رسائل قصيرة ..... - رسائل قصيرة ..... - رسائل قصيرة ..... - رسائل قصيرة ..... - رسائل قصيرة .....
السلام عليكم جميعا
بعض الرسائل الي لاعبين الفريق و الجهاز الفني
محمود قنديل ..... ما شاء الله عليك كنت على وعد و شغلت دور شفيع بأحسن صورة لكن يا قنديل في بعض الكرات بتكون بدك تضيع وقت و بتعمل حركات ما الها داعي ممكن تخسرنا بغلط ما اله اي داعي ركز على هاي النقطة و راح تكون 100% ان شاء الله
محمد دميري ..... ما شاء الله 100% ما عمري شفت مستواك في تنازل دايما بتادي دورك على اكمل وجه لكن مبارح كنت معصب شوي و اخدت انذار و انت عارف التحكيم السنة و كل السنين على الوحدات دير بالك منهم يا وحش
عبداللطيف البهداري ...... ارجع زي ما كنت يا بهداري حقك تعبت بس بكفي ثلاث مباريات مش بمستواك بدنا اياك فهد اسود زي ما بنعرفك يا فدائي
احمد ابو حلاوة ..... صراحة يا ابو حلاوة مع احترامي الشديد لنادي اليرموك لكن انت الان مع الوحدات مش مع اليرموك في اليرموك كنت تلعب على راسك وين ما بدك اما الان انت في الوحدات لك مركزك فقط دايما بتطلع من مركزك و بتكون طلعاتك ما الها داعي و بتفتح الدفاع وراك لا تنسى انه بكون جنبك افضل مدافعي الادرن يعني كل واحد بعرف دورو
رامي الردايدة ...... في اول لقاء في هذا المركز 100% و يعطيك الف عافية
محمد جمال ..... ما شاء الله عليك مركزك بدو لاعب صغير لكن انت ما شاء الله عليك بس تمريراتك من زمان لازم تكزن ادق من هيك يعطيك العافية يا كابتن
احمد عبدالحليم ...... حليمو انا بعذرك من جهتي لانه انت في كرة وحدة بتنهي المبارة و لازم تكون بس والله يا كابتن الفرصة هاي ما بتيجي لحالها لازم تشد شوي تركض و تتحرك و تستلم الكرة و تفتح مجال الك تسدد والله انت اهل لها شدلنا حالك يا كابتن
اسامة ابو طعيمة ..... انا بحكي كمان مبارة او مبارتاين و راح تكون ملك الوسط في الاردن بعد حسن ان شاء الله بس مبارح كنت 75-80% اما المباريات القبل كنت 100% اكسب الجمهور و اكسب مركزك و شد حالك كابتن انت مع الوحدات
رأفت علي ..... اكتر شي فرحني منك مبارح لما اشرت على الشعار للجمهور والله انك كبير يا كابتن بس مبارح العمر غلبك و ليقاتك ما كانت مزبوطة اخرها تمريراتك كانت ضعيفة يا كابتنا
احمد كشكش ..... يمكن معذور لانه هاي يمكن تاني مبارة اساسي الك في الموسم بس زي ما حكيت لابو حلاوة بحكيلك اياها انت في الوحدات يا كابتن و افهم يا فهيم
محمود شلباية ..... ما بعرف حسيتك مبارح مهموم في شي شاغل بالك من اول المبارة مش شلباية الي بنعرفو لعلو السبب خير يا رب شدلنا حالك كابتن حرام تروح الهداف من الوحدات كمان سنة
عامر ابو حويطي ..... تكون بديل يمكن احسن بس كمان مش مقتنع فيك مع اني بحبك و بحب انتمائك
دراغان يا دراغان والله في عنه لعيبة احتياط انهم مناح جربهم شو خسران ؟؟؟؟ والله البرغوثي و السباح انهم مناح و لازم يلعبو بس لمتى راح يضلو احتياط ؟؟؟؟
العتال بنظر الكل احسن من كشكش و حويطي ليش ما بلعب ما بعرف ؟؟؟
صح يا كابتن بنحبك و اكتر مدرب اخد قلوب الجماهير و عرف كيف يدخل قلبهم بس والله لياقة مش بزيادة تكتيك قلييييييييل تنشوفو تبديلات عندك احتياط قوي جدا ما بعرف ليش ما بتستغلهم
ملاحظة : ايام الكابتن اكرم سلمان ما عمري شفت لياقة لعيبتنا هيك الله يرحم
و يا ريت الكل يفهم قصدي و الحكي خوفا على مصلحة النادي بعيد عن العاطفة
الردايدة الله يعطيه العافية بيستحق يكون اساسي بمركزه لكن ما يعيبه الكرات العاليه
كلامك مزبوط بس الظهير الايمن او الايسر مش مشكلة طولو كتير يعني هو اقل لاعب يعتمد على البنية الجسمانية
و كمان يا اخوي والله المحارمة ممتاز و صعب يوخد مكانو الردايدة المحارمة كان لازمو هاي الراحة ما شاء الله عليه هو و محمد جمال اكثر لاعيبنا بلعبو ما الهم بديل و ما بغيبو يعني المحارمة كان باين عليه الارهاق كتير
الله يجيب الي في الخير لوحداتنا
مشكور اخي