اضحك وابتسم يا رئيس النادي ,, هو والله حق لك !!!!

[Abu Al-Walled]

سلام انا بدي اصوت كم الف صوت بعدين بنام هههههههههههه

[أبو صلاح القصراوي]

.

أبو وليد الغالي .. هنا مقابلة السيد طارق خوري ...

http://www.youtube.com/watch?v=Aj2syy9k4tQ

بصراحة يا أخي و أرجو أن تتقبل كلامي بصدر رحب إنتقادك الزائد لرئيس النادي أصبح غير منطقي ...

[Abu Al-Walled]

كل واحد عندو منطق خاص فيه اخي ابو صلاح،،،ومنيح انكم وافقتوا علي الموضوع بعد القصقصة

[ماجد جامع]

بالتوفيق للوحدات دوما مايحتاجه الوحدات منا الان الدعم والدعم والدعم

[حمزة قراقع]

(( بهمش))

[firas wehdate barca10]

بسم الله الرحمن الرحيم

اكثر ما اعجبني في لقاء الامس هو فترة ما بين الشوطين وخاصة لقاء طارق خوري بكاميرا التلفزيون بعد انتهاء الشوط الاول وفريقنا خسران لعبا ونتيجه بهدف والسيد رئيس النادي ترتسم على ملامحه ابتسامه وهو يقول : انا براي المدرب ما زال يتعرف على اللاعبين ,, وان الوحدات 2008 غير عن الوحدات 2015 واعذار واهية لا اصل لها سوى,,, المصيبة بانك كنت موجود في الفترتين وانت تعلم في قرار نفسك بان اختيارات المدربين اعطباطية وليس لها اي اساس فني ,, فمعظم المدربين الذين اشرفوا على الوحدات كانوا قد مروا على اندية قبلنا اي ان الادارة لم تتعب لتوفير مدرب على سوية عالية يحافظ على شبابنا ويبني فريق نستفيد منه لعشر سنوات ,, فمشكلتنا الاساسية هي التركيز على البطولة فقط بدون بناء صحيح وتخطيط سليم والذي تفتقده انت ومن معك يا طارق خوري ,,, عندما تم اختيار الحجي بناء على ما يطلبه الجمهور تيقنت حجم التخبط والخوف من الجمهور الذي وصلت اليها اكذوبه كتله البطولات وان الخيار الوحيد امامهم هو : "الانصات الى ما يطلبه المشاهدون والجمهور "!!

بحب اطمن كتله البطولات ,, ان بطولات هذا الموسم ما في ,,, سوء ادارتكم للامور وعدم اشراك غير اصحاب الخبرة ستسبب في كارثة والامور مرشحه للانهيار بشكل اكبر ,,

يا اخي الحبيب مش غلط الانسان يبتسم افضل من الكشرة يعني بدك إياه يبكي كل فرق العالم يتراجع مستواها وانظر بالأمس للريال
يعني كتاباتك كلها نقد للإدارة ما الها داعي باستمرار

[عصام الحوراني]

تبسم بين الشوطين وضحك بالاخر

[أبو عدي داوود]

كلمة حق يجب ان تقال

طارق خوري افضل رئيس نادي للوحدات من حيث الانجازات
ملاحظة والله مالي مصلحه اعمل له دعايه ولا بعرفه

[Abu Laila]

من غير العدل مهاجمة رئيس النادي والإدارة على تعاقدهم مع أكرم سلمان.
عندما تم التعاقد الكل بارك الخطوه وبلشنا نهني بعض لانه الحجي مجرب.
هسه لأنه مستوى الفريق نزل شوي بلشنا نطخ عالاداره ونتهمهم بالتخبط ....
صراحه منتهى الظلم بحقهم ...

[Abu Al-Walled]

النجاح ياتي بتضافر الجهود واجتماع القوى وليس بفكر الانا واقصاء الاخر،،هذه الادارة رمز التخبط وفشل كبير هذا الموسم حتى على مستوى الفئات،،،لا ادري كيف يخرجون هؤلاء للدفاع عن هذه الادارة وهم الذين وعدوا بالبطولات،،كل ادارات الاندية الاخرى تتمنى ربع امكانياتنا وتعمل من اجل انديتها الا ادارتنا تعمل ضد ناديها،،ملاحظة،،جمال محمود فقط شاهد على ما اقول،،،ملاحظة نمبر تو،،الوحدات لا ينافس الا على بطولة دوري المحترفين،،خسر كل البطولات ما عدي سن 14 وبعد ذلك يخرج علي احدهم ليدافع عن هذه الادارة التي قسمت النادي وتحطمه يوميا

[mohannad125]

بحب اطمن كتله البطولات ,, ان بطولات هذا الموسم ما في ,,, سوء ادارتكم للامور وعدم اشراك غير اصحاب الخبرة ستسبب في كارثة والامور مرشحه للانهيار بشكل اكبر ,,


شو انتا يا عمي بتعلم بالغيب .... هاي اولا

ثانيا... ما انتو في هالمنتدى اكلتو راسنا وانتو نتادو باكرم سمان
هسى صار طارق خوري هوا اللي جاب اكرم سلمان

عنجد انا تعبت من كل اللي ما الهم كلام الا الانتقاد الهدام العدوي القاتل مع احترامي اللك مع اني ما بعرفك اصلا

[نور الدين الشرافي]

بكل صراحة انو احنا مش عارفين شو بدنا فش اشي عاجبنا.... الله يكون بعونك يا طارق خوري
يا خوان فعلاً انو احنا بنزودها زيادة عن اللزوم. ....يعني لو انا رئيس النادي لاشجع الطرة واترك النادي
بدناش أبو زمع ..راح أبو زمع ... بدنا إحلال وتبديل. .صار إحلال وتبديل. .. حرام تخلو الصقر على الاحتياط. . لعبوه. .بدنا أشرف نعمان .. اجا أشرف نعمان ..إدارة حرامية حطو 100 الف عشان نعمان وهو مش عارف يلعب ..بدنا الذيب الصغير. . بدناش اياه .. ليش ما يخلقو تنافس على الحراسة عشان الشباب تشد حيلها على المرمى. .. حطو قنديل .. هو سبب الهدف الي اجا انا مش عارف شو ه المدرب هاد والإدارة التعبانة هاي .... بدنا وبدناش واحنا مش راسيين على بر بكل صراحة وبكلمة ترضي الله ادارتنا 100% وأفضل إدارة بالأردن وجهاز فني هو الأفضل وبدون ما نضل نتحزر عليهم
تقبل مروري اخوي

[أبو وليد اللورد]

كلام الريس منطقي يا ابو الوليد

[Abu Al-Walled]

حسب بعض الاخوة اللي حاضرين مباراة الامس،،بيقولوا انو الدرك على الابواب اساء التعامل معهم بطريقة غير مناسبة،،،شو راي صاحب الابتسامة ما غيرو؟ مش كان في الملعب برضو ؟ بعدين قلناها الف مرة صور صوت وصورة للتوثيق ما محدى برد

[Abu Al-Walled]

كلام الريس منطقي يا ابو الوليد

مثل ما بدك،،قابلني اخر الموسم يا لورد المشاركة هاي للذكرة