مش هاي ثقافتنا ولا هيك اخلاق جمهورنا .. شيء مخجل ومحزن على مدرجاتنا

[مالك]

لا حبيبي مالك ، هاي لأ !.

يعني هاي تُعتبر من المناكفات المحببة ..
زيّها زي مالو مالو وقع لحالو فيما لو كنا نلعب مع الرمثا ووقع لاعب منهم ..

معناته انتو جمهور مشكلجي ههههه
لو انا مكان النادي الفيصلي بعملش معكم واجب

[جهاد علي]

صراحة والكلام عن قناعة شخصية "لاعلاقة لي بغيري"
انا ضد دخول المرأة باي حال من الاحوال للملعب
الي بده يصطحب زوجته او اخته بده يتحمل يسمع اي شئ سواء مسبات او غير مسبات

حتى لو جلسوا بدرجة العائلات الا يسمع مسبات
هو و"هي" بغنى عنها
السيدة الي بدها تحضر للوحدات ممكن تشاهد على التلفاز حتى لو كان هناك شتم بكون اخف من انها تسمعه بالمدرجات


هذه قناعة شخصية ياريت ماحد يعتب علي فيها فكل شخص حر بنفسه

برضو وجهة نظر يا ابو انس , لكن الي مش مفكر يستحي من الناس يستحي من رب العالمين على
الاقل , واذا انت بتحكي الامر عادي وغيرك بحكي
عادي , اذا اصبحنا نحن نشجع على هذه اللغة الدخيله
على مجتمعنا الاسلامي .
وصحيح ان اللغة هذه اصبحت اللغة الدارجه بالشارع
ولكنها لغة مرفوضه جملة وتفصيل داخل البيت او
الاماكن العامة والانسان يذهب الى الاماكن العامة
ليطرب بسماع لغة محببه للاذن والقلب وليس العكس.

حبيبنا اللزم ابو انس 155/70 ههههههههه

[جهاد علي]

لا حبيبي مالك ، هاي لأ !.

يعني هاي تُعتبر من المناكفات المحببة ..
زيّها زي مالو مالو وقع لحالو فيما لو كنا نلعب مع الرمثا ووقع لاعب منهم ..

حبية ايش ابو احمد , والله الزلمه ( نقز ) وما عرف شو بدو يحكي ولا وين وصل بالحكي .

[مالك]

برضو وجهة نظر يا ابو انس , لكن الي مش مفكر يستحي من الناس يستحي من رب العالمين على
الاقل , واذا انت بتحكي الامر عادي وغيرك بحكي
عادي , اذا اصبحنا نحن نشجع على هذه اللغة الدخيله
على مجتمعنا الاسلامي .
وصحيح ان اللغة هذه اصبحت اللغة الدارجه بالشارع
ولكنها لغة مرفوضه جملة وتفصيل داخل البيت او
الاماكن العامة والانسان يذهب الى الاماكن العامة
ليطرب بسماع لغة محببه للاذن والقلب وليس العكس.

حبيبنا اللزم ابو انس 155/70 ههههههههه

بتذكر قبل سنتين صار نقاش بهذا الموضوع
وكان حجة بعض الاخوة انه بالشارع ممكن تسمع مسبات معناته مانخليهن يمشن بالشارع؟؟


بالشارع بيفرق عن الملعب..في فرق لما انا اكون مرغم عني مشيت بشارع صار فيه مشكلة او مسبات
او اني اخذ معي اختي او مرتي لمكان وانا عارف انه 99% حتكون فيه مشكلة او مسبة

لانه لو حد سمع انه بشارع حيكون فيه مشكلة او مسبة مظنش انه حيمرق هو وعيلته منه صح ولا لا


بالنسبة للقياس 155/70
والله ما بنجيبه صديقي ههههه

[بحار عربي]

رغم زعلنا من العقوبات الاتحادية فهي مستحقة لا بل قليلة على ما ذكر
اتمنى من الادارة والاتحاد والدرك وضع كميرات بشكل مكثف وتحديد المسيئين ومنعهم من دخول الملاعب وتغريمهم بدل تغريم الاندية
وما ذكر لا ينحصر في جمهورنا فقط

[jamal nashwan]

معناته انتو جمهور مشكلجي ههههه
لو انا مكان النادي الفيصلي بعملش معكم واجب

والله يا مالك بحكي عنجد ،

زمان كان هناك هتافات أكثر مما نسمعه هذه الأيام على شكل مناكفات محبّبة كان معلّق المباراة نفسه يكيّف عليها ،
زيّ خوذ " اللهّاية " واسكت خوذ " اللهّاية " ونام ، هسّة بتيجي الماما بتعملّلك حمام ..
مثلًا ،

يعني مش كل صغيرة وصغيرة وأكبر شويه من الصغيرة ندُقّ عليها ..

إحنا جمهور فطبل ، والحمد لله مشهود لجمهور الوحدات من كبار البلد والكل عارف الصح وعارف أننا جمهور نظيف ،،

مش صحي نطلّع على حالنا إشي مش فينا ، هناك نقاط جديرة بالأخذ بها والعمل على وأدها والقضاء عليها مما ذكره الدكتور بشير في طرحه ، وهاي النقاط متمثلة في أشخاص معروفين ومعدودين على أصابع اليد ، وبإمكان مجلس إدارة النادي وبالتنسيق مع لجنة العلاقات العامة فيه وبالمشاركة مع روابط المشجعين القيام بذلك ..

[جميل العموري]

الله يهدي الجميع

[جهاد علي]

بتذكر قبل سنتين صار نقاش بهذا الموضوع
وكان حجة بعض الاخوة انه بالشارع ممكن تسمع مسبات معناته مانخليهن يمشن بالشارع؟؟


بالشارع بيفرق عن الملعب..في فرق لما انا اكون مرغم عني مشيت بشارع صار فيه مشكلة او مسبات
او اني اخذ معي اختي او مرتي لمكان وانا عارف انه 99% حتكون فيه مشكلة او مسبة

لانه لو حد سمع انه بشارع حيكون فيه مشكلة او مسبة مظنش انه حيمرق هو وعيلته منه صح ولا لا


بالنسبة للقياس 155/70
والله ما بنجيبه صديقي ههههه

بوافقك الرأي صديقي , لكن اذا صار هذا الحكي بنكون
ضيعنا عنصرين من الجماهير ومن ضمنهم ( الاطفال ) الي رايحين بكره يحملوا شعار الوحدات من بعدي ومن بعدك , كل هذا بسبب شو انه الانسان مش قادر
يمسك لسانه ساعتين من الزمن وكأنه ادمان الشغله.

في ايام زمان وليس بالزمن البعيد اذا تلعثم اللسان
بكلمه او مسبه بالغلط , كان الواحد بجوز يضرب
نفسه مية كف على هذه اللعثمه , لكن اليوم اصبح
الامر يقصد عمدا. ( الله يرحم ايام الرجوله الصح )


بالنسبة ما بتجبوه بعرف بس حبيت اصحح غلطي.

[jamal nashwan]

حبية ايش ابو احمد , والله الزلمه ( نقز ) وما عرف شو بدو يحكي ولا وين وصل بالحكي .

صدقني يا ابو ابراهيم ، عادي ..

السيد / أحمد العدوان له كل الاحترام والتقدير وله الشكر الجزيل والعرفان لشخصه ولشخوص مَن مثلهم في مجلس إدارة النادي الفيصلي على هذه اللفتة الكريمة منهم في مهرجان اعتزال رأفت ، وأنا أؤكد لك لو أن السيد / محمد قدري حسن سأله عن رأيه فيما سمعه لضحك وذكر أن ذلك من قبيل المناكفات المحببة ..

عتبي هنا على عدد من جماهيرنا ، فلقد كان منهم إساءة بحق جماهير النادي الفيصلي - ليس النادي ولا مجلس إدارته - لم تكن بمحلها ولا بوقتها !.
وهنا يجدر بنا أن نحدد ونكون حريصين في توصيف الإساءة والجهة المُساء إليها عشان ما نعبّط حالنا إشي مش فينا !.

[**بلال**]

كل الأحترام على طرحك الرائع...
لعل من يتابع الساحة الوحداتية يلحظ كمية المدح و الاطراء الذي يحصده جمهورنا منا و من غيرنا لكن يبقى السؤال
ما الذي يفرقنا عن الأخرين إن كنا في مستواهم على المدرجات؟!!
أزعجني جداً حادثة الشتم التي حصلت خلال مباراة رأفت, على أحد الأطراف الغير منافسة!
لا يوجد سبب مقنع لذلك!
نعم لا نعيش في مدينة فاضلة، المدرج يحوي من جميع المستويات من الدكتور و المحامي الى أصحاب السوابق!
لكن هنا يأتي دور الرابطة في عملية ضبط سلوكيات الجمهور، إن لم يكونوا قادرين على ذلك فهناك شخص لا يؤدي عمله على أكمل وجه!

[nagruzz]

عندي فكره مجنونه نوعا ما، وهي تجميع اكبر عدد من الجماهيرـ، والقاء خطبه او وعظ فيهم، انه هنالك محرمات لنادي الوحدات

عدم التعرض للذات الالهيه، لانه كفر بواح والعياذ بالله.

عدم التعرض للاعراض لانه كلام بذيء

عدم قله الادب مع الجماهير الاخرى.

التدخين: مش ضروري تقعد تدخن وتؤذي الاخرين بريحه دخانك، تفضل قوم لمكان بعيد ودخن وارجع اقعد مع الناس. يعني يا عزيزي المدخن خلي عندك شويه دم.

نقطه:

( وقد نزل عليكم في الكتاب أن إذا سمعتم آيات الله يكفر بها ويستهزأ بها فلا تقعدوا معهم حتى يخوضوا في حديث غيره إنكم إذا مثلهم إن الله جامع المنافقين والكافرين في جهنم جميعا ( 140 )

(( قُلْ أَبالله وآياته وَرَسُولهِ كُنْتُمْ تَسْتَهزءون * لا تعتذروا قد كفرتم بعد إيمانكم )) سورة التوبة

لما مدرج يبلش شتم بالذات الالهيه فواجب على الانسان السوي انه يترك هيك مكان.

+1

[د.بشير]

الله يعطيكم العافية جميعا على المشاركة

ترددت كثيرا قبل كتابة الموضوع وشاورت الاخ ابو احمد نشوان وشجعني اني اكتبه


بالنسبة للردود انا ما بنعيش في المدينة الفاضلة صحيح ... بس بنقدر نوصلها لاقرب مكان حتى تكون فاضلة
بالنسبة الي شخصيا طول عمري شب مسجد واصدقائي من هذا النوع وعلاقاتي وسهراتي وحتى حفلات العرس الي بحضرها ... يعني مش شيء طبيعي ومش معتاد عليه .. وكل شخص بيقدر يختار اصدقائه وسهراته وطلعاته

[طارق الشلالفه]

المقاطعه مش حل ..ومش كل جماهيرنا هيك ..وللاسف الموضوع رح يلف كل المنتديات بحجة انه صدر من الوحدات نت ..وسيستثمر في التشويه ... الكل عليه مسؤوليه ..واللي ابوه ما رباه اكيد مش رح المدرجات تربيه

[الوحش الكاسر]

والله حكيت اذا بطلع على مباراة الوحدات والفيصلي اول شغلة بدي اعملها لمانيجي نيني اغنية نادي الوحدات احكي لابو سعده ورئيس مجموعة وحداتي انهم ما يسبوا فيها ويخلوا الاغنية بجمالها

بالنسبة للرابطة استثني أبو سعده وزياد وكمان واحد والباقي فعلا لا يليق برابطة للنادي
مجموعة وحداتي بصراحة ما عمري شفتهم بسبوا

[احمد الحانوتي]

سأل صديق احد المشايخ عن حضور المبارايات هل هو حرام
ام حلال , وكانت اجابة الشيخ كتالي : هل يذكر اسم الله هناك؟
( لا يا شيخ هناك شتم للذات الالهيه وقذف محصنات )
اذا شو جابرك تسمع مسبة الذات الاليه ولا تحرك ساكنا الاجدر
بك ان تبتعد عن الشبهات.

نعم نادي الوحدات غالي , وغالي جدا على القلب , لكن عندما
يتعلق الموضوع بمسبات وشتائم لله الواحد القهار
فلا مجال للشك بالابتعاد , معلش اخي الكريم اذا
انت شايف انه شتم الذات الالهيه فيها تكتشف رجولتك
فعليك ان تعلم ان الله هو من احسن صنع لسانك ليعلم كيف
تستخدمه , وعليك ان تعيد النظر في معنى الرجوله
واعلم ان اي حب في الارض يجب ان يسبقه حب الله
واذا نظرت الى حبك للشهاده على تراب فلسطين الغالي
فاعلم ان الشهاده لا تقبل من مشرك ( كفر بالذات الالهيه )

بارك الله فيك اخي
و هذه الاماكن بحاجه الى وعظ و ارشاد من امثالكم
و نياله فاعل الخير "و الدال على الخير كفاعله"
هناك اقتراحات و افكار ممكن ان تفيد المجتمع و تبث الخير من المدرجات
مثال:
ممكن من الاخوان التي تهمهم قضايا مجتمعنا و ديننا ان يوزعوا منشورات تدل على الخير و الاخلاق و احترام العامة مثلا
و هناك افكار ممكن نتشاركها في موضوع منفصل عن التوعية في المدرجات