نادر زعتر وناصر غندور من الوحدات
اللاعب اللي دايِر وجهه ويلبس لباس الوحدات مش عارفه، وممكن ما يكون وحداتي
اسماء اللاعبين من الوحدات كما ذكرت انت واخونا زهير والمختلف عليه. لاعبنا
مصطفى ايوب ، ولاعب الجزيرة المعتزل المرحوم انور العيساوي وليس المرحوم كامل منيب .
مرحبا يا زعيم
على ذمة ناصر غندور وكمال الخاروف ان الظاهر بالصورة هو الكابتن المرحوم انور العيساوي وكما تعلم ان الكباتن الحاج علي ، طالب ازمقنا ،نبيل النبي ،حلمي طه والكابتن انور العيساوي هم من تسلموا شارة الكابتن في نادي الجزيرة ولم يحملها الكابتن كامل منيب بل لم تقام له مبارة اعتزال لا قبل فترة بسيطة من وفاته بعد ان تم بتر قدمه وفي الثمانينيات اقيمت مبارتين اعتزال لكباتن الجزيرة الاولى للكابتن طالب ازمقنا واقيمت بين الجزيرة والزمالك عام 1983 واذكر باني نزلت عنها موضوع مصور والمباراة الثانية للكابتن انور العيساوي واقيمت بين الوحدات والجزيرة وهنا تشكيلة الجزيرة ونجوم الاندية قبل بدء المباراة
ويظهر فيها من اليمين وقوفا حلمي طه ، طالب ازمقنا، انور العيساوي ، نبيل التلي ،علي بلال ،كمال الخاروف
جلوسا من اليمين
رفيق جودت ،اسعد دعيبس ، حسين ابو غثيث ، الحارس محمد خليل والكابتن ابراهيم مصطفى
أنا لا عمري التقيت بالمرحوم أنور ولا بالمرحوم كامل شخصي أو إنّي شفتهم عن قرب إلا على التلفزيون أو من خلال صورهم في الجرايد، وأنت عارف والكل عارف أن تصوير التلفزيون والصور الفوتوغرافية بتكون بعيدة..
أنا اللي شايفُه في هذه الصورة هو كامل منيب، وهو الأقرب في الشكل للصور اللي أنا نزّلتها.. هسّة تقولّلي إشارة كابتن..؟. ما عملولوش مباراة اعتزال..؟!. أنا ما بعرف هالحكي، أنا بعرف اللي أنا شايفُه، واللي أنا شايفُه أن هذا الشخص هو كامل منيب..!.
أغلب الظن أنه قد يكون كامل منيب قد تسلّم شارة الكابتن من أنور العيساوي في مباراة الاعتزال هذه اللي أنت نزّلت صورتها بعد مراسم اعتزال أنور، والصورة أخِذت لحظة دخول كامل بديلا له خاصة وأن الاثنين بيلعبوا قلب دفاع وأنور سلّمه شارة القيادة، وعشان هيك ما كان كامل ظاهر ضمن التشكيلة التي بدأت المباراة.
بعدين حسين أبو غثيث صار كابتن للجزيرة، وتوفيق الصاحب صار كابتن للجزيرة، وعمر الكيالي صار كابتن للجزيرة، وعصام التلي صار كابتن للجزيرة، كامل منيب أقدم من هذول كلهم.. يعني ما وقّفت على اللي أنت ذكرتهم يابوأوس.