حصريا ... سبب خسارات الوحدات المتتاليه ...وسبب انقراض الجماهير... وسبب تطاول الجميع على النادي

[roock]

الأردني رأفت علي

44% | 43,609 صوت

[أبو صلاح القصراوي]

حسبي الله و نعم الوكيل بكل من لا يخدم الوحدات بإخلاص ...

[عزت رباح]

انجازات اكرم سلمان الى الان
لعب 8 مباريات
فاز في 4
تعادل في 1
خسر في 3

النقاط التي حققها الى الان من الفوز والتعادل 13
النقاط من الخسارة والتعادل 11
بمجموع حسابي لم يحقق اكرم سلمان غير 2 نقطة في 8 مباريات بعد ان خصمنا نقاط الخسارة من الفوز
يعني اكرم سلمان فقد 11 نقطة في 8 مباريات بمعدل خسارة 1,4 نقاط في كل مباراة

[ماجد جامع]

حسبنا الله ونعم الوكيل

[roock]

مشكورين على قبول فشة غلي واللي هي بكل صراحه ( الواقع الاليم )
اللي دايما ما نجد له المبررات

حسبي الله ونعم الوكيل فيكم يا ادارة النادي جميعا لا استثني فيكم احدا

[عاشق بلادي]

ما بتقدروا تعملوا تجمع وتطالبوا بحل الاداره؟

[yaser ameri]

اخي الكريم .. شو دخل الادارة مع احترامي الك
لاعبين لا حول لهم ولا قوة .. اشباه لاعبين ... بدون احساس ولا حتى شعور بالمسؤولية وكأن هده الجماهير الحاضرة لا قيمة لها عند اولئك اللاعبين .. اداء مسخره .. مدرب ضايع مش عارف وين رايح مع احترامي الشديد لشخصه وتاريخه ..

لا خطة لاعب .. لعب ممل اداء مخزي لا يرقى للعب الحارات .. بدون فرص او متعة .. حقيقة شيء يدعو للقهر وليس الفخر ..

والله صدري صار يوجعني مش قادر اكمل حكي .. بكفي

[ALaa AL LORDDD]

بسم الله الرحمن الرحيم

( اعضاء الهيئه العامه للنادي )

طبعا الا من رحم ربي وبصدق اقول الاغلبيه العظمى هي السبب اللي من ٣٠ سنه مش عارفه تعمل شي وبتنتخبلنا الجهابذه المذكورين تحت

ما بحب اقلكم غير اتقو الله فينا وفيكم وفي النادي الرمز الذي سيدفنوه الذين تنتخبوهم . ( اصحو )




طارق خوري .... بياع حكي واكبر اسباب الشلليه بالفريق + (بفهمش كرة القدم )



زياد شلبايه .... زعيم الغلابى . ما بخلي اعراس اطراح مناسبات لاعضاء الهيئه العامه الا بكون متواجد و بقوه ..
اللي بده اياه بصير غصب عن الكل ( اكبر قاعده جماهيريه من اعضاء الهيئه العامه ) + ( بفهمش بكرة القدم )

بسام شلبايه .... ناطق اعلامي للنادي وظيفته اخذ الاذن من زياد شلبايه قبل ان يدلي باي تصريح ولا ( بطير ) ناطق اعلامي ما بعرف يكمل جملة صحيحه ع بعض + ( بفهمش بكرة القدم )


عبد الرحمن النجار .... مدير مالي من سنة الخشبه شغلته الوحيده انه يكون مدير مالي وثلاث ارباع الاجتماعات بحضرهاش + ( بفهمش بكرة القدم )



عوض الاسمر .... من اين اتى وكيف جمع كل هالاصوات بالهيئه العامه لا احد يدري شغلته البصم لزياد شلبايه على كل كلمه بحكيها شو شغلته بالنادي ما حد بعرف فقط شغلته اللي بعرفها هي حضور المباريات عن المنصه + ( بفهمش بكرة القدم )



سامي دحبور .... مرة بنجح بالانتخابات ومرة ما بنجح و شغلته هي لاكمال نصاب اي اجتماع بالنادي والبصم لزياد شلباية وشلته + ( بفهمش بكرة القدم )




علي خليفه .... الوحيد اللي كنت استبشر فيه خيرا اشتغل صح اول ما نجح وبعدها طناش .. طول وقته مسافر و لاحق رزقه ورزق عياله طيب يا عمي مش فاضي للنادي استقيل او ما تترشح من اساسه ولا هي الشغله منصب وبس + ( بفهمش بكرة القدم )




زيد ابو حميد .... اذا بينجحوا جماعته بتشوفوا وين مكان وبشتغل صح واذا جماعته ما نجحو ما بتشوفوا نهائيا ... الحجه الابديه انه التكتلات ابعدتني عن القرار .. اللي بده يشتغل بشتغل واللي ما عرف يشتغل بسبب البعض بقدم استقالته وبتشيل عنك خطية هالجماهير + ( بفهمش بكرة القدم )



حاتم ابو معيلش .... اللي بعرفه عنه ما شاء الله انه رجل اعمال ولا اله دخل بالنادي بتحسه فقط لاكمال النصاب لجماعته واللي بده اياه زياد شلبايه برضو بصير بغض النظر في مصلحه للنادي او لا + ( بفهمش بكرة القدم )



بشار الحوامدة .... نفس طريقة دخول طارق خوري للنادي ولكن الفرق بينهم انه خوري دفع اولها من جيبته ودخل بعين قويه وزي ما حكوها بعد ما تمكن اتمسكن اما بشار الحوامده شغل حكي ومخطاطات ومش عارف شو بوصلك عالبحر وبرجعك عطشان ولا اشي اتنفذ من اللي حكاه + ( بفهمش بكرة القدم )




غصاب خليل .... نفس الكلام الموجه للسيد زيد ابو حميد زلمه محترم وعاقل اذا نجحو جماعته بشتغل غير هيك ما بتسمع حسو يا عمي مش قادر تسوي اشي استقيل عشان تتطلع من خطية هالمساكين + ( بعرفش بكرة القدم )





وبالاخر ما بحكي غير حسبي الله ونعم الوكيل بكل واحد فيكم عمل ضد اي قرار في مصلحة النادي ككل

مجموعة عصابه احتلت الوحدات المصيبه انو ما في حدا بقدر عليهم
ضيف عليهم يا غالي لاعبين اخر همهم الوحدات

المفروض كل اعضاء الاداره و70 بلميه من لاعبين الوحدات يخرجو من النادي بلا رجعه
اذا بدك يرجع اسم وجمهور الوحدات على الساحه لكن للاسف هذا الكلام ضرب من الخيال

[ابوعبدالله احمد]

اخي الكريم قسما بالله عندما تعاقدنا مع المنحوس عبدالله ذيب اقسمت بالله لن ناخذ اي بطوله نهائي واجانى البوم فراس عشان تكمل لو ابني بلعب فطبول اخر نادي بفكر اجيبه ع الوحدات لانه اول نادي بحرق اللاعبين خلي زياد بيك يطلع يتفشخر بدون فهم ويقول احنا محتكرين البطولات لعشر سنوات قدام ما النا منافس بالله هذا بفهم بحكي هيك حكي حسبي الله ونعم الوكيل فيهم واحد واحد

[roock]

اخي الكريم .. شو دخل الادارة مع احترامي الك
لاعبين لا حول لهم ولا قوة .. اشباه لاعبين ... بدون احساس ولا حتى شعور بالمسؤولية وكأن هده الجماهير الحاضرة لا قيمة لها عند اولئك اللاعبين .. اداء مسخره .. مدرب ضايع مش عارف وين رايح مع احترامي الشديد لشخصه وتاريخه ..

لا خطة لاعب .. لعب ممل اداء مخزي لا يرقى للعب الحارات .. بدون فرص او متعة .. حقيقة شيء يدعو للقهر وليس الفخر ..

والله صدري صار يوجعني مش قادر اكمل حكي .. بكفي

اخي الكريم كل الاحترام لشخصك الكريم وسلامة صدرك ...

كرة القدم هي منظومه متكامله كاي شركه ربحية بالعالم

تتكون من
مجلس ادارة
و
موظفين

هسه اي شركة بالعالم لو تحط ميزانية الها بملايين الدولارات

ويكون يرأسها مجلس ادارة فاسد
لا يفقه شيء باختصاص هذ الشركه

ويكون همه الاول هو مصلحته الشخصيه فوق اي اعتبار

هالامر هذا كله سينعكس على الموظفين اللي بالاساس سيكون معينين
من االمقربين لمجلس الادارة يعني واسطات


طبعا شركه مثل هيك مستحيل تنجح وقيس على نادي الوحدات

[احمد ابوخلف]

حسبي الله ونعم الوكيل.

[هادي]

حسبي الله ونعم الوكيل

[AHMAD-abuOmar]

جبناء

[raedimran]

اول مرة واحد يفش غلي ويحكي الصحيح
.
.
يا زلمة بتصرفو بالنادي وكأنها مزرعة ابوهم الخاصة

[express]

حسبي اللة على كل شخص بحط مصلحتة اولا على حساب الفريق