أشرف نعمان !!

[حمزة قراقع]

يوم عمل شاق جدا الان دخلت البيت
ولكن لانه الوحدات وجب علينا ان نزور المواقع والمنتديات
لنعرف ما يدور وماذا يحدث للوحدات

اشرف نعمان من افضل الاعبين الذين يلعبون خلف المهاجم
ولكن مطالبه الماليه الكبيره نحن في غنى عنها

اما الظهير الايمن انا وانت وكلنا بنعرف انه محجوز لعطوفة معالي الباشا فراس المعظم
يعني لو نجيب داني الفس رح يكون احتياط لمعالي السيد فراس
وهذا المركز لازم نغير المسمى تبعه ويكون رئيس مجلس الظهير الايمن الاوحد
واللي بدو يكون بهذا المنصب وجب عليه ان يعرف انه نائب الرائيس بالانابه
سفر ع العمره !!! انذار احمر !!!! اصابه لا سمح الله لعطوفته!!!

طبعا انا بعرف رح يجي ناس تحكي انت متحامل عليه على شان ابوه
وانا بقول ال شلبايه نكن لهم كل الاحترام والتقدير وهم وحداتيون حتى النخاع
ولكن انه فراس افضل ظهير ايمن هذه ما دخلت مخي التلحمي

فبلاش البحث عن ظهير ايمن ويا ريت مهاجم صريح يحرز اهداف من انصاف الفرص

بالتوفيق للوحدات ورمضان كريم وتقبل الله طاعتكم وسامحونا

[وحداتي في الجنوب]

وحداتي في الجنوب ...العدوس جوكر بيلعب بأكثر من مركز ...لكن انا كتبت التعليق بناء على المنشور في حال تم التعاقد مع نعمان وبوجود العدوس ...العدوس ظهير يمين (مركزه مع المنتخب) والنعمان خلف المهاجمين

اخي الكريم عمره عدوس ما كان في المنتخب ولا حتى في البقعه ظهير يمين ظهير اليمين للمنتخب عدي زهران عدوس وسط يمين او وسط يسار وأحيانا خلف المهاجم في البقعه

[حمزة قراقع]

عدوس لو كنت انا المدير الفني للفريق

بحكيلوا هي الميدان يا حميدان والع وين ما بدك

وكلامي للحفظ هذه افضل صفقه للوحدات وما يعيبها فقط انها لموسم واحد

عدوس للعلم وحداتي وحداتي وانا اعرفه جيدا وصديق عزيز مثلكم

[ابو جوهر]

اخي الكريم عمره عدوس ما كان في المنتخب ولا حتى في البقعه ظهير يمين ظهير اليمين للمنتخب عدي زهران عدوس وسط يمين وأحيانا خلف المهاجم في البقعه

رد علي ....عدوس لعب ظهير يمين واسأل الشباب ... واذا غلطان واحد من الشباب يحكيلي.... زهران كان مصاب وما لعب مع المنتخب

[ابو جواد]

يوم عمل شاق جدا الان دخلت البيت
ولكن لانه الوحدات وجب علينا ان نزور المواقع والمنتديات
لنعرف ما يدور وماذا يحدث للوحدات

اشرف نعمان من افضل الاعبين الذين يلعبون خلف المهاجم
ولكن مطالبه الماليه الكبيره نحن في غنى عنها

اما الظهير الايمن انا وانت وكلنا بنعرف انه محجوز لعطوفة معالي الباشا فراس المعظم
يعني لو نجيب داني الفس رح يكون احتياط لمعالي السيد فراس
وهذا المركز لازم نغير المسمى تبعه ويكون رئيس مجلس الظهير الايمن الاوحد
واللي بدو يكون بهذا المنصب وجب عليه ان يعرف انه نائب الرائيس بالانابه
سفر ع العمره !!! انذار احمر !!!! اصابه لا سمح الله لعطوفته!!!

طبعا انا بعرف رح يجي ناس تحكي انت متحامل عليه على شان ابوه
وانا بقول ال شلبايه نكن لهم كل الاحترام والتقدير وهم وحداتيون حتى النخاع
ولكن انه فراس افضل ظهير ايمن هذه ما دخلت مخي التلحمي

فبلاش البحث عن ظهير ايمن ويا ريت مهاجم صريح يحرز اهداف من انصاف الفرص

بالتوفيق للوحدات ورمضان كريم وتقبل الله طاعتكم وسامحونا

كلام سليم 100% وصدقني انا مش ضد فراس بس للامانه فراس لسا بده فت خبز ليحجز المكان باسمه

[هيثم احمد دراغمة]

ابو احمد موضوع الظهير الايمن شكله ممنوع الاقتراب منه ولا شو رايك وبصراحه لو سمحت

الكابتن ابو زمع اكد انه يبحث عن تعزيز المركز وهناك محاولات مع شباب الاردن من اجل عدي زهران وحاليا تم استدعاء عمر قنديل لتدريبات الفريق

[نبيل علي]

فنياً كلاعب خلف المهاجمين الوحدات ليس بحاجة له كما قلنا سابقاً وطالبنا بعدوس لإنه جوكر يستطيع اللعب بهذا المركز وكذلك يستطيع أبوكبير وسريوه.
لكن هل يمكن لأشرف أن يستثمر كلاعب مهاجم صريح ؟ هنا السؤال المهم.
أذكر أن إبراهيم سعدية أفضل من لعب في خط الوسط الوحداتي تم إستثماره في المنتخب الأردني كمهاجم صريح وقد أبدع برأيي وسجل كثيراً من الأهداف.
أنا لم أشاهد المنتخب الفلسطيني في آخر مباراياته ولا أعرف مركز اللاعب في المنتخب هل كان مهاجماً صريحاً؟؟ وماذا كان مردوده؟؟
أما إذا كان لا يستطيع ملء هذا المركز فسيكون حمولة زائدة.

[وحداتي في الجنوب]

رد علي ....عدوس لعب ظهير يمين واسأل الشباب ... واذا غلطان واحد من الشباب يحكيلي.... زهران كان مصاب وما لعب مع المنتخب

ممكن يكون لعب مرة اظطرارا احنا بنتكلم عن مركزه الاصلي الي ابدع فيه وسط يمين او يسارواحيانا خلف المهاجم اما انه لعب وعدي زهران مصاب هاي فلسفة حسام حسن الي كلنا بنعرفها

[اشرف السعد]

اخي ابو احمد عدي زهران / وسلمان السلمان احسن لاعبين البلد بمركز الظهير اليمين . والسلمان الان منتهي عقده مع الرمثا وبنتظر بعقد كويس والدردو كذلك ليش ما يتم مفاتحتهم . وشو بالنسبه للمهاجم الافريقي؟؟ وشكرا"

[علاء مناصرة]

ما بلزمنا لو كان أفضل لاعب في العالم

100%

[memoking]

ما بلزمنا لو كان أفضل لاعب في العالم

100000000%

[مصطفى وحداتي]

خارج حسابات الوحدات امس كان ؟ الاداره معقول غيرت رأيها

[علاء محمود]

تحياتي اخوي هيثم

حقيقتا لا اتمنى ضم اشرف نعمان ابدا ولم اكن بيوم من المرحبين بضمه

الوحدات اشتغل و انجز صفقات و لكل منا رأيه بهصه التعاقدات

التي ارى ان المكسب الوحيد فيها عدوس و بدرجه اقل عمر طه مدافع البقعه الشرس.

لكن لطالما كانت معاناة الوحدات في مركز الهجوم ويجب على ابو زمع و الادارة جلب مهاجم سوبر السوبر

و حتة لو كلف النادي ما يعادل اربع محترفين

فوجوده ضروري محليا و اسيويا.

اتمنى جلب مهاجم على سوية عاليه ان يكون مهاجم قول و فعل و ليس سلك خالك

كل امنيات التوفيق للاخضر.

[memoking]

رد علي ....عدوس لعب ظهير يمين واسأل الشباب ... واذا غلطان واحد من الشباب يحكيلي.... زهران كان مصاب وما لعب مع المنتخب

كلااااااااامك مية المية صحيح عدوس مركزه الاساسي ظهير ايمن ولمن كان في منتخب الشباب لمن طلع وشاركو كاس العالم بكندا كان ظهير ايمن وراااااائع كمان ووبدايته لعب مع البقعة ظهير ايمن ولكن المدربين اللي تعاقبوا عالبقعة غيرو مركزو متل ما عملو بابوو كشك بداياته كان ظهير ايمن
وعدوس لمن لعب للمنتخب حمد وضعو مركز ظهير ايمن

[moayad86]

اي فكونا عاد من هالعنصريه ... قال بدناش ياه لو افضل لاعب بالعالم ... ليش يعني عشان لعب للفيصلييي ... اشرف لاعب ممتاز ومهاري ووجوده بالوحدات مكسب للنادي ... بلا فلسفه زايده ... وحاليا هو وعدوس افضل صفقات الدوري الاردني ومش عاجبكم اي اشي وشرفي بتقهروووو ... وبعدين بالله لولا عدوس واشرف نعمان وابو كبير ... مين راح يغطي نجوم الواحدات الي راحووووو مين راح يغطي مكان رافت وحسن والدميري ؟؟؟؟؟؟ شغل فلسفه وكل اشي مش عاجبكم ... وهي انا وانتو اشرف نعمان راح يصنع الفارق السنه والكل راح يغنيلووووو وووو .