معلقي ومقدمي برامج القناة الرياضية الاردنية - معلقي ومقدمي برامج القناة الرياضية الاردنية - معلقي ومقدمي برامج القناة الرياضية الاردنية - معلقي ومقدمي برامج القناة الرياضية الاردنية - معلقي ومقدمي برامج القناة الرياضية الاردنية
تحية عظيمة لكم يا جماهيرنا الوحداتية الوفية في كل مكان وكل عام وانتم بألف خير ... وكل عيد ورأفت يكرم على المنافسين بعيدياتهم المستحقة ...
للقناة الرياضية الاردنية والقائمين عليها وبصفتنا اردنيون ومتفرجون على هذه القناة فمن حقنا ان نطالب بمطالب تلبي طموحاتنا بمشاهدة الافضل ...
سأترك اللغة العربية الفصحى وسأتحدث بلغتنا العامية حتى تكون الكلمات مفهومة اكثر.. عذرا فبعض معلقيكم لا يجيدون اللغة العربية اصلا ...
نحن نطالب بمعلقين ومقدمين للبرامج على مستوى الاحتراف وعلى قدر من الحياد من جميع الفرق ، فقد سئمنا تلك التعليقات الساخرة والانحيازية لطرف على حساب الاطراف الاخرى ...
عزيزي المعلق : نفسي افهم ليش المعلق لما يكون الفريق اللي بميل اله خسران او على وشك بكون زعلان " ما انت معلق شو دخلك"
عزيزي المعلق : نفسي افهم لما يكون الوحدات بيلعب مباراة مع فريق آخر ولنفترض فريق تاج محل سيرة فريقك المحبب و تاريخ انجازاته اللي بترف سقف عمارة قصدي بترفع الراس شو الداعي انك تقعد تسردها
عزيزي المعلق : انت اللي بنحكي عنك اكتر واحد حيادي واسلوبك طيب ، لما فريقك قرب يضيع بينت على حقيقتك وصرت تخبص ليش ؟؟؟ يعني حطيت كل احتمالات الفوز للفرق بالمباريات القادمة من اجل الصدارة وما تشرفت تحط خيار انه الوحدات يفوز على شباب الاردن ليش ؟؟؟ ليش لازم الوحدات يخسر من شباب الاردن ؟؟؟
عزيزي المعلق : اللي بتقلبها من رياضة الى سياسة ومرة الى دين وشريعة ومرة الى درس رياضيات بالرغم انك ما بتعرف شي بجميع ما ذكر ... ليش ما ادور على طريقة تطور نفسك رياضيا وثقافيا ؟؟؟
عزيزي المعلق : كيف تملك الجرأة على تحليل حالات تحكيمية غيرك عمالقة التعليق ما استرجوا يعملوا عملتك ؟؟؟
عزيزي المعلق : لما بتغلط وبتحكي حكي غلط او ما اله لزوم بس مشان تضيع وقت المباراة وما تظل ساكت شو فيها لو تعتذر عن خطأك ... لما تحكي تبديل اللاعب رقم 18 ويطلع اللاعب اللي تبدل رقمه 6 .. شو في داعي تجبر غلطك بأنك تحكي الرقمين يقبلان القسمة على 2 !!!؟؟؟ ولما تيجي تحكي المباراة ينقصها اممممم .. ينقصها الكثير .. بالله عليك لو جيت انا وحكيتلك عددلي اثنين من الكثير ساعتها بتعرف تجاوب ؟؟؟
عزيزي المعلق : اللي انت احسن واحد وتعليق حيادي على جميع الفرق ... ماسك بالدوارة من غير تغيير ليش ؟؟؟ يعني الحكي انتهى وجمل التعليق خلصت من الكون ؟؟ ما في مجال للتطوير الذاتي ؟؟ ما في مجال للابداع ؟؟؟
انا نفسي اعرف شو القاسم المشترك الاصغر للرقم 2 .. اللي بنذكر بكل مباراة بجملة " المباراة لا تقبل القسمة على 2" مع انه احنا بنلعب دوري على النقاط والتعادل وارد .. يعني ممكن تقسم على غير ال 2 ويطلع في باقي كمان ...
عزيزي المقدم : بترجاك بترجاك .. لما حبيبك يخسر لا تزعل على الكاميرا عينك عينك .. وخليها في قلبك .. بلكي الله فرجها على العالم بنفس الليلة ...
عزيزي المقدم : أسألك بالله العظيم رب العرش الكريم انك تخف علينا وتعطي فرصة لغيرك .. خصوصا اذا كنت عمالك بتدخل باللي من شغلك وباللي من شغل غيرك ...
عزيزي المخرج : ركز معانا مع الهجمة وخلي الاعادة لوقت الفراغ او التوقف المناسب .. واذا في مجال تجيبوا كاميرات جانبية لكشف التسلل بنكون ممنون شواربكم ...
نهاية احنا ما بنقلل من حجم القناة ومجهودها احنا بدنا شي احترافي واكثر من هيك و دعائنا بالتوفيق لقناتنا الرياضية بالتطور والابداع وتصويب مسارها .. والا والله اشتراك الجزيرة ب 350 دينار اهون علينا من هالحكي ...
هذا رأيي كمتابع للقناة ... شو رأيك انت ؟؟؟ بس بدون تجريح بالله عليكم ...
عندما قالوا بأن الدوري الأردني سينتهي بثه على الجزيرة الرياضية ليبدأ على محطة وطنية استبشرنا خيرا ، وقلنا في قرارة أنفسنا بأن عهد "عبودية " الجزيرة " لا بارك الله فيها ولا في القائمين عليها " ، قلنا بأن ذلك العهد قد ولى ، وبأن عهد الصناعات الإعلامية الوطنية قد بدأ ، لكن على ما يبدو بأن تلك الصناعات تابعة لأندية محددة بعينها وربما لناد واحد وكأن بقية الأندية جاءت من الفضاء الخارجي .
هذه الحكاية تشبه تماما حكاية الربيع العربي الذي خرج بنتيجة واحدة وإن كان لا يدري بها " يا ريت اللي جرى ما كان" و " رجعولنا اللي كانوا".
يا عمي أنا شخصيا لا أشعر بالمقت ويراودني شعور بالقيء " وعذرا على التعبير" وذلك عندما أسمع صوت ماجد العدوان أو الخلايلة ، ولا أشعر بالمتعة صراحة إلا عندما أسمع الحنيطي يغرد .
يا عمي رجعونا عن جد ع الجزيرة أقل ما فيها لا وجود للانحياز في التعليق.
اولا كلامك مزيوط لكن هدا الموجودوهاي امكانيات القناه
وبعدين مع الجزيره كنا محرومين من متابعة معظم مباريات الوحدات والان نتابعها مجانا
ولانسبه للاخ ابو شهاب بتمنى ان لانغلط على العاملين بالقناة بهده الطريقه رغم انتقادنا لكثير من المواقف
اولا كلامك مزيوط لكن هدا الموجودوهاي امكانيات القناه
وبعدين مع الجزيره كنا محرومين من متابعة معظم مباريات الوحدات والان نتابعها مجانا
ولانسبه للاخ ابو شهاب بتمنى ان لانغلط على العاملين بالقناة بهده الطريقه رغم انتقادنا لكثير من المواقف
بنحترم رأيك اخي يوسف ...
بس في ناس بتشتري راحتها بفلوسها حتى لو كان الوضع المالي النا كلنا تعبان (فنحن ابناء نفس الطبقة)
وراحتنا هي بان نشاهد اعمال متقنة مميزة وشفافة وحيادية .. غير هيك ما بدنا نتفرج ...