مؤامرة على اكرم سلمان

[jamal nashwan]

قلتها زمان الخزق الوسيع عامر شفيع
ما حدا رد

والله هـدّ حيلنــا ، وهـدّ حيل كل اللعّـيبه !.

[jamal nashwan]

يا صديقي .. انا على اطلاع كامل بما يحدث ... وما في حدا حكالي نزل موضوع

لكن انا ما زلت اراهن على اكرم سلمان .... اعطوه صلاحيات وشوف شو رح يعمل

على اطّلاع كامل ، معناتو أنت واحد منهم ، يا إمّـا أنت عيسى الترك !.

تزعلش مني من شان الله ، لإنّـو إذا أنت على اطلاع كامل فطارق خوري نفسه بعرفش شو اللي مخبّـيلو أيّـاه أبو ســـــامي !!.

[qusai bakeer]

على اطّلاع كامل ، معناتو أنت واحد منهم ، يا إمّـا أنت عيسى الترك !.

تزعلش مني من شان الله ، لإنّـو إذا أنت على اطلاع كامل فطارق خوري نفسه بعرفش شو اللي مخبّـيلو أيّـاه أبو ســـــامي !!.

أبو أحمد ... لاعبين الوحدات فش فيهم واحد بحب الثاني .... في ولدنه كثير وتغنوج بالفريق ...

لاعبين بلعبوا وما الهم بدلاء ... زي فراس وزي الدميري وزي رجائي وزي وزي ... محترفين واقعين ... بعض لاعبين متخاذلين مع بعض اداريين ...


مدرب بطلب قائمة وبصارح الادارة بوضع الفريق من اول مباراة لعبها الوحدات مع شباب الاردن ... وقال للادارة وقتها انه لا تنغروا بالنتيجة ... الفريق واقع ...


المفروض من الادارة تعطي صلاحيات لاكرم سلمان وتنفذ طلباته وبعدها ييجوا يحاسبوه

لانه مدرب استلم فريق واقع ... لا اعداد بدني ولا خططي ولا اشي .. ما معه عصا سحريه عشان يقلب وضع الفريق

[Rayan Rami]

باختصار وكلمه ابرك من مليون :

الطنطات الموجوده لا تليق باسم الوحدات وانتماء رافت انقرض .

[hazem zuraiqi]

باختصار وكلمه ابرك من مليون :

الطنطات الموجوده لا تليق باسم الوحدات وانتماء رافت انقرض .

من الأخرررررررررررررررررررررررررررررررررررر رررررررررررررررررررررررررررررررررررررررر ررررررررررررررررررررررررر

[وحداتي مغترب11]

والله هـدّ حيلنــا ، وهـدّ حيل كل اللعّـيبه !.

فعلا... كلامك 100٪

[jamal nashwan]

أبو أحمد ... لاعبين الوحدات فش فيهم واحد بحب الثاني .... في ولدنه كثير وتغنوج بالفريق ...

لاعبين بلعبوا وما الهم بدلاء ... زي فراس وزي الدميري وزي رجائي وزي وزي ... محترفين واقعين ... بعض لاعبين متخاذلين مع بعض اداريين ...


مدرب بطلب قائمة وبصارح الادارة بوضع الفريق من اول مباراة لعبها الوحدات مع شباب الاردن ... وقال للادارة وقتها انه لا تنغروا بالنتيجة ... الفريق واقع ...


المفروض من الادارة تعطي صلاحيات لاكرم سلمان وتنفذ طلباته وبعدها ييجوا يحاسبوه

لانه مدرب استلم فريق واقع ... لا اعداد بدني ولا خططي ولا اشي .. ما معه عصا سحريه عشان يقلب وضع الفريق

شوف أخي قصي ، والله ما أنا راضي آجي بطاري هالزلمه ولا بكلمه !.

بـسّ شغله وحده بحبّ أحكيلك اياها ، وإن شاء الله تفهمها ويفهمها الجميع :

أكـرم سلمان لمـا أجا عـ الوحدات عارف الكُـفت وين مكفّـت ، وعـارف كل زغيره وكبيره عن الوحدات ، الرجل عايش هون ، هذا فضلا عن عمله السابق في الوحدات وتعامله مع نفس العقليات وبترينات العرض اللي فيه !.

يعني ما يقعدش يتخوّث ويحكي بدّي وبدّي ، ما هوسبق أن طلب من زياد محترفين ووعده زياد فيهم ، ولما جلس مع كبير الكهنة أقنعه بأن الأمكانات المادية لنادي الوحدات لا تسمح ودبّـر راسك في اللي عندك ، وعلى سبّـة أن هيك التسريبات طلعت ، أو هيك ما أُريد من هذه التسريبات إنها تطلع وإنها تُفهَـم .
ويوم ما حصّل مع الوحدات الثلاثية - لأن الرابعة كانت لعادل يوسف - كان عقده 80 ألف $ ، وطالب بـ 120 ألف $ لتجديد عقده والوحدات يومها رفع لـ 100 ألف $ .. يعني مرة ثانية ، ما يقعدش يتخوّث الحجّي لإنّـو عارف الزيـــر وغطاه أو حتى عارف الجرّة وغطاها !.
هذا فضلًا عن أنه هو نفسه صرّح بأن الوحدات يملك ذخيرة قوية من اللاعبين على سوية عالية ويمثلون المنتخبات الوطنية بكافة فئاتها ، يعني عايِشهم وشايفهم وطابخهم وعاجنهم ..
أمّـا تقول لي ولدنه وبيكرهوا بعض وفريق واقع ، ليش ما يقعّـدو للفريق ، ووين شخصيته القوية على الولدنه والغنوجه ، ومن أساسه ليش يقبل يدرّبهم ؟. وبدّيش أنا أجاوب ليش قبل يدربهم .. بكفّي إني أحكيلك الحجي مش الحجي ، ومع ذلك أنا زيّـك براهن عليه ، بسّ هو يرجع زي ما كان ، أكرم سلمـــان بـدّو سنكرز !.

[الوكيل]

بالعكس اكرم سلمان ما عنده اشي نسي التكتييك والخطط واصلا لا يملك أي شهادة تدريبية الإحتراف بده شهادات وخطط جديدة السبب بذلك اكرم سلمان انا مع اقالته

[abu-mona]

على اطّلاع كامل ، معناتو أنت واحد منهم ، يا إمّـا أنت عيسى الترك !.

تزعلش مني من شان الله ، لإنّـو إذا أنت على اطلاع كامل فطارق خوري نفسه بعرفش شو اللي مخبّـيلو أيّـاه أبو ســـــامي !!.

انا مش انا ، انا مش عرفني

[KHALED SHABAN]

وانا معك لن اشجع فريق فيه واسطات وولدنة ومؤامرات ..
والله هزلت فراس يطير مدربين..

[محمود الفقهاء]

ولا مؤامره ولا بطيخ مدرب منتهي الصلاحيه بالعربي زمانه ولااااا ومن الاخر الفريق يتغربل غربله محترمه يعني شيل احمد الياس وصالح راتب واحمد ابو كبير والباقي عالشطب

[AHMAD-abuOmar]

اللهم عليك بشلبايه وخوري