مهلا , فأنا لست بنيكولا المناخرة ولا بشايل الكراتنة
انا وحداتي يا نيالي
بنخش مباشرة بالموضوع
بتستفزني بعض الردود لما نحكي انه الوحدات بده محترفين او لعيبة من البلد يكون مستواهم عالي
ما بتشوف الا والاغلبية العظمى بردوا وبقولك هي عنا منجم من اللاعبين الشباب ومستواهم رائع
يا زلمة ما شفت البشتاوي شو سوا بالفيصلي ؟!
لا والله شفته وملا عيني
طيب ما شفت منذر رجا كيف مسك اشرف نعمان وشل حركته ؟!
برضه شفته وكحللي عيوني !
يا جماعة الخير هسا سيبونا من المزح , انا متأكد انه هالشباب الموجودين حاليا بالفريق الاول او حتى الي لسا موجودين بالفئات هم الافضل على مستوى المملكة ولسنين طوبلة لقدام ان شاءالله لأنه اهم شي عنا بالنادي الاهتمام بالفئات
بس الي بدي احكي مش كل يوم عنا مباراة مع فريق عى قد الايد
عنا بكرة اهتمامات ثانية ومنها البطولة الاسيوية الي كاسره ظهر كل وحداتي وسببها تعرفوا شو , انه بدنا لعيبة !
صار لازم نجيب المحترف الي عليه القيمة عاد
مصاري ! عنا مصاري اكثر من غيرنا بالبلد من الاندية وبكفينا انه احنا واحد من النوادي الي مش مكسور عليها رواتب للعيبة .
صار بدها تفتيح عيون اكبر ونشتغل زي غيرنا من الاندية زي الرمثا والمنشية وذات راس وشباب الاردن
محترفينهم اعلى من مستوى لعيبتنا المحليين وبعقود ورواتب زي اللاعب المحلي
شو ناقصنا انه ندور ونلاقي
لعيبتنا الشباب الهم كل الاحترام بس شو بدهم يسووا مع فريق زي الكويت الكويتي بكرة بالبطولة الاسيوية الي شفنا 3 محترفين عندهم قلبوا المباراتين قلابة , مع كل الاحترام لليث بشتاوي الي ما بنكر مجهوده . بس ارجعوا لشريط المباراة وشوفوا الشوط الاول الي كان المفروض يطلع بكارثة عالفيصلي بس عدم خبرة ليث وغياب حسن تصرفه منح الفيصلي فرصه لبطلع بس ب 3 جوال خصوصا الشوط الاول
صار لازم نفكر ببطولات اكبر من المحلية وهالبطولات بزبطش معها عبدالدايم وديب ولعيبتنا الشباب ولا حتى شلباية !!
ليث ممكن يكون ورقة رابحة بالمباريات الكبيرة بالشوط الثاني
وقويدر من يوم ما اجى عالفريق الاول ما قدم اي شي عليه العين , البقية بمباراة وثنتين بنحكمش عليهم ليلعبوا قدام لعيبة منتخبات عريقة زي الكويت وتونس والمغرب ... الخ
بالنهاية بكرر لازم نتمسك ونستمر بأخراج اجيال الشباب وبنفس الوقت اللاعب الشاب ما بجيبلك بطولة خارجية
ههههههههههههه
حاولت امسك نفسي من الظحك ما قدرت يا فارس
صديقي نيكولا المناخرة .. بدك لعيبه لحالك وبدك اداوت لحالك و روح ارفع كرتونه في ملعب ارسنال واحكي هل الحكي انه بدنا لعيبة وبدنا محترفين هههههه
احنا راضين عن اللاعبين الشباب وبنشوف انه مستقبل الوحدات معهم .. شوية خبرة للشباب مع تطور المستوى بعد اكم سنة بإذن الله بنحقق البطولة
كلامك سليم
لاعبينا الشباب بدهم خبرة عشان يجيبو البطولات وخصوصا البطولات الخارجية
لازم تدعيم فريقنا بمحترفين على سوية عالية وضم اكمن لاعب محلي من الفرق الاخرى
غير هيك بدنا نستنى سنين طويلة عشان يصير عند شبابنا خبرة وبعد ما يصير عندهم خبرة بصيرو بدهم يحترفو ..!!
كلام سليم والدليل أين الوحدات من البطولة الخارجيه الكويت ليس أفضل من الوحدات لاكن محترفي الكويت أفضل من محترفي الوحدات اللاعب روجيرو يلعب عن كل لاعبي الكويت افهمو يا اخوان نحن بزمن الاحتراااااااااااااااااااااااااااااااااا اف