الى الاخوة في المنتدى .

[أبو وليد اللورد]

بس تنساش في ناس من سنة وهي بتشتم وبتسب على مدرب الوحدات وكنتم بس اما تحذفو الردود او تدعموهم

معاك يا كبير في هل الرد

[ماهر حسين]

شايف يا اخ حسن هي الكل بحكي انه كان فيه اساءة ومشاركات معيبة للمدرب وبشهادة المسوولين ابو شهاب واللورد وانا يميني صادق وكنت اشوف ما في شطب للاساءة في كثير مرات وكان في مشرفين موجودين ويعني انا ما تبليت على حدا

[عصام الدغيدي]

بعرف انك تقصدني
بس يومها تم ابلاغ المدير التنفيذي بالموضوع

انا عن نفسي اقسم بالله ما بلغت المدير التنفيذي

بس بِمَا انك بتقول انه تم ابلاغ المدير التنفيذي أسالك بالله هل تم اتخاذ اي عقوبة بحقك

[حسن نوفل]

اخواني بالمنتدى ان شاء الله كلنا اخوان وما يفرقنا شيء الموضوع متاخر نوع ما هيك فهمت من الردود بصراحة بسبب عملي ما بدخل كثير بس الي شوفتوا اليوم من ردود الاعضاء اني حزنت على حالنا ابو زمع ابن النادي كنت انا معو او ضدو غير مسموح شتم اي شخص كان ابو زمع او غيرو انا بعمل بالمنتدى بما يرضى الله يعني مستحيل اشوف غلط واعمل حالى مش شايف والى الاخوة الي بيحكى فيه شتم في زر على يمين كل عضو بيقدر يبلغ عن الاساءة اذا المشرف ما انتبه اخواني وهاد الشيء ما بيسمح انك تاخذ رد اي عضو وترد عليه باساءة بالنهاية الوحدات بيجمعنا والمنتدى بيجمعنا ما بنسمح لحد يفرقنا

[حسن نوفل]

شايف يا اخ حسن هي الكل بحكي انه كان فيه اساءة ومشاركات معيبة للمدرب وبشهادة المسوولين ابو شهاب واللورد وانا يميني صادق وكنت اشوف ما في شطب للاساءة في كثير مرات وكان في مشرفين موجودين ويعني انا ما تبليت على حدا

اخوي انا ما حكيت انك مش صادق بس بنفس الوقت المفروض منك شفت اساءة انت بتروح بتاخذها اقتباس وترد عليه هون المشكلة ايضا اخوي

[حسن نوفل]

يعني يا حسن لما عضو يحكي بدي اذبح خاروف وعضو بحكي سلخه علي وتقعد المشاركه يوم كامل بدون ماحد يشطبها هي مش معيبه يا حسن
معلش يا حسن موضوع زي هذا كان لازم من زمان

اخوي لورد انت معك صلاحية ووشوفت الاساءة ليش ما شطبتها راح تحكي مش شغلي طيب انت هيك ساعدة بالمشكلة طبعا مش مقبول هالكلام بس بنفس الوقت كنت بتقدر تحل المشكلة بنفس الوقت ما تزعل مني انت بتعرف انك اخوي وحبيبي بس المفروض منك شطبت المشاركة

[AbuLamar]

انا عن نفسي اقسم بالله ما بلغت المدير التنفيذي

بس بِمَا انك بتقول انه تم ابلاغ المدير التنفيذي أسالك بالله هل تم اتخاذ اي عقوبة بحقك

لماذا يتم اتخاذعقوبه بحقي يا ابوريم

[حسن نوفل]

بارك الله فيك اخي

كثير متاخر اخي ... كثير. ومع هذا فانه ان تأتي متاخرا افضل من ان لا تأتي..

الاساءات والإهانات والألفاظ النابية سهل ان تعرفها وتتعامل معها، ولكن كيف يمكن ان تتعامل مع ردود الأعضاء لبعضهم واختلافهم الحاد بالاراء. ممكن ان اتهم شخص بانه محسوب على جماعه او فكر او صاحب اجندات... وهذا حسب قناعتي. فكيف يمكن ان تعدل او تشطب او حتى تتحكم بهكذا مشاركات وتفكير؟

المقصد، هو انه اذا كثرت القوانين كثرت اختراقات القوانين وسيصبح من المستحيل السيطرة على الموقع. المطلوب هو الحد الأدنى من القوانين الواضحه والحد الأعلى من العدالة في التطبيق. اما عن محتويات المشاركات حتى وان كانت هزيلة في محتواها او حتى مستفزه فلا يجب المساس بها. لان هذه الردود تتحدث عن شخصية صاحبها، وتعدد الشخصيات وتنوعها هو راس مال هذا الموقع وعنوان تميزه.

مرة اخرى تحياتي لك اخي حسن ولباقي المشرفين. لكم الدعم بما نستطيع

تحياتي الك اخوي زنجلون بصراحة انا بستغرب من الاشخاص الي بيتهمو بعض انت محسوب على فلان يا اخي مهو الطرف الثاني وحداتي انا ممكن احكى عن الادارة بس بالنهاية هم وحداتيه وحق اي مشجع وحداتي الانتقاذ بس من ضمن النقاش المفيد للنادي ومعالجة الامور للتطوير النادي

[حسن نوفل]

الله يهدي البال
مشكور اخ حسن

امين اخوي الغالي حمزة

[حسن نوفل]

السبب انوا اداره المنتدي سايبة ومنحازة واي منتدي مافي عدالة رح يتحول لسرك

اخوي اذا انت شوفت غلط من مشرف او اداري احكى كل شخص بيخطى يوجد اخطاء من الادارة والمشرفين بس لازم انت تساعد اذا عندك اي اقتراح بعتالنا اياه وشكرا الك اخوي ولردك

[حسن نوفل]

الله يصلح الحال
مشكور اخي حسن على هذه اللفتة

امين اخوي ابن دورا ان شاء الله بنشوف وجهك الطيب الخميس وبنتعرف عليك

[حسن نوفل]

مشكورين اخ حسن واخ ابو شهاب وانا متاكد ان جهودكم الجبارة يقدرها الجميع حتى من يشتكون

يكفي انكم تعملون وتواصلون الليل بالنهار لاجلنا فشكرا لكم وكونو على قناعة بان ارضاء الناس غاية لا تدرك

تسلم اخوي هاد واجبنا ومقصرين كثير والله

[عصام الدغيدي]

لماذا يتم اتخاذعقوبه بحقي يا ابوريم

مهو كل اشي كتبته انا صحيح يعني ما فيه اي شيء كذب ولذلك مباشرة انت عرفت انك المقصود لو ان اللي حكيته مش مزبوط كان انت ما عرفت انك المقصود
بالنسبة ليش العقوبة لانه العضو بس يغلط بيتعاقب فكيف اذا المشرف
وبما انك بتقول انه تم ابلاغ المدير التنفيذي معناته فيه اشي غلط عشان هيك سألتك عن العقوبة

همسة اسم بنتي الريم بال التعريف وليس ريم الله يخليلك ولادك وتفرح فيهم

[حسن نوفل]

نزلت مشاركة وقمت بتعديلها افتكرت انك رايتها

بسيط اخوي عصام

[حسن نوفل]

بدون ما تحلف اقسم بالله انك صادق وانا كنت متواجد بالموضوع والادهى انه احد المشرفين كان متواجد بالموضوع وما عدل مشاركات ولا حذف اي مشاركة وتم انتقاد المشرف اكثر من مرة بالموضوع من قبل الاخ لؤي الفيومي لعدم حذفه المشاركات المسيئة او تعديلها ولاستهزائه بابو زمع

اخ حسن نوفل لك كل الاحترام بعرفك وبعرف شو مغزى موضوعك جهودك مشكورة

تسلم اخوي هاد من طيب اصلك ان شاء الله والله يبعدنا عن المشاكل كلنا اخوة