بلال قويدر يوقع للجزيرة

[أنا الوحدات]

ريلاكس يا شباب ،،،ل مش مستاهله ،، بلال قويدر يوقع للجزيره ،، وين المشكله العظيمه ،، نتمنى له مشاهده طيبه للوحدات وهو يتوج بالموسم القادم من على شاشه الاردن الرياضيه ،، ونصيحه اخرى احتفظ بميداليتك اللي اخذتها السنه لانه الوحدات حصد الدوري وضلك لمعها منيح بلاش تصدى لانها بجوز تكون اخر ميداليه بتتوج فيها ،، صحيح هو الدوري الكرواتي فيه نادي اسمه الجزيره زي عنا

[أبو فايز]

جزيرة هون ولا بأوروبا ...
على اي حال الف مبروك لبلال، ان شاء الله منها لأعلى ويحقق حلمه و يروح لأوروبا

مش عارف ليش الزعل و العصبية... احد الأخوة قال نعتصم لوقف النزيف ما حد عبروا.

وإذا ما عرفنا نخلي شلباية،و راح شلباية للجزيرة، معناته الجزيرة فريق يحسب له الحساب الموسم القادم.

[أبو أحمد زبدية]

أبو أحمد الله يمسيك بالخير

النوباني أخطأ بحق بلال كشخص
أخوه أخطأ بحق أهل بيت النوباني


أسير و مناضل على راسنا من فوق
و صرمايته بتشرف الكبير فينا

لكن أهل بيت أخو بلال مش أحسن من أهل بيت البقية

العقاب لمن أخطأ بحق أهل بيت أي كان، و كما تفضلت أنت فلا أقل من الشطب

انا لم اقصد النوباني يا صفوان ،، وإذا اله حق رح يؤخذه من عيوني

[أبو أحمد زبدية]

لمن يزاود على بلال روحوا عالفيس بوك شوفوا شو احد نجوم الوحدات كاتب عن الظلم الذي يتعرضوا له .. الادارة سادس دال ونقطة

[صفوان عليان]

الموضوع برعاية" منتدى جماهير الوحدات" ...الانسحاب افضل

سبحان الله

لو تم شطب أي تعليق ضد بلال لكان المنتدى يتعامل بديكتاتورية مع أعضائه
و لو تم شطب أي تعليق مع بلال، لكان المنتدى يحجر على رأي أعضائه

تم نشر كل التعليقات إلا ما أسيء فيها، فكانت التهمة أيضاً جاهزة "برعاية منتدى الوحدات"

[ابو شاكر]

بالناقص

عأساس اوروبا؟؟؟؟؟؟؟؟

[الشنطي]

الله يسهل طريقه

[اشرف السعد]

والله انا ابارك من كل قلبي لبلال لانه للامانه لو وقع كمان 5 سنوات غير المدرجات ما اله قبل انهاجم اللاعب يجب محاسبة الاداره على جميع تصرفاتها مع اللاعبين اي واحد بالاخوه الي زعلانين على بلال يحط حاله محله . وازا بدنا نسولف عن الانتماء شلبايه وحسن وباسم لسى ما وقعوا نحكي انهم مش منتميين للنادي بالعكس الاداره فاشله ورح تدخل بالحيط . وفي لاعب ثاني اذا ضل وضعه هيك بتوقع كمان يهرب من المدرجات والكل عارفه مش رح احكي اسمه . وليش هاي الضجه ما صارت على عامر ذيب قبل موسمين؟؟؟

[كرم ابو حلاوة]

اسير ومناضل على راس ابونا من فوق
في خالي ماخذ مؤبد بسجون الاحتلال وهاذا الاشي بشرفنا وبرفع راسنا
اما شتم وقذف اعراض اخواننا الوحداتية هاذه الشيئ غير مسموح به نهائيا

[shawish]

انا مستغرب انه القائمين على المنتدى هم من يبرروا افعال اللاعبين ٠٠٠ نعيدها و نكرر الوحدات الرمز يختلف عن اشخاص الادارة ٠٠٠ اخطاء و طريقة تعامل بعض اعضاء الادارة لن تكون عذرا او حجة مقبولة لنا كجمهور ٠٠٠ رمزية الوحدات هي المقياس الحقيقي للانتماء ٠

[khaled salameh]

الأخوة الأعزاء .. ما قاله النوباني في حق بلال سمعته انا قبل ذلك من أعضاء موثوقين في هذا الموقع .. شخصيا أعتقد أنه هو السبب في تهميش بلال من قبل أبوزمع ..
أتمنى من المعنيين في الإعلامية وإدارة الموقع التحقق من الموضوع .. مش عشان ننشر غسيلاتنا بس عالاقل نوقف طخ على أبوزمع والإدارة اللي مش عارف ايش كان لازم يعملوا مع لاعب بدوش يلعب !!

[مواطن عربي]

تحدثنا كثيرا ومطولا عن هاذا اللاعب ... وقلنا ان اللاعب وعائلته لا يمكن التشكيك بانتمائهم للوحدات ... ولكن ... الامور الماديه

كانت هي الاهم للاعب والعائله ... فتم تغليب مصلحه بلال على مصلحه الوحدات ... وطمعوا في وقت مبكر ...

رفض بلال التوقيع كزملائه اعطي انطباع مؤكد دون ادنى شك ان اللاعب لا يمكن الاعماد عليه ابدا ... ولا الوم ابدا تصرف

الاداره والمدرب بحق اللاعب ... اتمنى له التوفيق على الصعيد الشخصي ... بعيدا عن الوحدات ...

[وحداتي غيور]

يا جماعة بالله تسكروا هالصفحه بلال اختار طريقه بنفسه الله يسهل أموره
سيثبت له الزمان اي نادي ضيع من ايده خروجه من الوحدات بمثل هالعمر هو الخسران وسيهبط مستواه فاسم الجزيرة مع احترامي له لا يصنع نجوم .
اللاعب اصبح جزراوي ويجب ان ينقل هالموضوع لقسم الاخبار المحليه

[ابوعلي الوحداتي]

[QUOTE=مواطن عربي;1731440]تحدثنا كثيرا ومطولا عن هاذا اللاعب ... وقلنا ان اللاعب وعائلته لا يمكن التشكيك بانتمائهم للوحدات ... ولكن ... الامور الماديه

كانت هي الاهم للاعب والعائله ... فتم تغليب مصلحه بلال على مصلحه الوحدات ... وطمعوا في وقت مبكر ...

رفض بلال التوقيع كزملائه اعطي انطباع مؤكد دون ادنى شك ان اللاعب لا يمكن الاعماد عليه ابدا ... ولا الوم ابدا تصرف

الاداره والمدرب بحق اللاعب ... اتمنى له التوفيق على الصعيد الشخصي ... بعيدا عن الوحدات ...

[shawish]

طيب ممكن الاخ ابو علي يحكيلنا شو كانت مطالبكم حتى تتنازلوا و تقبلوا التوقيع الوحدات ؟