للوهلة الأولى افتكرته ابو الفراجين والمداخلة للتفكهه
صورة مؤلمة جدا وتشي بكثير من القنوط
ولو نطق من فيها لقال شخوصها: ساعدني على حالك حتى اقدر اساعدك!
ليجيب الآخر: والله ما ظنيت. لا تغلب حالك
لاعب فنان ظلم نفسه
عادي حبيبي قاسم
طبعا.. لا حول ولا قوة إلا بالله، إنما (أبو عمارة) وبإذن الله سيكون أحسن لاعب في الفريق هذا الموسم، ومن أحسن لاعبي الموسم.. هذا، إذا نفّـذ ما جاء من أجله ووعد به مدربنا فييرا، فعلى ما يبدو أن الرجل - والله أعلم - بيرخي ذانُه..!.
منذر ما اشتغل على حاله
قضاها يوكل وجبات ويتصور عالمدرج
بدون زعل أخي حازم، ولو بدّك تزعل منّي فأرجو أن تسامحني، وتشطب مداخلتي هذه إذا فعلا رح تزعّلَك:
هسّة أنت مشرف في هذا المنتدى، وكلامك غير عن كلام أي عضو فيه، وأنا بعرف أن للمشرف كما للعضو حق التعبير عن رأيه، وإبداء وجهة نظره في كافة القضايا والطروحات، بغض النظر عن صحتها من عدمها..
هسّة... منذر أو أي لاعب، بغض النظر عن اسمه حتى ما حدا يقول إنّي بدافع عنه (ما اشتغل على حاله).. ماشي، من حقك ونظرا لمتابعاتك وقربك من الفريق، من حقك تُبدي وجهة نظرك بهكذا أسلوب وبالصيغة التي وردت فيها العبارة أعلاه، لأنك قد تكون تراه بالصورة التي لا يراها غيرك من زيادة وزن، أو من تصرفات في التمرين تدل أنه ما اشتغل على حاله -على حد تعبيرك- بينما غيرك يرى أن هذه طبيعة جسمه، كما كان جهاد عبد المنعم مثلا، والتمارين لسّة يا دوبك، لسّة بنقول يا هادي.. كما أن المباريات والبطولات الودية بالإضافة للتمارين اللي لسّة ما كمّلتِش بعددها ثلاث أو أربع تمارين هي التي ستفرز مين اللي اشتغل على حاله، ومين اللي المدربين اشتغلوا عليهم، يعني لسّة ما بلّشناش يا أخ حازم..
بعدين قصة (قضاها يوكل وجبات ويتصور عالمدرج)
يعني هو أنت عايِش معاه..؟!.
بذمّتك وبضميرك، هذا حكي بينحكى عن لاعب من لاعبينا..؟!.
.
.
.
الموضوع اللي جاي يابوأوس، لو سمحت، بدنا صور الوجبات واسم المطعم ومدرجات الستادات والملاعب اللي قضّاها (أبو عمارة) يوكل فيها هالوجبات ويتصور على كراسيها..!.