باسم فتحي على خطى محمود شلباية والجواب غدا الحق عالادارة

[نشأت المحسيري]

ما فيه حل وسط ؟

[alwaher]

نحن في عصر الاحتراف لا يوجد ما يسمى ابن النادي او ابن المخيم النادي بدور على مصلحتو واللاعب بدور على مصلحتو ولو النادي شايف انو الو مصلحة مع شلباية وسوف يخدم الفريق انا متاكد انو راح يوقع معو بالنسبة لعبدالله ذيب والدميري النادي الو مصلحة معاهم ومستواهم يؤهلهم للعب مع الوحدات اما موضوع شلباية فهذا الموضوع تكرر مع شلباية العام الماضي عاند الادارة ورفض التوقيع ثم وقع مع الجزيرة وكان فاشل معاهم ولم يضف شيء وبعد ذلك بدت الزحيجة تطالب بشلباية القسم الثاني وهاجمو عبدالله ابو زمع انو بوخذ اوامر من طارق خوري حتى نسب ابو زمع بالتوقيع مع شلباية مخاجلة ولم يضف شيء ومش قادر يركض ونزلو ابو زمع في اكثر من مباراه ومدة تزيد عن النصف ساعة والله مش قادر يركض كيف بدكم المدرب الحالي يقتنع فيه وبعدين فيه مساعدين للمدرب الحالي لو مقتنعين انو في منو امل كان ضغطو على المدرب بالتنسيب بالتوقيع معو ما بعرف اللي بطالبو بشلباية بالتوقيع معو سؤال لو اقترح النادي على شلباية بالتوقيع دون مقدم فقط راتب شهري هل سوف يوقع شلباية حتى ينهي مسيرته مع الوحدات بطريقة مشرفة كما تدعون ؟؟؟؟؟؟؟

[nader10khn]

صديقي الدكتور نادر

كمان اللي زي عبد الله عم بحترف سنويا بما لا يقل عن 100 الف دينار ورجع عالوحدات ب 30 ألف بغض النظر ان كان له اهداف مستقبلية

هو لو احترم النادي اصلا وطلع من الباب مثل حسن مثلا وكان خادم النادي زي رأفت وشلبايه وعامر ذيب وباسم الواحد بحكي
لكنه شرد اكثر من مره وكل مره برجع بكون حاط الوحدات خيار ثاني ان لم يتعاقد معه احد وكان عاطل عن العمل الوحدات بضبه

[alwaher]

علي جمعة امروه في الاعتزال ومنعوه من الانتقال لاي نادي اخر وما سوى اللي سوتوه على شان شلباية ولا كان في خوري ولا غيرو

[nader10khn]

اخي الحبيب نادر حتى رأفت علي تغيرت نفسيته بزمن الاحتراف وتركنا بعز حاجتنا له

يا عزيزي الاداره كانت بصدد تنهي مسيرة رافت بالموسم اللي سبق احترافه ورفض رافت وابدع واجاه عرض وصار حبيبهم للاداره وقلهم اعطوني نص مبلغ الكويت وبضل رفضوا بحجه السقف 30 الف فحلقلهم عالناشف
مبارح بدكم تنهو مسيرتي واليوم صرت مهم وكمان بدكمش تعوضوني !!!! شو هالمنطق الاعوج ؟

[وحداتي من الكويت]

كلام سليم

[Yazeed]

هناك عضو يتحدث عن شلباية بأسلوب وضيع لا يليق بنجم بقيمة وتاريخ شبباية والذي أعود وأكرر بأنه قدم للوحدات اكثر مما قدمه مجلس الادارة . والمصيبة ان هذا العضو يتهم كل من يدافع عن شلباية بالتسحيج في حين ان اكثر من ٩٥ ٪ من مشاركاته خصصها للدفاع عن اداري بعينه ،،، ونقول له :
لا تنه عن خلق وتأتي مثله ،،،، عار عليك اذا فعلت عظيم

[Abo Omar 2012]

يا حبيبي يا نادر انت أي حدى بكتب كلمتين بتروح بتناقشو سيبك منو يارجال قال يعني مسكين خايف على مصلحة النادي وين كانت مصلحة النادي بالتعاقد مع حماد الأسمر و اوليرم ومراد إسماعيل والصالحاني وعمرطه والمطالقة وعدوس وبلال جوال ما كانت مهمة مصلحة النادي وهاي السنة التجديد لردايدة الي ما شارك ثانية الموسم الماضي بس عند شلباية ما شاءلله كل الشباب الي بتفهم و مهتمة بمصلحة النادي ظهرت فجأة

هاظه غير الزعلانين وماخذين على خاطرهم من المماطلة على أساس شلباية الوحيد الي بماطل وناسيين عامر ذيب الي وقع لليرموك واول لاعب ادخل شرط فسخ العقد في حال توفر عقد احتراف وتناسو عبدلله ذيب لاعب شباب الاردن وقبل ما يوقع مع الوحدات طلب مهلة بانتظار عقد احتراف رفقة الدميري بس هو مش مشكلة يماطلو يا رجل ناس ما عندها مبدأ اصلا لتعرف تناقشها

المشكلة بقلك النادي لو بدو محمود شلباية تعال اسألو شو قصدك بالنادي بقلك طارق خوري وزياد شلباية يعني اختزل نادي الوحدات بشخصين الزلمة الفهمان والخبير في عصر الاحتراف

وما غيرو خبير الاحتراف أيضا خبير بمستوى وتقييم اللاعبين بحيث أن الدميري وعبدالله ذيب والردايدة مستواهم يؤهلهم للعب بالوحدات بس شلباية لا على أساس مشاركات الدميري مع الاتحاد ومستواه المذهل الي قضاها على الاحتياط بس ربنا الله الردايدة مع انو ما شارك بس شكلو مستوى مقنع

[ابوعمران]

ان جرآحآت السهآم لهآ إلتئآم .. ولا يلتآم مآجرح اللسآن

[Abo Omar 2012]

ابو عمران شودخل الموضوع بالانتخابات

ابو شهاب أمانة الله تسيبك منو يارجل نفس المشاركة في كل المواضيع كل انتقاد للإدارة بقلك انتخابات علشان يوهم نفسه وغيرو انو الإدارة ما شاءلله بس الجماهير نفسها تكون بالإدارة علشان هيك بتنتقد

[علاء محمود]

يعني كمان باسم رمز من رموز الوحدات؟؟
ايييييييه مكثر رموزك يا وحدات

لو بقرش باسم بلزمناش .. عرضو عليه التوقيع و رفض

خليه يحترف برى ويفشل زي الدميري اي هو مع الوحدات ومستواه بخزي.

[ايمن راتب]

باسم لاعب رائع...ولكن الله يهديه

[badie]

ليش يا رجل ما حكيت هيك بصفقة عدوس انت بتعرف كم سنة قعدت الادارة وراه لغاية ما وقع للوحدات يا اخي عذر اقبح من ذنب يعني ابن النادي ما بيطلعلو يدور على الاحتراف بس الغريب بيطلعو مش مشكلة وبنستناه سنتين وثلاث والدميري وعبدالله مش مشكلة لكن شلباية الادارة معها حق

عدوس غلطة كبيرة ولكن هو مش ابن النادي ، وأنا معك اللاعب يدور على الاحتراف، لكن لما يفلس من اللعب لا نلوم النادي رلما يطنشه
خلي صريح معك- الضميري فشل بره، عبدالله ذيب مستواه نزل يعني قريب يفلسوا يختمو وهم طنشو النادي- هسة النادي كان أكثر من كريم معهم ورجعهم، هسة لازم يردو للنادي الجميل ويرفعوا من مستواهم ويفيدو النادي

[nader10khn]

يا حبيبي يا نادر انت أي حدى بكتب كلمتين بتروح بتناقشو سيبك منو يارجال قال يعني مسكين خايف على مصلحة النادي وين كانت مصلحة النادي بالتعاقد مع حماد الأسمر و اوليرم ومراد إسماعيل والصالحاني وعمرطه والمطالقة وعدوس وبلال جوال ما كانت مهمة مصلحة النادي وهاي السنة التجديد لردايدة الي ما شارك ثانية الموسم الماضي بس عند شلباية ما شاءلله كل الشباب الي بتفهم و مهتمة بمصلحة النادي ظهرت فجأة

هاظه غير الزعلانين وماخذين على خاطرهم من المماطلة على أساس شلباية الوحيد الي بماطل وناسيين عامر ذيب الي وقع لليرموك واول لاعب ادخل شرط فسخ العقد في حال توفر عقد احتراف وتناسو عبدلله ذيب لاعب شباب الاردن وقبل ما يوقع مع الوحدات طلب مهلة بانتظار عقد احتراف رفقة الدميري بس هو مش مشكلة يماطلو يا رجل ناس ما عندها مبدأ اصلا لتعرف تناقشها

المشكلة بقلك النادي لو بدو محمود شلباية تعال اسألو شو قصدك بالنادي بقلك طارق خوري وزياد شلباية يعني اختزل نادي الوحدات بشخصين الزلمة الفهمان والخبير في عصر الاحتراف

وما غيرو خبير الاحتراف أيضا خبير بمستوى وتقييم اللاعبين بحيث أن الدميري وعبدالله ذيب والردايدة مستواهم يؤهلهم للعب بالوحدات بس شلباية لا على أساس مشاركات الدميري مع الاتحاد ومستواه المذهل الي قضاها على الاحتياط بس ربنا الله الردايدة مع انو ما شارك بس شكلو مستوى مقنع

اشي بقهر يا رجل كلهم صار النادي عندهم اهم من شلبايه كانه شلبايه هو اللي مدمره وربط نادي كامل بعراقة الوحدات بلاعب اخرته يعتزل نعم الوحدات اهم من الجميع لكن لاتحط فشل الوحدات بعقد لاعب وانت مخبص بعشرين عقد ومطير اعمدة الفريق وجايب لمم الافرقه - خلص عندهم شلبايه هو سبب دمار النادي لان الخوري فتالهم فيها وبنسمعش التطبيل والمجاكره لما جابوا لاعب مش موجود على خارطة الفطبول ولا على صفقات الخوري المشبوهه ولا اذلال النادي والركض وراء عبدالله
مبدأ ما عندهم
بكفي اللي عملوه مع حسن اللي دين النادي اجور اللاعبين لما طارق خوري سقط بالانتخابات وسحب قروشه بعز حاجة النادي - بحس عاملينه بعض الناس هبل والا اللات والعزه وكل شغله مزبوط وبمصلحة النادي
تعامله مع الثلاثه رافت وشلبايه وحسن كوم واللي سواه للنادي كوم ثاني
نفسي افهم ليش بجاكر الجمهور وبمغص عليهم ؟ مش هو نفسه الجمهور اللي وصله للنيابه ليش اللؤم بالتعامل معنا مش فاهم
من يوم دراغان واصراره على عدم التجديد له سقطت ورقة التوت لانه دمر كيان فريق كامل متكمل من لاعبين حتى الجهاز الفني والتحام الجماهير خلف الفريق منذ ذلك اليوم وبحس كل افعاله ضد مصلحة الوحدات
كل الدنيا والنقاد والاذاعات والمحطات كانوا شايفين ان التجديد لدراغان وتثبيت الفريق ودعمه ماديا وبكم لاعب سيطلق الوحدات لابعد ما يكون واصر وجاكر وعمل فيها انه هو الفهمان الوحيد ودمر وشتت الفريق هو وادارته التعبانه

[جميل العموري]

هذا عصر الاحتراف
الكل له مصالح ويعمل لها
سواء اداره ام مدير فني ام لاعبين
الكل يغني على ليلاه
لو انت بتشغل بمكان وصارلك فيه عشرون سنه ومرتاح فيه وراتبك 500 د
واجاك عرض من مكان ثاني ب 1500 دينار
اكيد مصلحتك بالمكان الثاني
لانه اللاعب مش جاي يتسله بدو يسترزق من كرة القدم
بس للأسف في الاردن ما في اداراة محترفه
المفروض التوقيع ما يكون اقل من خمس سنوات مش كل سنه مشاكل هالتوقيع
ومن الفئات العمريه يعني الي زي ابو عماره النادي صرف عليه ولعب سنتين وراح المفروض ضايل لعقده ثلاث سنوات وبعدين بدو يروح الله يسهل عليه بكون النادي استفاد منه
ولسه السنه الجاي بنتهي عقد رجائي وبشتاوي وغيرهم
لازم يكون شرط ما يطلع لاعب على الاول الا بالتوقبع لخمس سنوات
وبعدها يا بستفيد منه في الملعب او ماديا
بس اداراة ما بتفكر لابعد من انفها
مع اني ما بنكر البطولات الي تحققت بعهد هاي الاداره
الله يكون بعونك يا جماهير الوحدات