بالمشرمحي .... أنواع و أنواع !!!! - بالمشرمحي .... أنواع و أنواع !!!! - بالمشرمحي .... أنواع و أنواع !!!! - بالمشرمحي .... أنواع و أنواع !!!! - بالمشرمحي .... أنواع و أنواع !!!!
حبيت اكتب هذا الموضوع هيك بطريقة عامية أو بالمشرمحي يعني نوع من التغيير ونوع من التعبير احسن
الموضوع الي بدي احكيه انه من لما طبقنا الاحتراف بالاردن طلع عنا انواع لاعبين ومدربين ما كنا نشعر فيهم من زمان أيام ما كان اللاعب بس لناديه والمدرب برضو بس لناديه ومن هاي الانواع :
- اللاعب السياحي : وهو لاعب جاي للفريق بس سياحة وجاي يقضي وقت ويتصور وهيك شغلات وبقعد مبرطع مع الفريق وبسافر معهم كل السفريات بس انك تشوفه بمباراة يعني عشم ابليس بالجنة مثل ما كان عبد الله الديسي زمان ورامي ردايدة والان حاتم أبو خضرة بالوحدات
- اللاعب " كعب الداير " : وهذا النوع من اللاعبين يا أخوان الي كل موسم او حتى يمكن بالموسم الواحد تشوفه بيلعب مع فريقين ثلاثة او حتى اربعة بدور على كل الاندية وعمره لسه ما وصل 23 سنة وصار لاعب مع 12 نادي بالبلد زي البصول والجدع والشيشاني وأنس حجي ويوسف الرواشدة واحمد غازي حتاملة ومحمد العتيبي
- اللاعب دلوع النادي : وهذا اللاعب بحب ناديه كثير بس بده كل فترة يطلب شغلة ولازم يلبوه واذا ما لبوه بروح بيلعب او بهددهم انه الفريق الفلاني بده اياه وبتصير الجماهير تنادي بأسمه وبدهم اياه يضل بالفريق وبروح وبيرجع بعقد جديد اكثر من الاول واشهرهم يوسف النبر الي رايح جاي بين الفيصلي والشباب وراكان الخالدي
وفي انواع كثيرة اتمنى ان نذكر منها بالموضوع
اما حبايبنا المدربين فحدث ولا حرج ولكن اشهر الانواع :
- المدرب الفقيعة : وهو مدرب الكل بيحكي عنه وبتلاقي الكل بقلك احسن مدرب بالبلد مع انه درب ثلاث ارباع الاندية وما حقق أي نتيجة بس سمعته كبيرة كثير لدرجة انك بتحسه يعني اذا درب برشلونة بجيب معهم كأس الحليب واشهرهم عيسى الترك وديان صالح مع كل الاحترام
- مدرب الطوارىء : مدرب كل ما فشل الفريق واقالوا المدرب بيجيبوه قال انه يرجع الفريق لمستواه وهم بكونوا بتحاوروا مع مدرب ثاني من برة ولا من جوى واول ما يتم الاتفاق بحلقوله ويجيبوا الجديد مثل حبيبنا اللزم راتب العوضات وهشام عبد المنعم ورائد عساف والخزعلي واللحام
- المدرب الدلوع : وهو المدرب الي كل ما عصب بقدم استقالته وبقعد النادي يترجاه يسحبها مع انه شال امل الفريق والنتائج بتخزي وعمره ما حقق نتائج اصلا مع ذلك الكل بحكي عنه مدرب كبير مثل الحوراني وبلال اللحام واسلام ذيابات
- مدرب الكعب الداير برضو : وهو المدرب الي درب نص اندية البلد وكل موسم بتشوفه درب 3 اندية او 4 ممكن وبدرب وبقيلوه وبيلقطه نادي ثاني وممكن اول الموسم يدرب فريق ويرجع اخر الموسم لنفس الفريق بعد ما يكون درب ناديين قبله كمان مثل عيسى الترك برضو وثائر جسام وضيف الهم جمال محمود
للامانة بوجود هذه النوعيات من اللاعبين والمدربين هل سيكون وجود للانتماء للاندية وللاسماء ؟؟؟
يعطيك العافية. . مالها العاميه حلوة. .. أعتقد بانو أبو خضره في الطريق إلى خارج النادي .. نتمنى له التوفيق. . الردايده منتمي و لعيب. . الله يسهل عليه. . جمال محمود باعتقادي انه أصابه ملل من الشباب .. و ما حكيت عن البحري ؟ أخلاقه عاليه ولكن أعتقد أصابه شيء من الغرور .. النقطه الأخيرة. . بأنه البعض بنتفخ النفخه اللي هيه و بعدين بصدق حاله. . وبعد ما توقع الفاس بالرأس بتذكر النعيم و التوفيق اللي كان فيه. . البحري مثلا ! نتمنى التوفيق للجميع إلا قدام الوحدات ... احنا منتنفس وحدات. . تحياتي لكل وحداتي
عندك كمان نوع من اللاعبين اسمه التاهيل الصحي : اللي بيجي يتأهل بدنيا وصحيا ويتعالج من اصابته وبس يرجع لمستواه بيفسخ عقده وبيطلع من النادي او بيكون عقده انتهى وبحلقلنا .... مثل احمد بلال و عدوس ووووو
وهناك مدربين صامدين صابرين وقعوا عقد احترافي بكل معنى الكلمة ليثبت نفسه وقدراته قبل ان يرموه
صدقوني لو عدنان حمد لم يوقع على عقد فيه شرط جزائي عالي القيمة لاول من رماه نادي الوحدات وبعض ادارييه المتحاملين,,,,, ومنهم معروف طول نهارهم مسبات وهجوم على اللي حواليه
وحاولوا مرارا وتكرار ان يهاجوا المدرب كي يقدم استقالته
ورموا كتير اشاعات عن طريقهم لاستقالة حمد رغم ان حمد لم يتحدث به اصلا
فيعتبر حمد مفكر حافظ لماء الوجه
وبدأ يظهر ابداعه مع الفريق بعد الصبر والتحمل
الله يوفقه
احترمه جدا لانه لم يضع نفسه بصف المدربين الذين ذكرتهم في موضوعك
عندك كمان نوع من اللاعبين اسمه التاهيل الصحي : اللي بيجي يتأهل بدنيا وصحيا ويتعالج من اصابته وبس يرجع لمستواه بيفسخ عقده وبيطلع من النادي او بيكون عقده انتهى وبحلقلنا .... مثل احمد بلال و عدوس ووووو
هذا النوع الي بجيب الجلطة وبصير بدك تراجع مركز صحي عشانهم
حد بينسى بس جبنا نجم برشولنة ايمانويل امونيكي وقال شو ؟؟!!! صفقة من العيار الثقيل ... اوفر دوزززززززززززززز