مؤامرة مكشوفة لكل الجماهير

[saed]

لو الخسارة فقط بهمالة لاعبينا الهمل اللي بالزرق اكتر همالة قلبي دفاعهم والحارس والظهير اليمين والشمال انا بدوخهم بس اعطيني بوط ...فريق خطو الخلفي وحارسو بشتريهمش بشلن وبنعرفش نخلق فرصة الف مليون علامة استفهام بكل شي وخصوصا الذمم... لو اضفنا الحجة ( الحجي ) كسبب مدربهم ملوش بشلن وخليناه مورينيو عظهرنا ولاعبين يتعمدوا اضاعة الكرة بلا سبب ورفع تدريبات للدفاع والحارس اذا هذا هو مستوانا سكروا وخلونا نادي ثقافي اجتماعي وبس ولكن بالغالب انا اشكك بالنوايا والله اعلم
اللي بصير مش صح ووراه اسباب وخفايا ...
متاكد من تدني مستوا لاعبينا ولكن للامانة الاصالة شعتلهم وكل الفرق حترميهم الارض وفريق عشرين بدون مدرب او مسجد سلمان الفارسي بحط فيهم تلات وبخلق فرص ...
اللي صار مع الصريح والفيصلي موسم الهبوط صار اكتر من مرة مع الوحدات والفيصلي باخر مباريات والله لو المباراه تقسيمة ولو ودية باعتزال فراس الخلايلة كان لعبو احسن وركضوا اكتر واستحو شوي.. لو فريق تاني غير الوحدات لعب بالطريقة هاي قدام الفيصلي كان الجميع حلف مبيوعة
اه عمي مبيوعة و مبيوعة ولاعب مش راضي يمرر الا للمنافس او بتفرج وبدوش يمشي اه بشك بذمتو وبحفر وراه يا مبيوعة يا اما مسحورين وماخدين اسامي امياتنا واشي من اثرنا ...
نادي كالوحدات اصبح بأرجل واقدام النساء ونحن ندفع رواتب وثمن التخاذل بعقود والاف بكرة بتيجي مبارة مع البقعة او صالحية العابد وبتطلع الادارة بتقلك مكافات فوز
حبيبي لاعبيتنا حجبوهم وفوتو فيهم دوري النساء بتاخدوه لانهم لا يخجلون وبعد الخسائر يضحكون والارجيلة بنص شوارع عمان يحتسون

[AHMAD-abuOmar]

بخاف احكي وتقلب الدنيا بس والله في منه

[عاشق رافت]

بخاف احكي وتقلب الدنيا بس والله في منه

مهو انا مستنيك تحكي يا رجل مشان ربك احكي بس

[ماجد جامع]

الله المستعان

[عاشق رافت]

اللهم امين اخي ماجد

[سند وحداتي للابد]

لا تستغرب ولا عبالك اللي شاف مبارح ع قولة النمس شي بيحط القعل بالكف هذا هو الوحدات ول للهدرجة ولا هجمة الله اكبر عبد الله ذيب مع المنتخب بيكون محروق دمو تقول بلعب عن دارهم عامر ذيب عوضك ع الله ابو مليون شيكل بسواش شيكل الدميري مش من قليل طردوك من الاتحاد بجدة وبتحكي مع الواحد فيهم اذا شفتو بالشارع تقول بتحكي مع براد بيت ولا تايسون منافس محمضة عمي نعم في مؤامرة مؤامرة اكيدة لمحو اشي اسمو الوحدات ومحي رمزية النادي ولا ناسي انو رئيس النادي ابو علامات النصر نائب وعليه ضغوطات بلاش نخبص اكثر الامر واضح وضوح الشمس محي اي شي الو علاقة باشي اسمو فلسطين او قضيتها صبرك شوي كم سنة زمن رح يتغير اسم النادي لاي اسم عادي يكون اسمو نادي القويسمة الرياضي شو بيفرق عن الصريح وذات راس والرمثا كلها اسم مناطق سكنية

[yaser ameri]

بلا مؤامرة بلا حكي فاضي .. فريق واقع من طياره اسمه الحسين بفوز علينا وفريق ثاني غرقان بالبحر بفوز علينا يعني العيب فينا سيبونا من هالقصص

[Hesham]

يا اخي مشكلة الوحدات هي عدم وجود ادارة محترفة بل هي عصابة تعمل لمصلحتها وسلامتك

[فريدحسونه]

الذي يقرا التعليقات يتعجب السؤال هل من المعقول ان الاعبين الذي كنا نتغنى بهم صاروا بنظركم خون وعملاء يا شباب اتقوا الله في ما تكتبوا لاعبين الوحدات عندهم انتماء ولكن لكل حصان كبوه والغريب انك اليوم تطعن في عامر ذيب مثلا ومباره ثانيه اذا ابدع تقول كابتن الكباتن طبعا الكل حزين لوضع الوحدات واذا كنا نحب الوحدات علينا ايجاد الخلل بدون تجريح وسب وتخوين لكي يكون هذا المنتدى لتعليم الصغير قبل الكبير معنى وحدات وجزاكم الله كل خير

[محمد العلي]

زياد شلباية واكرم سلمان

هاردلك لجميع جماهير المارد
هناك مأمره ضد أكرم سلمان لوجود أعضاء من مجلس الاداره لا ترغب فيه صدقوني
والكل عارف الشلل الموجودة بالنادي لا بد الوقوف بجانب نادينا الغالي
والكل شاهد اسوء اداء لافضل لاعبي الاْردن
ًًًً---------------
جميع الجماهير بانتظار اي تصريح
الجميع شاهد رافت علي وهو محروق دمه مش على الخساره على المستوى

[عاشق رافت]

الشللية موجودة من الادارة وبعض اللاعبين

[أبو فايز]

بلا مؤامرة بلا حكي فاضي .. فريق واقع من طياره اسمه الحسين بفوز علينا وفريق ثاني غرقان بالبحر بفوز علينا يعني العيب فينا سيبونا من هالقصص

ليش حكي فاضي؟!

ع أساس الشفافية للسما! ما هي هون حارة كل مين ايدو الو ... مين متبع؟! عمرك سمعت عن لجنة تحقيق واكتشفت تلاعب بالنتائج زي ما بصير ببلاد بره؟! ما سمعت احمد عبدالقادر شو حكى لما طلع وهو بوكل أمره لربه؟! ما سمعت عن لاعبين يتصلون بلاعبين قبل المبارة وبيروحوا ع بيتهم يترجوهم انهم يخسروا حتى لا يخسروا لقمة عيشهم؟! وما سمعت شو المدربين شو بيحكوا عما يحصل وراء الكواليس؟! وما سمعت كيف لعيبة الفريق الواحد بتعلم ع بعض ومع بعض؟! وين عايش انت اخي؟!

الانسان ابن بيئته، وبيئتنا حدث ولا حرج عن هكذا قصص وحكايا ... حيث انها تعطى مسميات برٌاقه ولامعه من فهلوة وشطارة وتحالفات وخطط ذكية جهنمية ومافيا لتحاكي النفسيات المعقدة.

صدقني... لا استبعد أبدا نظرية المؤامرة حيث انها حاضرة بقوة. وَيَا خبر اليوم بفلوس بكرة حيكون فضيحة

[saed mohd]

ذبحتووووونا -- صار كل شيء مؤامره -- خايف الجمهور متأمر .....

بكفي مسخرررررره

[عاشق رافت]

ليش حكي فاضي؟!

ع أساس الشفافية للسما! ما هي هون حارة كل مين ايدو الو ... مين متبع؟! عمرك سمعت عن لجنة تحقيق واكتشفت تلاعب بالنتائج زي ما بصير ببلاد بره؟! ما سمعت احمد عبدالقادر شو حكى لما طلع وهو بوكل أمره لربه؟! ما سمعت عن لاعبين يتصلون بلاعبين قبل المبارة وبيروحوا ع بيتهم يترجوهم انهم يخسروا حتى لا يخسروا لقمة عيشهم؟! وما سمعت شو المدربين شو بيحكوا عما يحصل وراء الكواليس؟! وما سمعت كيف لعيبة الفريق الواحد بتعلم ع بعض ومع بعض؟! وين عايش انت اخي؟!

الانسان ابن بيئته، وبيئتنا حدث ولا حرج عن هكذا قصص وحكايا ... حيث انها تعطى مسميات برٌاقه ولامعه من فهلوة وشطارة وتحالفات وخطط ذكية جهنمية ومافيا لتحاكي النفسيات المعقدة.

صدقني... لا استبعد أبدا نظرية المؤامرة حيث انها حاضرة بقوة. وَيَا خبر اليوم بفلوس بكرة حيكون فضيحة

صدقا اخوي لو عنا لجنة تحقيق بالتلاعب لمسكت مبارايات بلاوي يتم التلاعب بها

[عاشق رافت]

ذبحتووووونا -- صار كل شيء مؤامره -- خايف الجمهور متأمر .....

بكفي مسخرررررره

طيب مهو انت حكيتها بلسانك اذا الجمهور بين بعضو موجود شللية
كل جماعة بتشتغل لصالح فلان وعلان
بالنسبة للمسخرة بارك الله فيك