولا كسّارة ولا محل خضرة ، فإحنا بنحكي عن نادي ، والنادي هذا مش تكيّه .. وما دامك بتحكي عن ( رامي الردايدة ) خصّ نصّ فأنت أجبرتني إنّي أحكي فيه ، لو إنّو مش مرتاح ومش مبسوط ومش مستفيد ، كان زمــــــــــــــــــــــــــــــــــــان شافلو شوفِه ،
هذا لو إنّو قـدّ حالو .. يعني ، هيّـنا بنقبض !.

يا ياسر الله يسعدك ، إحنا في عهد احتراف فــــــــــــــــــــــــــــاشل .

[jamal nashwan]

يعني والله يا حبيبي يا ياسر ، من كثر سلبية هذا اللاعب وعدم مبالاته وعدم اكتراثه ، واهتمامه بسّ إنّو يوخذ عقده ورواتبه ، صرت أحسّ إنّو متواطئ مع المخططين على تفريغ المركز إيّاه اللي بيلعب هوّه فيه واللي بيلعب فيه الظهير الأيمن الأوحد اللي عنّا ، وهيّنا بنقبض !.

آه ما تفكّرش يعني ، ولا يروح فكرك إنّي بغطّي أو بدافع عن حدا ،، أما تقولّلي ظلم واستعباد واستبداد .. لا يا ياسر ، هذا الحكي كبيـــــــــر .. هذا شغل كهننِه وتمرير وتزريق آه ، والله يسترنا من القادم من هيك إدارة ومن هيك لاعبين قادمين ؟!.

وعلى فكرة ، الحكي هذا مش من اليوم أنا حاكيه .. لأ ، من زمــــــــــان !!.

[جهاد علي]

احتمال انه ما يكون وصل له عقود احتراف كونه قاعد على الدكة ومش قادر يلفت انظار المدربين عليه

مظلوم وغيره كثير , ويا ويل ويله اللي نام ظالم .

[الذيب©]

يعني والله يا حبيبي يا ياسر ، من كثر سلبية هذا اللاعب وعدم مبالاته وعدم اكتراثه ، واهتمامه بسّ إنّو يوخذ عقده ورواتبه ، صرت أحسّ إنّو متواطئ مع المخططين على تفريغ المركز إيّاه اللي بيلعب هوّه فيه واللي بيلعب فيه الظهير الأيمن الأوحد اللي عنّا ، وهيّنا بنقبض !.

آه ما تفكّرش يعني ، ولا يروح فكرك إنّي بغطّي أو بدافع عن حدا ،، أما تقولّلي ظلم واستعباد واستبداد .. لا يا ياسر ، هذا الحكي كبيـــــــــر .. هذا شغل كهننِه وتمرير وتزريق آه ، والله يسترنا من القادم من هيك إدارة ومن هيك لاعبين قادمين ؟!.

وعلى فكرة ، الحكي هذا مش من اليوم أنا حاكيه .. لأ ، من زمــــــــــان !!.

والله يا جمال، إحنا الجمهور زي اللي بالع الموس عالحدين، لا عارفين شو بيصير وراء الكواليس ولا قدامها، وللأسف احيانا نتعاطف مع شخصية وما منعرف شو في خلف الكواليس، واحيانا نتحامل على لاعب، وبيكون الزلمة مظلوم.

الواحد بطل عارف كوعه من بوعه، ولا كراكيعه من ضلوعه" كيف هادي جديدة" انا اخترعتها .. هسا.

بس شو يعني كراكيعه ؟

[jamal nashwan]

والله يا جمال، إحنا الجمهور زي اللي بالع الموس عالحدين، لا عارفين شو بيصير وراء الكواليس ولا قدامها، وللأسف احيانا نتعاطف مع شخصية وما منعرف شو في خلف الكواليس، واحيانا نتحامل على لاعب، وبيكون الزلمة مظلوم.

الواحد بطل عارف كوعه من بوعه، ولا كراكيعه من ضلوعه" كيف هادي جديدة" انا اخترعتها .. هسا.

بس شو يعني كراكيعه ؟

كراكيعُه زي لغاليغُه .. ظُـبّ لغاليغك في ثمّـك واسكت ،، أَحْسَـلّك !.



= = = = =

أحسلّك : إدغام بدون غنّـة ..

[الذيب©]

طَ.

[د.محمد مخلوف]

تم اعارته لاندية الظل ولم " يفلح " عنا بدو يفلح

لأي اندية تم اعارته؟؟

[ابو النمر]

اللاعب من يوم ما اجا وهو عارف انو راح يصير فيه هيك
السنه الماضية نفس الشي صار فيه ليش قبل ع حالو ينحط بهيك موقف
وقنديل لولا حرمان شفيع ماحلم يلعب نص شوط وكتيييير غيرهم

[احمد الشخشير]

هههههههههههههههه
انسى الموضوع مهو ابو فراس بقولك ( انتا يل بديل اثبت حالك هيو فراس غايب )
اخخخخخ على هالزمن بس صار فراس اساسي و لازم اللعيبة تثبت حالها بس تلعب مكانو
طبعا من المستحيل ان يلعب ظهير يمين بس يغيب فراس بنرجع عامر ذيب او بنجيب قلب دفاع زي محمد مصطفى
رامي و قنديل بلعبو كرة طائرة مهما ليش انلعبهم

[احمد الصري]

لاعب ممتاز ... شارك بالمباراة الودية ضد نادي الهاشميه قبل شهر مع جيل الوحدات الشاب وابدع .. لاعب سريع جدا ومراوغ ممتاز ...وكان متفاهم مع عمر قنديل ولعب بمركز وسط ايمن ...
لا ندري سر بقاؤه احتياطي

[أبو أحمد زبدية]

يعني والله يا حبيبي يا ياسر ، من كثر سلبية هذا اللاعب وعدم مبالاته وعدم اكتراثه ، واهتمامه بسّ إنّو يوخذ عقده ورواتبه ، صرت أحسّ إنّو متواطئ مع المخططين على تفريغ المركز إيّاه اللي بيلعب هوّه فيه واللي بيلعب فيه الظهير الأيمن الأوحد اللي عنّا ، وهيّنا بنقبض !.

آه ما تفكّرش يعني ، ولا يروح فكرك إنّي بغطّي أو بدافع عن حدا ،، أما تقولّلي ظلم واستعباد واستبداد .. لا يا ياسر ، هذا الحكي كبيـــــــــر .. هذا شغل كهننِه وتمرير وتزريق آه ، والله يسترنا من القادم من هيك إدارة ومن هيك لاعبين قادمين ؟!.

وعلى فكرة ، الحكي هذا مش من اليوم أنا حاكيه .. لأ ، من زمــــــــــان !!.

هذا اللي حاصل
الشب غير معني بالمشاركة وقابل بالوضع الحالي

[احمد الصري]

لأي اندية تم اعارته؟؟

تم اعارته للمنشيه لمدة عام

[أبو أحمد زبدية]

لأي اندية تم اعارته؟؟

البقعة والمنشية

[Ramzi Hashweh]

مع كل الاحترام, شاهدته بالتمارين ولم أشعر انه بحجم الوحدات فمازال هذا المركز فارغ.