موضوع للمكيف

[saed]

قمت ارقص قدام امي وهي بتزقف

وكنت متاكد من الفوز كان شعور داخلي ممزوج بالتوتر والثقه بفوز الوحدات

ذكرتني بامي ورنيت احكي معها مع اني حكيت معها الظهر
ربي يطول عمرها الحجة وتظل مبسوطة وفرحانة وتزقف .. ظلك بوس ايديها وخليها ترضى عليك .. كلها كم يوم وببوس ايدين حجتي ان شاء الله

[أحمد محمد الرفاعي]

ههههههههههههههه شعور متبادل هذا هو الي صار بالزبط يا معلم معي ومع اخواني بالبيت

[أبو عدي داوود]

انا مكيف جدا جدا

وبصراحة انا ما كملت المباراة لسببين
السبب الاول صارت النتيجة 2 صفر لاتحاد الرمثا ولعت معي وسكرت التلفزيون
السبب الثاني اجا عندي ضيوف وطلعنا على البرندا عشان الجو شوب
وطبعا التلفزيون في الصالون بس عرفت النتيجة
انبسطت جدا جدا

[ثائر مهداوي]

مع الوحدات والله لنكيف

[أبو فايز]

يعطيك العافية

بالنسبة لي دخلت مع نهاية الشوط الثاني
وحتى بعد ما سجل اتحاد الرمثا الثالث كنت على ثقة بالفوز مابعرف ليش وبعد هدفنا الرابع لو في خمس دقائق زيادة جبنا الخامس والسادس
فكان الوضع عندي عادي جدا
فكل هالفرق اللي بنشوفها هالايام ماهي الا طفرات سرعان ما تنتهي

منور ياخال وماتحرمنا من مواضيعك ومشاركاتك

صدقني الخامس كان محقق في الدقيقة قبل الاخيرة، كان ثلاث لاعبين بشبه انفراد بحارس المرمي.. لكن اعتقد كان الهدف هو الاحتفاظ بالكرة وعدم التسديد. ولو دخل الهدف الخامس، كان الوضع صار طقع ... ان جاز التعبير

[سامر إقنيبي]

انا وحداتي يا نيالي

فعلا اجمل واحلى مباراة في دوري منذ موسمين

[محمودالحوساني]

انا والله حتى بعد الجول الثالث لاتحاد الرمثا ما فقدت الامل وكنت واثق من الفوز فعلا انا من مده ما تابعت الوحدات وهو بلعب من المدرجات ﻻني عايش بفلسطين مبروك الفوز للوحدات ..ابو زمع كنت على قد المسؤايه

[سفيان أبوشنب]

لغاية الآن مش عارف شو صار وخاصة بالهدف الرابع ركضت على الشبك ونطيت متر ونص وان راجع لقيت اخي محمد الحسن وعبطته وكملت على الي بعديه وبعدين عالساحوري وبعدني مغيب

[أسعد قنيبي (أبو علاء)]

الحمد لله على الفوز

[ابو راشد*]

انا في الغربة ولكن اقسم بالله الجول الرابع صرت انط انا وابني عمره سنتين
صرنا متل المجانين وابني بحبك
قووو بدل قول هههههههه