صورة فيلا اللاعب الحاج مالك

[احمد ابوديه]

مع احترامي لصاحب الموضوع وتقديري له يا اخي هسة مش الوقت المناسب نفتح قصص ما في الا وقت مباراة الفيصلي والوحدات بتعرض لحملة اعلامية عنيفة هسة بعض المواقع الالكترونية بتستغل هالقصة قبل المباراة وبثيرو على الجماهير يا اخي اصبر لبعد المباراة ولكل حادث حديث

هذا الكلام حكناه امبارح ونطو قالولنا المباره مش مهمه المهم الحاج ماللك اهم المباره
ليش اخترتو هذا التوقيت !!!!!!!! مدام صارله اكثر من سنه في الشقه

[نصار نصار]

يا سيدي انا عن نفسي ما بتهمني بطولة الحمدلله شبعانين بطولات بالناقص بطولة السوبر على اساس هالبطولة الخطيرة

لكن ما يهمني هو الحرمية والاستغلاليين الموجودين بالادارة ينفضحوا ويوقفوا عن مثل هذه التصرفات الغير اخلاقية

ولا تزعل يا صديق لا تعتب على صاحب الصور بل اعتب على السبب الاساسي لالتقاط هذه الصور وهم اعضاء ادارة لا يهمهم الوحدات ولا سمعة الوحدات

طيب شو بتخرب الدنيا لو اجلتو الموضوع يومين وبعدين المباراة انت ما بتهمك بس شوف الناس ما الها حكي الا عن لمباراة والعالم متاملة تفرح والخسارة بتبكينا وبتحرقنا حرق يا بن الناس وانا بس بحكي ليش هسه ليش مش زمان ليش مش بعد المباراة والله قبل اشوي شوفت الصورة نازلة عند الفيصلي نحرق دمي

[حذيفة محمد الطيطي]

والله يا اخوان انا شايف انه البلل وصل ذقنا .وهاي بلشت عنا المشاكل اﻻدارية مثل الفيصلي العام.والله يستر من تاثيرها على الفريق ونتائجه.صرنا مضحكة للعالم .معلش لو كانو اﻻداريين من اللي انتخبتوهم كان عملتو نفس الشي.اﻻصل اﻻمور تنحل بدون فضايح وخاصة قبل مباراة مهمة.واللي بحكي كاس الكؤوس مش مهم . يروح يواجه جمهور الزرق بعد الخسارة.

[عاشق بيسان الاول]

ااا

الصورة اعلاه هي صورة من غرفة حج مالك والتي ندفع اجرتها 350 دينار شهريا ببساطة لانها لقريب عضو مجلس ادارة ،، الشباك في الصورة اعلاه يطل على مَنور واذا فتح فالرائحة عفنة ولذلك تم تغطية الشباك باكياس نايلون ,,,اولا لماذا تتم معاملته بهذا الشكل ولماذا يدفع النادي ٣٥٠ دينار

للعلم فقط توسط اخوة اعزاء منذ الصباح حتى يتدخلوا لحل المشكلة فاستغلت الادارة الوقت لمعرفة ما هي الصور اللي مع ابو احمد زبدية ومين وصلهن الي ..لذلك انا بعتذر من الاخوة اللي أعطيتهم وعد بعدم النشر لإعطاء فرصة للإصلاح .
ايضا أودّ التذكير ان راتب ح مالك حسبما وردنا هو الف دينار شهري بدون مقدمات من ضمنها ال٣٠٠ بدل طعام

حسبنا الله ونعم الوكيل فيهم...لو الواحد فيهم بيرضاها لابنه والا لاخوه....
منيح انو اللاعب عايش وبتنفس..
بس سؤال وين لجنة الانحراف عن الموضوع؟

[احمد ابوديه]

يااخون ياشباب يامراقبين المنتدى بكفي فضايح
روحو شوفو موقع كوره وموقع الفيصلي
انشالله رح يفوز الوحدات ويقهر كل واحد مابده مصلحت الوحدات

[abu-mona]

هاكذا يتعاملون معك عندما تكون غريب الدار وصغير السن يا عيب الشوم على كل واحد قال انا وحداتي اذا ما ام نقل هاذا المسكين الى مكان بستحق ان يعيش فيه الانسان
ملاحظه ركزو أسفل الجدار فهناك. رطوبه يعني المكان مكرها صحيه

[abu-mona]

يااخون ياشباب يامراقبين المنتدى بكفي فضايح
روحو شوفو موقع كوره وموقع الفيصلي
انشالله رح يفوز الوحدات ويقهر كل واحد مابده مصلحت الوحدات

اخي العزيز الموضوع ليس فوز او خساره الموضوع انسانيه ....
والحمدالله اثبت جمهور الوحدات انه إنسان يملك احساس إنسان وليس مشجع كره فقط
أزيدك من الشعر بيت كل محترف قادم الى الوحدات سوف يعلم انا هناك جمهور يقف خلفه ليس في الملعب فقط بل في كل مكان يكون فيه الأعب

[Abo Omar 2012]

طيب شو بتخرب الدنيا لو اجلتو الموضوع يومين وبعدين المباراة انت ما بتهمك بس شوف الناس ما الها حكي الا عن لمباراة والعالم متاملة تفرح والخسارة بتبكينا وبتحرقنا حرق يا بن الناس وانا بس بحكي ليش هسه ليش مش زمان ليش مش بعد المباراة والله قبل اشوي شوفت الصورة نازلة عند الفيصلي نحرق دمي

يا اخي نفسي افهم يعني حجة المباراة شو علاقتها بشقة اللاعب يعني اللعيبة مش راح تعرف تلعب من القلق على شقة مالك مثلا ولا انت كثير هامك عشان كورة والفيصلي ما يحكو علينا يا سيدي سيبك منهم وركز على مشاكل ناديك افضل

[عصام الحوراني]

ممكن اذا عرف اسم صاحب الشقة واسم عائلتة وما تربطه من علاقة مع اعضاء ادارة الوحدات بطل العجب

[فراس عليان]

اكيد صاحب هاي الشقه مسؤول بنادي الوحدات

[Augustus]

ننتظر رد الطرف الأخر

[احمد العجمي]

إذا كان راتب رأس حربة الوحدات الحج مالك 700 دينار يضاف لها 300 دينار بدل اكل وشرب و350 دينار ايجار شقة فالسؤال المهم لماذا تصل مصاريف الوحدات مليون و 300 الف دينار سنويا فاين تذهب هذه الاموال وهل يستطيع المشجع الوحداتي ان يطلع على تفاصيل هذه المصاريف من خلال جريدة الوحدات الاسبوعية.......نرجوا من الان وطالع بعد هذه الحادثة ان نقف جميعا لنعلم اين تذهب اموال الوحدات والذي يتحمل اي قرش فيها هو مجلس ادارة الوحدات وعلى رأسها رئيس النادي طارق خوري.

[أبو فايز]

اخي العزيز الموضوع ليس فوز او خساره الموضوع انسانيه ....
والحمدالله اثبت جمهور الوحدات انه إنسان يملك احساس إنسان وليس مشجع كره فقط
أزيدك من الشعر بيت كل محترف قادم الى الوحدات سوف يعلم انا هناك جمهور يقف خلفه ليس في الملعب فقط بل في كل مكان يكون فيه الأعب

اتحداك اذا الموضوع إنسانية ... ولا الها دخل بالانسانية
الانسانية يتم التعامل معها بالخفاء وبدون فضايح وبدون شوشره وقدح.

ياخوي روح صورلي باقي اللاعبين كيف نايمين وكم واحد بالغرفة نايم وهو عند بيت ابوه؟!

قال عشان مالك... وتبهدل مالك وطلع بسواد الوش وطلع بأوصاف غير لائقه ... اما ايام ما كان الكل بحلقته بالملعب والعداء مبين عيني عينك ما كناش نسمع اي شيء عن الانسانية.

لا نعفي الوحدات من هذه السقطة التي لا تليق بالنادي حتى وان رضي اللاعب عشان يوفر كم ليرة لجيبته، ولكن في نفس الوقت لا تبيعوا القضية على انها إنسانية ... الموضوع ادارة نجحت بالانتخابات وجماعه فشلت في الانتخابات، وكعادة العرب في الانتخابات .. نرى ما نرى . بالنهاية فش حد أحسن من حد.. كله من نفس الطينه و من دهنه قليلوه.

الموضوع من أوله لآخره مش مستاهل كل هالشوشرة.

[احمد الكامل]

يتقوا رب العالمين بالرجل مغترب الله لا يباركك لكل واحدحط ايده بموضوع الشقة .... ويمكن يفسخوا عقده للرجل .... انكشفت بلاويهم للكل

[raedimran]

مع احترامي لصاحب الموضوع وتقديري له يا اخي هسة مش الوقت المناسب نفتح قصص ما في الا وقت مباراة الفيصلي والوحدات بتعرض لحملة اعلامية عنيفة هسة بعض المواقع الالكترونية بتستغل هالقصة قبل المباراة وبثيرو على الجماهير يا اخي اصبر لبعد المباراة ولكل حادث حديث

[COLOR="Blue"]عفوا هاي مشكلة ادارية ومش فنية
وما في للعيبة اي دخل...ما عدا مالك
بلا ما نحط حجج من هلا]ؤ[/COLOR