تويت
فنجان ساده علشان القصه الطريفه لو سمحت
ضاعت فردة البوط الرووم
في 1980 كانت النا مباراه مع الغريم الساعه الرابعه عصرا على ما اظن المباراه طعجهم الكابتن مصطفى ايوب جول من قاع الدست والغي هدف صحيح لنا قبل ذلك في الشوط الاول
المهم يا حفيظ الستر والسلامه انتهت المباراه والجمهور اكثر من 30000 الف وحداتي وعشرات من جمهور الغريم بالدرجه الاولى بدنا نطلع من الاستاد طبعا الدرجه الثانيه كله باب واحد والجماهير فرحانه وبتهتف مع الزحمه والدفش والعصر والذي منه انشلحت فردة البوط الشمال من رجلي اكرمكم الله ومين بقدر ينزل يدور عليها يا عالم
اللي بدو ينزل مش رح يطلع الا على حماله طبعا كنا شلة شباب مع بعض بس ما قدرنا نعمل اشي المهم البوط رووم اديداس اصلي 13 دينار كان في هذيك الايام مش قلال
ضلينا بعد المباراه بساعه واحنا ندور ولا حياة لمن تنادي راح علينا الموكب والزفه اللي كنا نطلع فيها للوحدات بعد انتهاء كل مباراه ويا حسرة راح البوط وما بعرف يمكن روحي المدني كان معنا على ما اظن واذا بذكر السالفه ولا لا
كيف روحنا حافين وشو عمل الحج الله يرحمه لما عرف انه البوط ضاع مع فنجان قهوه اخر لانه هذا خلص وهينا شربنا اخر شفه
يعطيك العافيه يا محمد الله يرحم والديك بدي اضل اعطيك قصص وذكريات تتقول بس وتخلص القهوه اللي عندكوا كلها واللي عند الجيران
ضاعت فردة البوط الرووم
في 1980 كانت النا مباراه مع الغريم الساعه الرابعه عصرا على ما اظن المباراه طعجهم الكابتن مصطفى ايوب جول من قاع الدست والغي هدف صحيح لنا قبل ذلك في الشوط الاول
المهم يا حفيظ الستر والسلامه انتهت المباراه والجمهور اكثر من 30000 الف وحداتي وعشرات من جمهور الغريم بالدرجه الاولى بدنا نطلع من الاستاد طبعا الدرجه الثانيه كله باب واحد والجماهير فرحانه وبتهتف مع الزحمه والدفش والعصر والذي منه انشلحت فردة البوط الشمال من رجلي اكرمكم الله ومين بقدر ينزل يدور عليها يا عالم
اللي بدو ينزل مش رح يطلع الا على حماله طبعا كنا شلة شباب مع بعض بس ما قدرنا نعمل اشي المهم البوط رووم اديداس اصلي 13 دينار كان في هذيك الايام مش قلال
ضلينا بعد المباراه بساعه واحنا ندور ولا حياة لمن تنادي راح علينا الموكب والزفه اللي كنا نطلع فيها للوحدات بعد انتهاء كل مباراه ويا حسرة راح البوط وما بعرف يمكن روحي المدني كان معنا على ما اظن واذا بذكر السالفه ولا لا
كيف روحنا حافين وشو عمل الحج الله يرحمه لما عرف انه البوط ضاع مع فنجان قهوه اخر لانه هذا خلص وهينا شربنا اخر شفه
يعطيك العافيه يا محمد الله يرحم والديك بدي اضل اعطيك قصص وذكريات تتقول بس وتخلص القهوه اللي عندكوا كلها واللي عند الجيران