رسميا محمود شلبايه الى صحار العماني

[رائد ابوجهاد]

على ادارة النادي ان تكون حازمه مع اللاعبين بعد عودتهم من الاحتراف بمعنى ان يخضع اللاعب
لفحص طبي شامل ودقيق وعدم التوقيع معه في حالة كان مصاب.النادي مشش منتجع لاعادة
تاهيل هم .اسامه ابوطعيمه قعد عنا سنتين مصاب ولما شفي من الاصابه طالب بالاعارهه
وراح عالصريح والان بده يحترف ان نستفيد من احترافه واحمد عبد الحليم شرحوو
وشلبايه في احد المواسم قضاها مصاب ولما انتهى عقده قعد يتشرط .

كلام سليم زمن الانتماء ولا .لذا يجب التعاقد مع الاعب الجاهز والذي يستطيع ان يخدم النادي

[عبدالله الكعكة]

هذا المنتدى في خيار و فقوس و كأنه المنتدى حكر على سين و صاد, امس نزلت الموضوع نفسه و لكن ما حدا عبرنا, يا حيف بس علينا الوحداتيه

اخي الكريم .. جمعه مباركة .. ورمضان كريم
حاولت ان ابحث عن موضوع او موضوع مدموج لك حول شلباية لم اجد اي شيء ؟

[jamal nashwan]

ابو احمد نشوان شو كويس الي شفناك فكرتك مخطوف

حبيبي يا ابو شهاب ، ولا مخطوف ولا إشي .. أنا كل ليله بعد التراويح بظلّني للصبح معكم هون .

بس برضو ،، يمكن أنخطف !.

[هادي]

احسن خبر بسمعه


والله مبسوط

[رائد ابوجهاد]

الحمدلله انو تم التوقيع مع زعتره ..

[أبو وليد اللورد]

يلا يجبو بداله منحرف 70 الف وبعد مبارتين بنحول نروحة كما حصل دانيال
اخ من هل السقف الزينكة

[ماجد جامع]

بتوفيق ابو عمر

[أبو فايز]

"رزقكم في السماء و ما توعدون"
فش اله رزقه هون.... وبما انه الأمور تقاس هنا بنهاياتها دون معرفة وتقييم كيف وصلنا للنهاية .. فخليه موضوع أرزاق و ريح رأسك

عُمان بلد جميل و شعب طيب جدا له تاريخه و تراثه ... وفش عندهم ضرائب (باستثناء ضريبة الغربة) و شوارعهم مزقته صح و فش حفر
وتقريبا كل سنه بيجيهم إعصار او طرف إعصار ... الله يحميهم

بالتوفيق له و لكل مغتربينا
وأكيد التوفيق و كل التوفيق لنادينا الوحدات في دورينا، دوري المتاعيس.

[عبدالناصر64]

بالتوفيق لشلباية....لا تحكو الحق عليه....ما في لاعب بمستواه بيوقع على 30 الف دولار.............وياللي بيحكيلك اللاعبين الجداد هيك عقودهم لا تصدقو............كلهم اندفعلهم من تحت الطاولة

السلام عليكم اخي الكريم انت شفت بعينك اندفع لحدا من تحت الطاوله؟
الدنيا رمضان. بعدين حسب ما اورد احد الاخوه انه السيد شلبايه
بده شرط في العقد يقضي بفسخه في حال احترافه زي ماعمل الموسم الفائت
حضرتك لو مكان الاداره بتوافق. على هيك شرط؟

[اكرم احمد]

بالتوفيق لشلباية

[وحداتي من الكويت]

احلى خبر الحمدالله رب العالمين

[ابو شاكر]

لكل زمان دولة ورجال

سنة الحياه

والوحدات يجدد دماؤه من الجذور

مع كل الحب والاحترام للكابتن ابوعمر

والكابتن حسن والكابتن باسم وغيرهم

عالطريق

ولكن سنة الحياه تقتضي انه لا مكان

له في الوحدات

مثلو مثل كباتن ياما خدمو الوحدات

امثال جهاد وهشام وسعدية وطلال

فالموضوع عادي وطبيعي وما بزعل

للطرفين

تقبلوا مروري

[عبدالناصر64]

يلا يجبو بداله منحرف 70 الف وبعد مبارتين بنحول نروحة كما حصل دانيال
اخ من هل السقف الزينكة

لا اعتقد يا لورد انه الاداره ترجع تغلط نفس الغلطه شكلها حفظت الدرس والدليل
توجهها للتعاقد مع اللاعب السوبر المحلي.لانه اللاعب المحترف الجيد بده اقل
شى 150 الف واحنا كنا نجيبهم نص كم ب60 او70الف.يعني اذا اشرف نعمان
حسب ما سمعت طالب120 الف شو ضل فيها

[AHMAD-abuOmar]

كلام جميل ،، بسّ الاختلاف بضعة آلاف ..
بقدروا يدبّروهن زي ما دبّروا غيرهن لغيرو !.

لحق حسن ،، ويمكن يلحقو باسم ..

مادام الخلاف على كم الف ليش ماضحى شلبايه وبرهن انه منتمي وابن النادي ومن هالحكي الي بطعميش خبز


سيبونا من ابناء النادي والانتماء في زمن يبحث فيه اللاعب عن 5 الاف و3 الاف فرق

[jamal nashwan]

مادام الخلاف على كم الف ليش ماضحى شلبايه وبرهن انه منتمي وابن النادي ومن هالحكي الي بطعميش خز


سيبونا من ابناء النادي والانتماء في زمن يبحث فيه اللاعب عن 5 الاف و3 الاف فرق

أبو عمر يا الغالي ،، أنا ما جبت سيرة أبناء النادي ولا جبت سيرة انتماء ولا ولاء
ولا حتى حسناء ، هههههههههه
إنّي صائم !.

إقرأ اللي حكيتو أنا بعد هيك ، وبعديها أحكم ..
الزلمه انوعد يعوّضوه الفرق برّاني ، زي ما هو عرف إنهم عوّضوا غيرو وكمان رح يعوّضوا غير غيرو وِلّا فكرك إذا جابو البهداري رح يرضى بالثلاثين ألف دولار ؟!. أو لو انّو المهاجم المصري الستوك اللي كانوا بفاوضوه برضى ييجي فيهم ؟!!.. أو أقولّلك فكرك عدّوس صفقته بسّ ثلاثين ألف دولار ؟!!!...