سيدات الوحدات تفوز بدوري كرة الطائرة عام 87 !!!!!

[حسن نوفل]

حج حسن مع خالص حبي واحترامي للشباب الصاعد ابو احمد وابو خالد وابو عمار بس باسئلة ومواضيع زي هيك ما تركن عليهم خيتروووا وراحت عليهم زمان

هههههه معقول شباب صاعده ابو احمد وابو عمار العمر كلو الك بس عمرك

[Ramzi Hashweh]

با ريت هذا اليوم ييجي ويصيير بالوحدات فرق رياضية نسائية.... لن ننسى أن السيّدة امينية العيسوي هي أول رئيس لنادي مركز شباب الوحدات فهذا فخر لنا .

[سوا ربينا]

أبو آدم ، أنا عنجد بحكي كان في فريق سيدات خياطة وتطريز ومحترف كمان ، وكان في روضة كمان أو شبه روضة .. والدتي - رحمها الله - كانت من هذا الفريق ، وكانن المحترفات بعلّمِن الفتيات التطريز والخياطة وشغل الصوف اللي معظمنا بعرفه





وبالصنّارة كمان

وأنا كنت أروح مع والدتي ع النادي من عام 1971 وحتى 1973 وكانن يدرّسونا معلّمات في شبه الروضة اللي حكيت عنها .

أنا اللي زاجعني في هذا الموضوع إنّو ليش منزّلين هالخبر ومركّزين إنّو الفريق التغى بسبب لغط العادات والتقاليد !.

* * *

وبعدين اسمها سبع شُحَف مش سبع شُقف

رحم الله أمك وجعلها سيدة من سيدات الجنة،،اللهم آمين،،
كل نسائنا وأمهاتنا كنّ يطرزن بل يحترفن التطريز ، لكن لأول مرة أسمع بفريق لهذه المهنة ،، ومنكم نستفيد "أبو أحمد"...وحقيقة كنت أعتقدك "بتمزح" ههههههه.

نعم اسمها سبع شحف وكان لها اسم آخر وهو سبع أحجار

بس ما قلتلي يا ابو احمد شو هو اللي (زاجعك)؟!!
مسمعتش!!

[سوا ربينا]

وفي دوحل بتعرف تلعبها

هاتلك صورة حتى اشوف
يمكن كنت العبها لكن باسم مختلف

[محمد الحسن]

معقول كل عتعيت الموقع والختيارة مش عارفين شي

[jamal nashwan]

رحم الله أمك وجعلها سيدة من سيدات الجنة،،اللهم آمين،،
كل نسائنا وأمهاتنا كنّ يطرزن بل يحترفن التطريز ، لكن لأول مرة أسمع بفريق لهذه المهنة ،، ومنكم نستفيد "أبو أحمد"...وحقيقة كنت أعتقدك "بتمزح" ههههههه.

نعم اسمها سبع شحف وكان لها اسم آخر وهو سبع أحجار

بس ما قلتلي يا ابو احمد شو هو اللي (زاجعك)؟!!
مسمعتش!!

ههههههههههههه
هسّة أنا اللي بدّي أضحك يا ابو آدم !.

هو مش فريق فريق ، بسّ هالنسوان اللي كانوا قريبات من النادي ، سكان شارع النادي والمحيطين فيه كانن يتجمّعن في النادي ، وكان في زي برّاكيه يقعدن فيها يطرّزن ويغزلن صوف ويعلّمن هالصبايا الصغار ..

أبو آدم ، النادي كان مركز اجتماعي عنجد .. وللتذكير ، الصحّيه كانت بْلِزق النادي ومن الساعة ستّه الصبح يكونن النسوان ماخذات ولادهن عليها ، واللي تخلّص من الصحّيه تروح ع النادي أو بالأصل تكون رايحة ع السوق ومتبظعة وترجع تقعد مع هالجارات ، إمّا تطرّز وإمّا تغزل صوف وإمّا تنـGــب ملوخيه أو تـGــمّع باميه ، بحكي عنجد .. وقبل الظهر اللي ولادها مسائي تودّيهم ع المدرسه بعد ما يكونوا درسوا في شبه الروضة ، والصباحي تروّحهم معها ع الدار .

نيجي ع اللي زاعجني ..... أبو آدم ، أنا مش متخيّل ولا متصوّر ولا متذكّر ولا بدخل مخّي اللي بحكي عنّو هالخبر هذا ، حتى بعد مداخلات الإخوة الكرام التي أنفيها تمامًا ، ربما .. وأقول ربما كان هناك تفكير من اتحاد الكرة الطائرة بإنشاء فرق آنسات ( سيدات ) لهذه اللعبة في مراكز الشباب الاجتماعية التابعة لمخيمات اللاجئين الفلسطينيين ، ولكن لم يكن ولن يكون هناك مثل هذه الفرق في هذه المخيمات لنفس السبب الذي ذكره الخبر ( لغط العادات والتقاليد ) ، ليأتي هذا الموقع ويصرّح عن إنشائه في مخيم الوحدات ؟!.
لأ وإيش ، قال لغط العادات والتقاليد هو اللي ألغى هذا الفريق .. وقال أخذوا الدوري عام 87 قال ؟!.

طيّب وينو كأس الدوري ، ما إحنا كل يوم في النادي !.

عرفت .. قصدي سمعت اللي زاعجني يا ابو آدم ؟!.

[jamal nashwan]

حج حسن مع خالص حبي واحترامي للشباب الصاعد ابو احمد وابو خالد وابو عمار بس باسئلة ومواضيع زي هيك ما تركن عليهم خيتروووا وراحت عليهم زمان

هلا بالغالي سعيد ، والله إلك وحشه ..

على هالموضوع هذا ، بفضّل أكون مخرفن ومخلّص كازاتي ولا إنّو يكون هالخبر صحيح أو حتى إنّو فكّرنا بيوم - مجرّد تفكير - إنّو يكون عنّا فرق بنات في النادي !.

ردّ اتصل فيهم قرايبك هذول ، يمكن تغيّر رأيك .
هههههههههه

[سوا ربينا]

ههههههههههههه
هسّة أنا اللي بدّي أضحك يا ابو آدم !.

هو مش فريق فريق ، بسّ هالنسوان اللي كانوا قريبات من النادي ، سكان شارع النادي والمحيطين فيه كانن يتجمّعن في النادي ، وكان في زي برّاكيه يقعدن فيها يطرّزن ويغزلن صوف ويعلّمن هالصبايا الصغار ..

أبو آدم ، النادي كان مركز اجتماعي عنجد .. وللتذكير ، الصحّيه كانت بْلِزق النادي ومن الساعة ستّه الصبح يكونن النسوان ماخذات ولادهن عليها ، واللي تخلّص من الصحّيه تروح ع النادي أو بالأصل تكون رايحة ع السوق ومتبظعة وترجع تقعد مع هالجارات ، إمّا تطرّز وإمّا تغزل صوف وإمّا تنـGــب ملوخيه أو تـGــمّع باميه ، بحكي عنجد .. وقبل الظهر اللي ولادها مسائي تودّيهم ع المدرسه بعد ما يكونوا درسوا في شبه الروضة ، والصباحي تروّحهم معها ع الدار .

نيجي ع اللي زاعجني ..... أبو آدم ، أنا مش متخيّل ولا متصوّر ولا متذكّر ولا بدخل مخّي اللي بحكي عنّو هالخبر هذا ، حتى بعد مداخلات الإخوة الكرام التي أنفيها تمامًا ، ربما .. وأقول ربما كان هناك تفكير من اتحاد الكرة الطائرة بإنشاء فرق آنسات ( سيدات ) لهذه اللعبة في مراكز الشباب الاجتماعية التابعة لمخيمات اللاجئين الفلسطينيين ، ولكن لم يكن ولن يكون هناك مثل هذه الفرق في هذه المخيمات لنفس السبب الذي ذكره الخبر ( لغط العادات والتقاليد ) ، ليأتي هذا الموقع ويصرّح عن إنشائه في مخيم الوحدات ؟!.
لأ وإيش ، قال لغط العادات والتقاليد هو اللي ألغى هذا الفريق .. وقال أخذوا الدوري عام 87 قال ؟!.

طيّب وينو كأس الدوري ، ما إحنا كل يوم في النادي !.

عرفت .. قصدي سمعت اللي زاعجني يا ابو آدم ؟!.

أبو احمد الله يمسيك بالخير
يا رجل عندك كل هذي التفاصيل وساكت يا زلمة
قسما بالله لو عندي ربع ما عندك الا كل يوم بمقالة والا خاطرة في المنتدى رغم اني مستاء جدا من وضع طروحاتي فيه...
انا بذكر حكايات امي الله يعطيها الصحة ويرحم امك يا رب بذكر حكاياتها مع كروت التموين والروحة ع المصدار وكيف بكون حالها هي وصاحباتها لما بروحن من هناك...

هسه انا بدي انام من الضحك لانك ما اخذت بالك من سؤالي منيح:

زاجعني

[/COLOR][/FONT]

هو نفسه اللي زاعجك يا ابو احمد؟!!
،
،
الان بجيب الخبر اليقين رغم اني متأكد انو ما فيه من هلحكي[/SIZE][/FONT]

[سوا ربينا]

المفاجأة يا ختيارية الموقع يا اللي احنا مركنين عليكو في الأرشيف انه

بالفعل كان في فريق نسوي لطائرة الوحدات ولم يستمر اكثر من سنتين


انا متأكد شيك مفتوح بالمئة من صحة الخبر اللي نشره حسن


واذا بدكم تعرفوا مصادري فبإمكانكم تتواصلوا مع أبو زهير مصور الوحدات منذ الثمانينات



هههههههههههههههههههههههههههههههههههههههه هههههههههههههه

قال نازلين يهتوا علينا في معلوماتهم قال


وهيك انكسرت الدالية من كثر ما لولحت

[سوا ربينا]

الله يرحمك يا موسوعة الوحدات سليم حمدان لو كنت موجود لاعطيتنا الجواب الاكيد لقد فقدناك واي الرجال فقدنا

الله يرحمه
لكن البديل موجود

حج حسن مع خالص حبي واحترامي للشباب الصاعد ابو احمد وابو خالد وابو عمار بس باسئلة ومواضيع زي هيك ما تركن عليهم خيتروووا وراحت عليهم زمان

فعلا شباب صاعدة وما شاء الله عنهم جميعا

[سوا ربينا]

بدي اقضيها ضحك الليلة

وهان

جوا هلموضوع


في الزاوية بالضبط


بدي اعصب الدالية واخليها ترجع تلولح


يا قلبيييييييييييييييييييييييييييي

[جهاد علي]

طيب وارشيف النادي ليش ما فيه هذه المعلومه؟

[سوا ربينا]

طيب وارشيف النادي ليش ما فيه هذه المعلومه؟

انا داري عنهم

لكن اعتراض النشوان مثل ما قال على جملة :
"لغط العادات والتقاليد على أفراد الفريق"

بس الختيارية الباقيين ولا عمرهم سمعوا

[jamal nashwan]

انتبهت يا ابو آدم إنك حاططها بالأحمر ( زاعجني )

بس ( زاعجني ) هاي جايبها معي من لبنان وصدقًا مش فاهم إيش بتقصد من انتباهي في سؤالك .

وبالنسبة لابو زهير الله يشافيه ويعافيه ويردّ له صحته ، معلوماته على عيني وراسي بس يا حسون ما كان عنّا فريق طائرة نسوي !.

[سوا ربينا]

الله يسترنا منك يا ابو احمد

شو قاعد تكتب يا زلمة؟!!!