تاجيل اجتماع مجلس ادارة النادي لحين عوده طارق خوري من السفر

[abumoo]

معذورين
لما سافر طارق خوري نسي مفاتيح النادي بجيبته
ولما يرجع بفتحلهم

[jamal nashwan]

ياعمي اقسم بالله اذا برجع محمود شلبايه انو اداره مابتفهم شلبايه انتهى شو عمل مع الجزيره ولاشي المبلغ الي بدهم يدفعو لشلبايه يزيدو شوي ويجبولهم محترف مثل الناس

بس تحلفش يا أخي الكريم ، لإنّو لما يرجع شلباية لازم تبرّ بيمينك وتعترف إنّو الإدارة بتفهمش ، طبعًا مع احترامي لرأيك ..

وأصلًا هذا هو الشي اللي مخلّي كل المحروق دمهم على رجعة شلباية إنهم يثبتوه ..

بمعنى ، إحنا محروق دمنا على رجعة شلباية بسّ عشان نثبت إنّو الإدارة بتفهمش ،
ما في إشي ثاني !.

[وليد السعودي]

المهم تقرير الكابتن عبدالله وطلبه من الإداره بعودة الصقر شلبايه ، هل قدم التقرير ام لا ،،

[Hasan]

انا مطرح شلبايه بوقع مع البقعه ويضرب راسو طارق خوري بأي حيط
قمة المهازل

[jamal nashwan]

المهم تقرير الكابتن عبدالله وطلبه من الإداره بعودة الصقر شلبايه ، هل قدم التقرير ام لا ،،

لا ، لم يقدمه ..

ومش رح يقدمه ، إلا في حالة واحدة فقط وإذا لزم الأمر لذلك ، وهي رد الجميل لشلباية الذي سارع للاتصال بعبد الله أبو زمع في المرة الأولى وثنيه عن الاستقالة وترك الفريق عندما قدم عبد الله استقالته بعد أن رفضوا تنسيبه بعودة شلباية ( الأولى ) بداية هذا الموسم في مؤامرة واتفاق للتخلص من عبد الله أبو زمع ، ولم يرضهما شلباية لا لنفسه ولا لعبد الله أبو زمع .

وعلى كل الأحوال ، أتمنى أن لا يقدم عبد الله أبو زمع هذا الكتاب ويتركهم لحنكتهم الإدارية في التصرف مع التقرير الذي قدّمه والذي يطلب فيه مهاجمًا !.

[همام الشوا]

ابلغ امين سر النادي عوض الاسمر اعضاء مجلس ادارة النادي عن تاجيل الاجتماع المجلس لهذا اليوم لحين عوده رئيس النادي من السفر بعد اسبوعين
وكان من المنتظر ان يجتمع المجلس اليوم لمناقشه عوده الاعب محمود شلباية الى صفوف الفريق بعد اجتماعه يوم الخميس الماضي مع رئيس النادي وتم تحويل موضوعه لمجلس الاداره لتصويت على عودته
وتم تاجيل اجتماع المجلس بعد توافق من اعضاء الإدارة
علما بان فتره القيد تبدا من تاريخ 2015/1/4 الى 2015/1/29

مش حكيتلك امس راح يتاجل الاجتماع طيب يا اخي يجتمعوا بدون الرئيس

[م.محمد الحصان]

لاحول ولاقوة الا بالله

[Abu Hisham]

في ريحه مش كويسه !!

[abu-mona]

تأجيل الاجتماع يعني عدم رغبة الريس بضم ابن الوحدات الصقر الى صفوفه وفترة اسبوعين كفيله بتوقيع الصقر مع فريق اخر

[وحداتي من الكويت]

بس تحلفش يا أخي الكريم ، لإنّو لما يرجع شلباية لازم تبرّ بيمينك وتعترف إنّو الإدارة بتفهمش ، طبعًا مع احترامي لرأيك ..

وأصلًا هذا هو الشي اللي مخلّي كل المحروق دمهم على رجعة شلباية إنهم يثبتوه ..

بمعنى ، إحنا محروق دمنا على رجعة شلباية بسّ عشان نثبت إنّو الإدارة بتفهمش ،
ما في إشي ثاني !.

لا بدي اقسم وان شاء الله يرجعو علشان اثبتلك انو انتهى ارجع على كل مباريات الوحدات شلبايه يا متسلل يا حاط ايدو على خواصره ياعمي انتو جمهور عاطفي

[علي شقير]

بمرمطو بشلباية والله عيب
خلص يروح يوقع للبقعة يساعدهم بالثبات بالمحترفين احسنلو

[حسام جمعة]

يا عيب الشوم بس يا ادارة الوحدات .. بدكوش اللاعب قولوله بدناش اياك .. مش تقعدوا تتلاعبو بالزلمة

[ابو سند 77]

هناك شيئ في الخفاء

[محمد الحسن]

الله اكبر ... بصراحة اذ كان هناك بخطة معينة لابعاد شلباية عن الوحدات


علينا نحن كجماهير ان نطالب باسقاط الادارة

[اشرف السعد]

عشنا و ياما حنشوف عوجا و الطابق مكشوف
تي تي تي تي.. رحتي متل ما جيتي
ليش المماطله. بدناش نخلص من لعبه السبع ورقات
شلبايه لو بمحلك بوقع للبقعه من الصبح وما بدك جميله هيك ناس وسيبك من قصه الولاء والانماء للنادي انت بعصر الاحتراف.
وعشان اعتزالك عادي اعتزل من البقعه وكل جماهير الوحدات معك .