إدارة ~ لاعبين ~ جمهور ... - إدارة ~ لاعبين ~ جمهور ... - إدارة ~ لاعبين ~ جمهور ... - إدارة ~ لاعبين ~ جمهور ... - إدارة ~ لاعبين ~ جمهور ...
بسم الله الرحمن الرحيم سأبدء كلامي باقتباس من شعر مظفر النواب( هل أرض هذه الكرة الأرضية أم وكر ذئاب ؟)
ادارة .... مدرب .... لاعبين
هذا هو مضمون الموضوع وإفتائات الجماهير الخضراء في الفترة الاخير فالكل يدلي بدلوه ويصدر اشاعات او حقائق على حد سواء فلا تزيدنا الا هم
ساوجه لكل كلمة هي غل وعتب راح احاول التزم اقصى درجات الادب في كلامي وراح ابدا بالادارة
~~~~~~~~~~~~~~~~~~~~
ادارة نادي الوحدات
تقصير وتقصير وتقصير والحصاد اخفاقات انا مش مخول لاحاسب حد لانه اكيد راح يطلع واحد يقول الي
مين انت ؟؟...مين انا ... انا مشجع متيم مسكين همي الوحيد انجازات النادي وانه نكمل طريقنا للافضل انا الي كنت اجمع حق التذكرة ايام المدرسة من مصروفي انا الي بشغلي بعمل مليون مشكلة لاعطل يوم المباراة انا المستعد اني اروح على شغلي مشي عشان احضر مباراة للوحدات انا الي ببكي حزن لو خسرنا وفرح لو فزنا انا الي بالطابور قبل المباراة بنضرب و بتفتش وبتتاخذ قداحتي و حزامي انا الي بقعد بالبرد وبالحر ساعات قبل المباراة بروح على اربد والزرقاء واستاد عمان والقويسمة ووين مكان وانا وانا وانا كل هاد ومين انا لا مين انتا ؟؟؟
دراجان ليش ما جدد اللاعبين ليش بيطلعو النادي ليش بينحدر العضوية ليش ما تنفتح القناة ليش ما تبدء وليش غمدان لسة مش جاهز وليش وليش والف ليش
ليش بنستنى انه يخلص عقد اللاعب عشان نفاتحو بعقد جديد مع انه بنعرف انه اللاعب مهم وأدائة ممتاز والعين عليه وحتى لو انه لاعب متواضع ليش ما يتم التوقيع معو بدري عشان اذا بدو يحترف يستفيد النادي الي رباه ودربو ليش
ليش تلبيس الطواقي والتهميش والشاطر الي بشيل الطقية عن راسو وبلبسها لواحد تاني
متى راح تنتهي المحسوبية والعصابات جوا النادي ؟؟؟
متى راح يبطل ((( البعض ))) وحطيت البعض بين قوسين سمسرة ؟؟؟
ليش دارجان ما جدد مع انه كل دمعة من عينة تقول بدي اضل وليش الغموض والتستر على السبب الحقيقي لموضوع رحيلة
دراجان لا اعرف هل هو مدرب اسطورة ام انه اسطورة مدرب
على كل حال دراجان الله يسهل عليه
~~~~~~~~~~~~~~~~~~~~
لاعبين نادي الوحدات
الله يعطيكم الف عافية والله موسم تاريخي مليان ارقام خيالية رغم المصاعب والتحديات
بدي اقولها وعلى بلاطة الي بدو يضل يضل والي بدو يروح الله يسهل امرو بس...
ليش بدكم تتركو الوحدات بعد ما وصلة اللقمة للثم بدكم تتركو الوحدات وهو بمرحلة مهمة وانتو بتعرفو انها حلم مش بس الكم ولا للنادي لا ل ملايين من الجماهير الخضراء
ليش بدكم تقتلو الحلم ... وين راح الانتماء والولاء للنادي الي طول عمرنا بنفخر فيه
بصراحة ما بيطلعلكم تقتلو حلم ملايين عشان مصلحة شخصية او عشان اكم من الف والله حب الجمهور الكم وبحكي بصفة عامة بيسوى ملايين
حبنا الكم خلاكم تتحكمو بدمعتنا اما فرح او حزن لا تخلوها حزن ولا تخربوها باخرها
وما تكونو زي المثل الي بقول (( بعقابها خرابها )) بالله عليكم لو تروحو وين ما تروحو راح تلاقو مثل جمهورنا والله لا لانه احنا احلى واجمل واحسن واطيب واكثر جمهور مجنون بالعالم heyno6QuDsS
الكم قلب تتركونا وبهاي المرحلة كمان ..؟؟!!
بس بقول بالاخر الك الله يا وحدات
~~~~~~~~~~~~~~~~~~~~
جمهور المارد الاخضر
بدي ابلش كلامي مسكين الي ما عندو وحدات
طلب صغير منكم انا عارف انه احنا دائما الضحية بس بالله عليكم بكفي اشاعات
وبدي اقلكم الوحدات كبير ويضل مين ما يضل ويروح مين ما يروح شو عني يروحو كلهم كلها 3 او 4 سنين الصغار بيكبرو والي ما عندو خبرة بسير عندو خبر وبنرجع احسن من هسة
ليش نحرق دمنا ونرفع ضغطنا صحيح انه الي بصير مش قليل وكلو مرة واحدة
قالها كلظم الساهر (( لو سهم واحد كنت اصدة نزلن سهامك مية مية ))
بس ما ننسى انو استحملنا البرد والمطر والشمس والشوب والضرب والاستفزاز
وما حد فينا اتزعزعت في قلبو ذرة من حب الاخضر
وبكرر الاخضر مش اللاعب الفلاني الاخضر
الي بشجع دراجان او أي لاعب لقول الو فلان راح والي بشجع الوحدات بقلو هي الوحدات بالميدان
حبيبنا أخونا ا لعزيز قبل كم يوم وجهة تحذير شديد للأدراة الموقرة
للمرة الأف بقول وبعالي الصوت ياويلهم من جماهير الوحدات فأذا خسرنا الوحدات لاقدر الله ماظل شيء نخسروا وشوفوا اللي جاييكم ؟
كلام على الوجع 100% والجمهور من امثالك سيبقون الرقم الصعب في المعادلة الوحداتية دائما وكل التوفيق للمارد والله الوحد بيفتخر فعلا بانه وحداتي لانه في ناس عندها هيك انتماء وحب كبير
لك كل التقدير على هذا الموضوع الرائع