ابو احمد : مسا ء الخير ابو محمد طمنا عنك وعن احوالك شو في ما في.
ابومحمد: صافية وافية من الدوام للدار ومن الدار للدوام يالله خليها على الله كلها بتهون شو بخصوص الوحدات.
ابو احمد: انو وحدات هو ضل فيها وحدات الفيصلي كوش على كل لعيبة البلد وجمال عاك راكضلي وراء الاستوكات.
ابومحمد: وحدالله يار جل انو ستوكات وما ستوكات سمعت انه جابلنا حسن وزعترة.
ابواحمد: يا خوي بقولك الفيصلي كوش على كل لعيبة البلد وبتقولي زعترة وحسن .
ابومحمد: يا خوي الفيصلي عندهم عقوبات 5 لاعبين محرومين وبعدين الحوراني كل لعيبة البلد اللي بتحكي فيهم بيدفعلهم حبطرش يعني خذلك مثلا مرضي 60 اف وابو سعدا ما غيره (وينو وهدات وينو وهدات) اعطالي اياه 40 الف مع انه كان رايح ب20 الف وكلهم هذول براره يا خوي.
ابو احمد: هالمختار تاعنا من يوم ما استلم ام النادي وهو بيقول تكلكوش تكلكوش وهيو شيلنا حسن وزعتره.
ابو محمد: يعني بقلك شو اللي بدك اياه.
ابو احمد: يا خوي انا بدي الدوري يعني بالعربي بدي مهاجم على المرمى دوز واهداف زي زخ المطر وصانع العاب حريف من وين ما بيسدد هدف هذا اللي بدي اياه منشان ما اقلق.
ابومحمد: عليم الله انه زعتره سيد من لعب هيد فيكي يا بلد وحسن رجليه يلتف عليهم الحرير.
ابو احمد : يا اخوي هذا انت عايش على الاطلال ملك الهيد بنقولك بدنا واحد دوز على المرمى هذول الجوز ختموا من زمان.
ابو محمد: يا خوي طيب شو رايك بالفئات عندنا كم لاعب لوز لو نلعبهم بالمباريات الضعيفة اخر الموسم بنكسبهم.
ابو احمد: وبالله يارجل شو هي المباريات الضعيفة.
ابو محمد : يعني مباراة ذات راس ,اليرموك,العقبة.
ابو احمد: اه حكيتلي ذات راس فريق ضعيف
ياخوفي يطرقونا بالثلاث وبالكبار ونصير نغني تلولحي يا داليه.
ابو محمد: يا اخي شو بكره المتشائمين مثلك عندنا احسن تعاقدات في البلد وزيد عليهم حسن وزعترة وثلجي والله لتصير تلج على رووس جميع الاندية وان شاء في الاياب عمك جمال بيزبط الامور وبيدوزنها والامور عال العال وبنصير نغني ويللي عليهم ويللي عليهم وحدات الاخضر كاسر عينهم.
ابو احمد: والله يا خوي شايفك متفائل عل الاخر طيب شو بخصوص المدير الادراي .
ابو محمد: يا عمي موضوعه محلول .
ابو احمد: مين يارجل شوقتنا.
ابو محمد: ان شاء الله في الاجتماع الجاي للادارة بعينوا شلبايه.
ابو احمد: اه حكيتلي شلبايه وجمال محمود وبدك دوري اي رووح انقلع من وجههي واحد مصقع .
ما شاء الله كل الي بدور بعقل الواحد تكلمت فيه والله الواحد فقع من كل القرارات الاداريه الي على الفاضي
فعلاً الفيصلي بيلم في هاللاعبين ونحن متفرج ما شاء الله
الفريق بحاجه الى مهاجم يا اخوان والكل ملاحظ ويا ريت يتم مفاتحة المحترف الفلسطيني الوادي وفي حال احتراف النجم بهاء فيصل راح انصفي في الشارع بدون مهاجمين