ماذا فعلت بعد تسجيل هدف البهداري

[Wazaaaab]

انا كنت حشران دخل الجول من هون و الحمام طوالى

[بسام الحمران]

كان البيت مليء بالزوار والاخوان والاخوات
عندما سجل الرمثا الهدف الاول لم اخرج ولا صوت ولا حراك حتى
يا الله لو شوفتونا جميعاً لما جاء هدف الوحدات نطيت نطه بحيات اهلي ما نطيت زيها
والكل هجم علي وصار يبوس في وانا ابوس عن جنب وطرف هههههههههههه
والحمد لله رب العالمين

[علي درويش الرمحي]

الله يستر بنتي طفلتي الصغيرة بجوز عمرها ما تخلف من الصوت اللي صرخته عند تسجيل الهدف
هههههههههههههه

[صفوان عليان]

انا سووفت كمان

بالنسبة إلى صرعت الناس النايمة
الكل قام يقول شوفي شوفي شوفيه
قلت لامافي شي في اشياااااااااااء
طبعا الصغار النايمين انصرعو ياحرام

هاظ طلعوا الختيارية كلهم عندهم فعل التسويف

بس ما قلتلنا شو يعني ؟؟؟؟

[jamal nashwan]

أبو أحمد شو يعني ساف ؟؟؟
والله انتو يا الختيارية بطلع معاكو شغلات و بتسووا حركات غير شكل

ساف .. يسوف .. سُوف ، بمعنى سورG وما بصحّيه غير فحل بصل قدّ البطيخة .




سُوف : تم التعامل مع الفعل الأمر الذي يجب أن يكون تصريفه ( سُف ) وذلك لأن العلة اللي صابت أبو العبد أكبر من إنّا نحذف حرف العلة ..
علة 3 * 1

[ام يحيى]

اخواني ال4 وجوز اختي حضروها بالملعب وانا وابوي حضرناها
ابوي بعد جول الرمثا راح بعد ما جاب البهداري قول التعادل صيحت طبعآ ما ضل صوت ومع الانفلونزا كمان كملت التمت كل الدار
لكنه الوحدات صانع الابتسامة

[ابو عبد]

صدقني يا خوي لما اجا الجول ما اعرفت شو بدي اساوي بعد ما الاولاد ارتعبوا من الصرخة المدوية اللي ابصر من وين طلعتها .. المهم اطلعت عالشباك اصرخ واقول خاوا .. خاوا ... خاوا.. ولا بياع الغاز بفكرني بنادي عليه بقلي جرة ولا جرتين ههههههههه قلتله اذا معك طفاية بدهم اياك بالرمثا .....

[محمود الهندي]

قسما بالله قبل الهدف بدقيقه وقفت قدام التلفزيون وبس شاتها البهداري
ما عرفت الكره وين راحت من هبلي عبالي طلعت بره ما شفت اللعيبه بتركض فرحا قمت الف بالغرفه مثل حمار الساقيه بقولك ما شفت الكره بالجول الا بالاعاده لانها دخلت وطلعت

[Owen]

انا في شغلتين بدي اسأل عنهم اولا الهدفين الملغيات اسباب الالغاء شو الهدف الاول قالوا لعبة خطرة والثاني ؟؟؟

و بخصوص الرمثا هل فعلا كان في شتم من الجمهور ؟؟

[أبو ريان الأخضر]

ما في داعي أشرح كثير

الملخص انه ولادي قعدوا يضحكوا علي باقي السهرة من الهبل اللي شافوه

[هادي]

العمارة كلها اجت عندي من الصوت

طبعا انا بحب احضر لحالي

الحمد لله على الفوز

[ماجد جامع]

الحمد لله كان عندي امل كبير بتعادل للوحدات بضل ماشفناه بمستواه نتمناه دائما خاصه الشوط الثاني

الحمد لله .... انا سجدة شكر لله

[مرادالصفدي]

بعرفش بالظبط بس الي حوالي بقولوا اني بلشت اضرب فيهم شمال يمين واقول هيو هيو

[الوحش الكاسر]

انا كنت مقهور من قبل المباراة لاني ما طلعت على اربد احضرها
ولما جول الرمثا كملت وطبعا من قبل المباراة ب5 ساعات والكتاب قدامى مش عارف ادرس وبعد الجول والفرحة الهستيرية قلت بري اطلع اشتغل على التكسي وادور على الجمهور واروحهم بس ما لقيت وحتى الشغل اجى منيح وهسا بدنا نقوم ندرس بلاش نعبط مادة ولنا في الإياب بقية

[صفوان عليان]

ساف .. يسوف .. سُوف ، بمعنى سورG وما بصحّيه غير فحل بصل قدّ البطيخة .




سُوف : تم التعامل مع الفعل الأمر الذي يجب أن يكون تصريفه ( سُف ) وذلك لأن العلة اللي صابت أبو العبد أكبر من إنّا نحذف حرف العلة ..
علة 3 * 1

يا حبيبي يا أبو العبد

هاظ كاين متدعدر