راحت السكرة وأجت الفكرة

[أبو صلاح القصراوي]

ابداع متواصل من لجنتنا الاعلامية

يعطيكم الف عافية

[saed mohd]

سرد رائع فيه خفة دم
ههههههههههههه
مبروك لنا جميعا ال 15 لقب
بس النص ما عجبتني
يا ابيض يا اسود خخخخخخخخ

[ابو احمد 75]

انا بكون مبسوط لما ما أشوف حد من الإدارة الحالية في مستقبلا
بكون مبسوط لما زياد شلباية بحياته ما يمسك نشاط كرة القدم
بكون مبسوط لما نصف التشكيلة الأساسية تطلع بره
بكون مبسوط بس يتم طرد عساف وهشام
بكون مبسوط لما يكون عندك لاعبين يهتموا الوحدات وعندهم انتماء للنادي
بكون مبسوط بس أشوف عنا ظهير أيمن زي الخلق.
بكون مبسوط بس يكون عنا مدير فني فهمان وما يسمح لأي عضو يتدخل

[Jabal Hafeet]

ميروك الدوري، وهذا درس. لمسؤولي الفريق، في المشاركات الاسيوية، والدوري، والمنتخب، يجب تدوير اللاعبين.
كل فرق العالم بتعمل روتيشينز للاعبين الا في الاردن. نفسهم بيلعبوا كل مباريات النادي، حتي لو بيحبوا حبي بالملعب.

[Abu_Besan_Alw7daty]

اكيد اشي بفرح بعد كل المكائد اللي انعملت لتجيير اللقب للغريم
بس اللي بخوف... الدوري الجاي بدو يكون الوضع هيك
الله يستر

[Hasan]

والله انك ملك يا ابو صلاح

[القناص]

موضوعك جميل
لكن اسمحلي
خانك العنوان
ما هكذا تورد الإبل

[الكابتن إبراهيم عبد الله]

الحمد لله رب العالمين ...

بغض النظر عن كل ما حدث منذ بداية الموسم لليوم .. وبغض النظر عن الفكر ( المتحجر ) الذي يتمتع به أعضاء مجلس إدارة قلعتنا الخضراء .. بغض النظر عن مسلسل عساف ( التائه في الكروم ) .. بغض النظر وبغض النظر وعِدّوا من هوووون لبكرة ...

الحمد لله أنا مبسوط بعد ما ( راحت السكرة وأجت الفكرة ) .. والله على قد ما تنكدت إلا أني هسّه مبسوط .. وأكلنا كنافة اللقب أنا والغالي النشوان ...

مبسوط أولاً لخسارة الزرق أمام الحصان الأسود ( البوقعة ) .. مبسوط لأنهم سمطوهم جوووول طلع من درابزين المخيخ الأفتل تبعهم ...
مبسوط لأنه التاريخ اليوم مسح الرقم 14 وطرّز الرقم 15 .. 15 لقب أخظراني في بطولة الدوري .. لا بل 15 ونص مع اللقب اللي قرطوه علينا بهذيك السنة ( الملغى ) .. بمعدّل كل سنتين لقب من تاريخ صعودنا للدرجة الأولى .. وإذا بنحسب الألقاب الـ 9 لمراكز المخيمات بيصيرن 24 لقب وإحسبوها بمعدل كل قديش سنة لقب إذا بتحبوا .. طبعاً ما حدا يتفلسف من الهذولاك ويحكي نص كلمة عن بطولات مراكز المخيمات لأنها كانت أقوى من بطولات الـ4 فرق على ملعب الكلية ( مش عارف شو ) ...!!

أنا مبسوط لأنهم مفرحوش .. لأنهم ( وأنا ضعيف بالإعراب ) عائدة عليهم كلهم اللي مكانوش بدهم الوحدات يتزغلل باللقب 15 .. ونص ...

إذا بدي أعدّلكم ليش أنا مبسوط بخلّصش .. المهم أنا مبسوووووط باللقب .. وألف مبروك إلي وللمبسوط ...

اتمنى ان تكون دائما مبسوط

[هادي]

اخي ابو صلاح انا مبسوط

[K H A L E D]

نعم بطعم العلقم ولكن افضل من ذهابة للغريم اكيد مع اني لللآن لم استطيع الفرح ولكن لو ذهب اللقب للغريم كان انجلطت

[أبو صلاح القصراوي]

سرد رائع فيه خفة دم
ههههههههههههه
مبروك لنا جميعا ال 15 لقب
بس النص ما عجبتني
يا ابيض يا اسود خخخخخخخخ

[أبو صلاح القصراوي]

انا بكون مبسوط لما ما أشوف حد من الإدارة الحالية في مستقبلا
بكون مبسوط لما زياد شلباية بحياته ما يمسك نشاط كرة القدم
بكون مبسوط لما نصف التشكيلة الأساسية تطلع بره
بكون مبسوط بس يتم طرد عساف وهشام
بكون مبسوط لما يكون عندك لاعبين يهتموا الوحدات وعندهم انتماء للنادي
بكون مبسوط بس أشوف عنا ظهير أيمن زي الخلق.
بكون مبسوط بس يكون عنا مدير فني فهمان وما يسمح لأي عضو يتدخل

ولاااااا بيصير إشي من اللي كتبته .. إلا إذا الكل فينا بحمّس اللي حواليه وأهله وقرايبه يسجل في عضوية الهيئة العامة ...

[أبو صلاح القصراوي]

ميروك الدوري، وهذا درس. لمسؤولي الفريق، في المشاركات الاسيوية، والدوري، والمنتخب، يجب تدوير اللاعبين.
كل فرق العالم بتعمل روتيشينز للاعبين الا في الاردن. نفسهم بيلعبوا كل مباريات النادي، حتي لو بيحبوا حبي بالملعب.

[أبو صلاح القصراوي]

اكيد اشي بفرح بعد كل المكائد اللي انعملت لتجيير اللقب للغريم
بس اللي بخوف... الدوري الجاي بدو يكون الوضع هيك
الله يستر

بس نعيش للدوري الجاي بفرجها ربك .. هسّع خلينا مزهزهين يا رجاااااال ...

[أبو صلاح القصراوي]

والله انك ملك يا ابو صلاح

ملك الملتيميديا .. آه ...