اعادة فراس شلبايه ومحمد مصطفى لمراكزهم الاصليه وتجربة ليث

[ابوعبدالله احمد]

في سبيل تحقيق الاحلام يبذل الغالي و النفيس
هذا كبير الدار و ايقافه يعتبر انجاز بحد ذاته
لكن هيهات

[ALWa7sh]

المدرب الذكي بقدر يخلق اي مركز لاي لاعب .
فراس جناح معك ، محمد مصطفى ارتكاز معك
لكن ليث نفاثه لا يصلح كظهير ، لو في مدرب يشتغل عليه ويعلمه يستغل سرعته وبنيته الجسمانيه ورفع رأسه بالملعب بصير زي رونالدو

[البلوي]

فراس لازم يعود لمركزه الاصلي

[هادي]

ممكن واقتراح منطقي
لو انا مدرب صراحه بعمل هيك

[سالم محمد]

شكلكم ما بتحضرو مباريات المنتخب الاولمبي لانه فراس مركزه من زمان في المنتخب ظهير يمين وهو اساسي وبلعب كل المباريات وثابت في التشكيلة وابو عابد عندو كل الخيارات من كل الاندية بس فراس اساسي وظهير يمين

[ايمن راتب]

شو السبب انو مافي ولا لاعب بلعب بمركزه؟
يعني هيك جاي على بال المدربين الي دربوا الوحدات....
وله الاداره السبب وراء التشكيله ومراكز اللعيبة...

[الذيب©]

فراس لازم يروح ... عالضار
البشتاوي ... ما اعتقد يرفع راسه من الأرض ... لاعب للأسف لا يلعب بعقله.
بهاء فيصل مثل ليث البشتاوي بالضبط.. للأسف.
الحج مالك ... لاعب بحاجةإلى أن يتطور ... بدو سنتين ثلاثة ليصير مهاجم كويس.
مين كمان .
فريق مثل الوحدات ونفسيات لاعبي الوحدات .. بدو مدرب اجنبي ... عقله شمال.. ومعندوش لحية إمشطه.
غير هيك انسى الوضع

[احمد ابوديه]

فراس لازم يروح ... عالضار
البشتاوي ... ما اعتقد يرفع راسه من الأرض ... لاعب للأسف لا يلعب بعقله.
بهاء فيصل مثل ليث البشتاوي بالضبط.. للأسف.
الحج مالك ... لاعب بحاجةإلى أن يتطور ... بدو سنتين ثلاثة ليصير مهاجم كويس.
مين كمان .
فريق مثل الوحدات ونفسيات لاعبي الوحدات .. بدو مدرب اجنبي ... عقله شمال.. ومعندوش لحية إمشطه.
غير هيك انسى الوضع

انا بس بدي اعلق على كلمت( عالضار)
اخي الكريم هي لغتنا الفلسطنيه الحبيبه الي بتميزنا عن الجميع

[dal2002star]

رأيي الشخصي ب ليث البيشتاوي أنه لا يصلح بأي مركز وحرام يبقى في النادي

[الذيب©]

انا بس بدي اعلق على كلمت( عالضار)
اخي الكريم هي لغتنا الفلسطنيه الحبيبه الي بتميزنا عن الجميع ...

الضار... كلمة جميلة ... للمداعبة
ومثلها ... بنضورة ..

[الذيب©]

رأيي الشخصي ب ليث البيشتاوي أنه لا يصلح بأي مركز وحرام يبقى في النادي

يا عيني عليك .. صح

[مرادالصفدي]

لاعبينا جميعهم مميزين وبحاجه مدرب بفهم

[حمزة النبالي]

اما محمد مصطفى قادر على اعطاء الافضل فهو قلب دفاع ناجح

[ابو النور اللداوي]

ليث البشتاوي

الفرق بين انديتنا و اندية اوروبا التي تعتمد على صناعة النجوم
الصغار الذين تشتريهم بعقود قليلة التكاليف
و تبيعهم بأغلى الاسعار
انه عندما يجدون لاعب يستحق ان يتعب عليه يتعبون
عليه و عندنا الاعب الذي له ظهر بيتعبوا عليه على الفاضي

......
على فكرة الي شاهد سواريز لما كان مع اياكس بيعرف انه في شبه من ليث
كان سواريز ما يرفع راسه و ما يعطي طابة الا لما ينحشر
و كان اساسي مع اياكس
و تنافست عليه اندية اوروبا
و ذهب الى ليفربول و بعدها الى البرشا
...
و التيوب موجود شاهد سواريز مع اياكس و شوف

.... طبعا ليث اسمه ليث البشتاوي

[د.محمد مخلوف]

طالما فراس موجود موجود.... يفصلوله مركز بزبط فيه!.!.!
سؤال عنجد.... على فرض انه فراس مدعوم من ابوه بالنادي شو الي مخلي ابو عابد يتمسك فيه كمان؟