نصيحه اخويه..... لا تدخل المنتدى اذا تعادل الوحدات او خسر

[رأفتينيو الساحر]

مين الي بحكي جمهور الوحدات ما تغيرش وتغير للاحسن ؟؟؟

لا حبيبي تغير وللاسف مش للاحسن

اشي مقزز صار دفاع عن الغلط وغلط فاضح

باختصار مش هاذ الوحدات الي حبيناه ومش هاذ المدرب الي بلبي طموح فريق بطل وفريق ممتع

ابو زمع بودي الوحدات لمصايب

[رأفتينيو الساحر]

المفروض تطالب إدارة الموقع بان يحذفوا عضوية اي شخص ينتقد ابو زمع
هل انتقاد ابو زمع بوجهة نظرك يكون اجندة
يا رجل اتقو الله بالوحدات والله شكلو ابو زمع
عامل حجاب لبعض الجماهير

فعلا الدفاع المستميت عن غلط بشكك البني ادم بأي شي

الله اكبر
هسا هاذ الوحدات ؟؟


مش ضايل غير يكفروا اي واحد بهاجم ابو زمع

[أبو فايز]

الله يعطيك العافيه
عجبتني كلمتك كثير انو
( من يريد ان يرى وحدات زمان الا يحب ان يرى جمهور الوحدات زمان )
فعلا زمان جمهور الوحدات كان دايما يفلل الملاعب باي مياراه او مع اي منافس زمان كان يطلع الجمهور قبل 4 او 5 ساعات على الملعب الان اختلف الوضع كثير والاسباب كثيره ومعروفه حكو عنا الشباب كثيره بمواضيعهم
نرجع لموضوع الاساسي
هسه يعني برايك الوحدات بلعب فطبول الكل بحكي طولو بالكم والفريق لسه باول الدوري والحجج الى الكل بحكيها ابو زمع 3 مواسم بدرب الوحدات اخذ 3 بطولات وصدقني يا كبير ابو زمع نفسه بعرف انو هذي البطولات مش شطاره بابو زمع يعني يا كبير بالله عليك لو الفيصلي وشباب الاردن زي اول الوحدات بعمل اشي معاهم بهيك مستوى
بعدين يا كبير ليش عنا اي حدا بنتقذ ابو زمع بتحسسوه انو عميل ولا جاسوس الموضوع اسهل من هيك من حقك وحق اي حدا بحب ابو زمع انو يدافع عنه زي ما بدو لكن كمان من حق الغير يعبر عن رايه كمان
انا متاكد الف بلميه ما في حدا بكل جمهور الوحدات ضد ابو زمع او معادي ابو زمع او نفسه الفشل لابو زمع لكن انا من الاشخاص الى عندي الوحدات اهم من اي اسم
وانا رايئ الشخصي انو ابو زمع موت متعة لعب الوحدات الله يسهل عليك يا شلبايه كان اقل مباراه يظيع 4 اهداف غير الاهداف الى بجيبها بلمباراه تفسها الان طول المباراه والوحدات بتحسه مش عارفين الاعبين شو يعملو 90 دقيقه والاعبين بتلف بلملعب ولا حدا عارف باي مركز يلعب تجارب تجارب 3 سنوات تجارب مش هيك يا عمي زهقنا
ولما نحكي ابو زمع لسه بدري عليه يدرب الوحدات ها الحكي صحيح الف بلميه اسنى خبرته القليله وفلسفته بكل مباراه
لكن اعطيني اسم مدرب بقدر استقالته 3 مرات ورئيس النادي برجعه عادي بكلمه وحده الاداره راضيه عن ابو زمع لانه ابو زمع قد اليد
وصدقا لو ابو زمع يدرب فريق غير الوحدات ما راح يكمل الشهر معاه ابو زمع ظلمته الاداره المفروض كان مساعد مدرب لمدرب كبير اقل اشي 5 سنوات بعدين بغامرو فيه يكون مدرب الوحدات
ولا لاعب قديم صار مدرب نجح مع فريقه في كل الاردن والسبب انهم طبو طب على التدريب هاي هي الحقيقه

صل عالنبي اخي اللورد...
كيف يعني "انو هذي البطولات مش شطاره بابو زمع يعني يا كبير بالله عليك لو الفيصلي وشباب الاردن زي اول الوحدات بعمل اشي معاهم بهيك مستوى"؟؟
هو الوحدات بكوكب اخر؟ الوحدات يتاثر بالجو العام مثله مثل اي فريق، فان كان موسم خير على الجميع، سيكون موسم خير على الوحدات، وان كان موسم قحط على الجميع سيكون قحط علينا، ونتنافس جميعا في نفس العوامل. فكيف بده يكون جميع فرق الاردن مزبطه حالها واحنا لحالنا طايح حظنا؟

"بعدين يا كبير ليش عنا اي حدا بنتقذ ابو زمع بتحسسوه انو عميل ولا جاسوس"
مين انتقد ابو زمع؟ تم اغتياله --- لما كل نقاد العالم يجمعوا انه تخبيص الاتحاد هو السبب المباشر ثم يصر من يصر انه ابو زمع هو السبب في تعادل فيجب ان نقف قليلا. ما ضل الا تصريح من البيت الابيض ليبين حقيقة ما جرى من الاتحاد ووالكنز وشلتهم. (قرفونا بهالمنتخب الي راح يعمل حرب اهلية بالوسط الرياضي. يا زلمه لعيبتنا متنكدين من اكبر واحد لاصغر واحد). حتى لاعبينا اعترفوا باخطائهم واعتذروا وجهازنا الفني ايضا قال لم نستحق الفوز وكلنا نعلم الظروف. لماذا الاصرار على اشعال النار في بيتنا؟؟؟!

اما لرايك الشخصي بابو زمع فهو رايك ولا اتفق معه. انا اخي على عكسك تماما، لا ارى انه موت متعة لعب الوحدات. برشلونه والرويال على عظمتهم، نصف لعبهم ممل بالنسبة لي، ولا اتابعهم الا بعد ما يحمى الوطيس وفي مباريات مهمة جدا فقط. المقصد، اي فريق بالعالم له مباريات ممله ممقته وخسارات مذله وحسابات خاطئه. كما قلنا، الوحدات ليس من كوكب اخر، حاله حال الكبار في اي مكان.

اما انه ابو زمع ما راح يكمل شهر مع اي فريق اخر، ببساطه اي نادي اخر يغير طاقمه الفني ثلاث او اربع مرات بالموسم لا يستحق ان يكون حتى نادي جمع طوابع. مرة اخرى، البيت الابيض كان بصدد اصدار تهنئه لادارة الوحدات في طريقة تعاملها مع الجهاز الفني. الا البعض منا يصر اصرارا غريبا ان فكره الكروي هو الصح!!! طب يا اخوان الانتخابات عالابواب، تفضلوا. حتى الاتحاد الاردني لكرة القدم صاحب الملايين غير ثلاث طقومة اجهزة فنية!!!!

بالنهاية اخي، والحكي للجميع، هذه رابع مباراة بالدوري، و اول مباراة بعد توقف 21 يوم ، واول مباراة للشباب مع بعض، واول مباراة بعد سمة بدن والكنز، واخر مباراة بيوم السبت بجو شتائي وجمهور لا يتعدى ال 400 شخص. هذه ظروف المباراة وخرجنا بنتيجة 0-0. انتهى الموضوع، المباراة القادمة يوم الخميس بالزرقاء الشقيقه. اعتقد الفريق بحاجة لدعم الجماهير، واقترح شد الرحال الى الزرقاء يوم الخميس وتسيير حافلات وحداتيه لمؤازرة الفريق. ساكون هناك باذن الله.