لأننا نحبك ألهمنا بأفكارك لتطوير المنتدى

[shadi byari]

بس يبطل في خيار وفقوس ممكن نساهم بالرقي بالمنتدى. اشخاص معينون هم من تقبل مشاركاتهم اتمنى ان يسهموا بذلك

حبيبي green قول اللي بدك اياه هذا بيتك و منتداك و ما حدا له الحق بمصادرة رأيك و مشاركاتك

طلع اللي براسك ما يهمك ، كلنا هون أخوان و نفس عن حالك
و بعدين مين حكالك مساهمتك مش ضرورية معنا ، ابدا ، رأيك بيهمنا
يالله فكر و ارجع اتحفنا بأفكارك

[سيكو عاشق الاخضر]

افكار رائعه فعلا اخي الكريم للتواصل وتطوير هذا الصرح العظيم.

[abuayman]

هلا شادي باشا
انا بددددددي تكوين مجموعة لاصلاح ذات البين مع نسوانا بلاش يصير ينا زي ما صار ايام التصويت الحردانات اكثر من الراضيات ))

[القيصر الصغير]

اتمنى من المشرفين
انهم يخففوا من التشدد
على المواضيع والردود
كثير من الأعضاء يفضلون القراءه فقط
خوفا من شطب مواضيعهم وتعليقاتهم

وأقترح عمل شات خاص بالمنتدى
للتواصل بين الأعضاء

[ALZA3EEM_BERLIN]

مين شب الجديد
اخي المشرفين هون مشكورين قايمين بلواجب واكثر

[**بلال**]

سبقتني يا أخ شادي ، كنت بدي أنزل موضوع عن هذا الأشي...بتمنى إنو توصل رسالتي للمسئولين

أول شي. اخبار النادي لازم تكون عنا أول بأول وملازم نسمع عنها من الجرايد، وهاي مسؤلية المندوبين عنا داخل النادي...

ثاني شي. لازم يكون في فيديوهات للفريق عالية الجوده مش أي شي يعني، وهدول بنستعملهم للتعريف بالفريق.... "مقابلات حصريه"، اى أشياء ذي هيك.

ثالث شي. تفعيل المنتديات الثانيه، وهذا عن طريق وضع شريط علوي تبث فيه المشاركات من المنتديات الاخرى، وبالضغط على عنوان المشاركه الضاهره في الشريط يتم نقلك
إلى الموضوع إلي كبسة عليه.

واضافه للنقطة الثالثه، فكرة الشريط كتير حلوه، يعني بنحط فيه نتائج المباريات المحليه أو العالميه ، والأخبار السريعة "على الطاير" أو إعلانات فورييه وبدنا الكل يشوفها.... أخبار وحدتيه ومشكل.

في كمان كمان فكرة بس قاعد بطبخ فيهن على نار هاديه .............

[عدي الوحداتي]

انشاء صفحة رئيسية للموقع

تفععيل عمل لجنة المقابلات

[abuayman]

والله انا خطر في باي شغلة انو لما يكون في اقتباس لردي مثلا يظهر اي شي عندي يبين انو حد اقتبس ردي حتى اشوف تعليقه على الرد .

[shadi byari]

هلا شادي باشا
انا بددددددي تكوين مجموعة لاصلاح ذات البين مع نسوانا بلاش يصير ينا زي ما صار ايام التصويت الحردانات اكثر من الراضيات ))

هلا اخوي ابو ايمن نورت

اقتراحك مرفوض بحكيلك النسوان ما برضيهن مجموعة اصلاح ذات البين و لا حتى غراب البين
اللي بيصلحهن هدية محرزة قبل التصويت القادم و هيك ابتوخذ راحتك بالتصويت ( الدفع مقدما )

و شكرا لمشاركتك ابعث بياناتك لو سمحت

وين افكارك حبيبي ؟ بالله طلع اللي براسك

[abuayman]

هلا اخوي ابو ايمن نورت

اقتراحك مرفوض بحكيلك النسوان ما برضيهن مجموعة اصلاح ذات البين و لا حتى غراب البين
اللي بيصلحهن هدية محرزة قبل التصويت القادم و هيك ابتوخذ راحتك بالتصويت ( الدفع مقدما )

و شكرا لمشاركتك ابعث بياناتك لو سمحت

وين افكارك حبيبي ؟ بالله طلع اللي براسك

والله يا عمي الهدية حصلت من لما بعتلك بياناتي ومش اقل من مساهمتي بالجائزة يعني ورطتني انتا ههههه

[abuayman]

شادي بطلعلك افكاري بس خلي الديرباني يحن علي بشوية بزر مطلقات تبع حماته هيني شايفه هوووون

[هيثم احمد دراغمة]

اقتراحات جيدى تشكر عليها يا اخي
بالنسبة للمسابقات فهي موجودة وهناك مسابقة اين الكرة ومسابقة التوقعات لمباريات الدوري
بالنسبة للمقابلات فهناك كل فترة تقوم اللجنة الاعلامية بعمل مقابلة مع احد اللاعبين او الاداريين او احد رموز النادي
بالنسبة للصفحة الرئيسية فالعمل جاري لعودتها

[shadi byari]

مين شب الجديد
اخي المشرفين هون مشكورين قايمين بلواجب واكثر

حياتي

ما في شب اجديد ، طالما انت وحداتي فانت حين تولد تأخذ زمرة دم الوحدات مباشرة
كلنا اهل و هذا منتدى كل وحداتي و بيته

طبعا المشرفون قائمين بالواجب على اكمل وجه و اكثر الله يعطيهم العافية و يبارك فيهم

بس هذا لا يتناقض مع طرح افكار جديدة ، و بعدين ليش الكل حاسسهم مش حابين حدا ينتقدهم ؟
ما في حدا على راسه ريشة يا اخي ، الاحترام موجود بالتأكيد ، و ايضا يجب ان تكون لي الحرية بانتقاد حتى المشرفين
في هذا المنتدى الذي صمم لاجلي ، لذا اقترح جعل قسم الشكاوى و حتى الانتقاد علني .

[shadi byari]

في كمان كمان فكرة بس قاعد بطبخ فيهن على نار هاديه .............

اطبخ و انفخ و ارجع اتحفنا

[shadi byari]

وأقترح عمل شات خاص بالمنتدى
للتواصل بين الأعضاء

و الله فكرة ممتازة