الله يرحم ايام الجزيرة الرياضية .... واتمنى ان تلعب مباراتنا مع الفيصلي بموعدها
الله يرحم ايام الجزيرة الرياضية .... واتمنى ان تلعب مباراتنا مع الفيصلي بموعدها - الله يرحم ايام الجزيرة الرياضية .... واتمنى ان تلعب مباراتنا مع الفيصلي بموعدها - الله يرحم ايام الجزيرة الرياضية .... واتمنى ان تلعب مباراتنا مع الفيصلي بموعدها - الله يرحم ايام الجزيرة الرياضية .... واتمنى ان تلعب مباراتنا مع الفيصلي بموعدها - الله يرحم ايام الجزيرة الرياضية .... واتمنى ان تلعب مباراتنا مع الفيصلي بموعدها
في الحقيقة ما اود ان اتكلم به على علم ويقين ان معظمكم ملم وعلى معرفة به
- عندما سمعت ان التلفزيون الاردني حصل على حصرية حقوق بث الدوري الاردني ما انبسطت ولا فرحت نهائيا لانو معروف شو ميول التلفزيون الاردني ومعلقيه فللامانة عادو بنا الى ايام المعيدي وبسام ابوحماد وميولهم الزرقاء وللاسف على اكثر كمان مع العلم ان المعلق لازم يكون حيادي بغض النظر عن ميوله وحبه للزرق بس بتنفخ في قربة مخزوقة .
-في مباراة شباب الاردن والفيصلي بدو يبين ماجد العدوان انو الفيصلي خسر بظلم تحكيمي وانو في ركلة جزاء صحيحة للفيصلي وانو المحارمة لازم ينطرد وانو الوقت بدل الضائع ما التعب منو غير دقيقة - اي مش عاجبك 6 دقائق؟؟؟ - وانو وانو وانو اي يا رجل انت لا تصلح لادارة استوديو تحليلي بالميول النادوية الزرقاء اللي عليك ولا تصلح للتعليق - يلعن الواسطة بس - ومهما بررت خسارة الفيصلي فصدقا انو فريقك واقع ولولا وجود اشرف نعمان لتعرض لخسارة كارثية .
- الحكم اسماعيل الحافي بحكي انو المحارمة في الدقيقة 51 لازم ينطرد !!! صحيح هو نزل بتهور نوعا ما على حسونة بس مش لدرجة الطرد يعني اخد اصفر ماشي الحال وبحكيلك العدوان هاد الشي اثر عالمباراة وضايل 40 دقيقة عالمباراة ولازم يلعب الشباب بي 10 لاعبين ... على اساس لو لعبو بي 10 لاعبين الفيصلي راح يفوز !!!! واضف انو ركلة الجزاء تاعت الفيصلي مش صحيحة .
-اما الاخراج فحدث ولا حرج وخصوصا في اعادات الاهداف اي الهدف الرابع للوحدات في مرمى اليرموك اقل ما يقال عنو انو برازيلي بس شوفنا المخرج ما عاد الهدف الا من اخره لما رأفت وصل منطقة الجزاء ومرر الكرة لعبدالله ذيب ... اي هدف زي هيك المفروض ينعاد من بداية الهجمة من نص الملعب مش من اخرو - وين الذوق عند المخرج ؟؟؟!!- والا عشان الهدف للوحدات ؟؟؟ وحتى في برنامج مختارات رياضية لما جابو مباراة الوحدات مع اليرموك كانت نص الكتابة مغطية الشاشة وما شوفنا الهدف الرابع منيح ولا حتى لاحظنا عليه اي تعليق انو اجمل هدف بالاسبوع .... اي ارحمونا عاد .
-صحيح الاتحاد ما رضي يأجل مباراة الوحدات مع الفيصلي بالكأس وانو الوحدات عندو نقص كبير من اللاعبين بداعي وجود منهم في المنتخب او للحرمان او للاصابة بس صدقا وهي كوجهة نظر مني انو نلعب في وقتها احسن لانو الفيصلي منهار تماما ومتعرض لخسارتين من البقعة والشباب وفوزنا عليهم ان شاء الله راح يكون مضمون وراح يدمرهم بزيادة وكمان المباراة فعليا هي مجرد لقاء قطبين والا احنا وضعنا بالكأس متأهلين ان شاء الله والهدف انو نزيد جراهم والوحدات قادر باذن الله .
واخيرا اخر ايام الجزيرة الرياضية صحيح كانت مهملة نوعا ما للدوري واحيانا ما كانت تبث مباريات بس صدقا يكفي فيها الحيادية والاخراج الرائع وفعلا الله يرحم ايام الجزيرة اي والله ما كان فيها نشااااااااااااااااز .
شتان ما بين الجزيرة و ما بين التلفزيون الاردني.
على الاقل كنا نشوف إخراج مميز للمباراة في الجزيرة و من عدة كاميرات بالاضافة إننا لم نرى نهفات مضحكة على الجزيرة من طراز ماجد العدوان و قدري حسن
1- الهدف الرابع للوحدات كان من جمله تكتيكيه رائعه ؟ والله ما منشوفها غير مع برشلونه والمشكله انها لم تعد بالشكل التي تستحقه . ولو كان هذا الهدف على الجزيره لتغنت فيه ساعات طويله .
2- جميع المعلقين بالتلفزيون منحازون بشكل غريب للفيصلي !؟؟ يا اخي غيوا اسمه لقناه الفيصلي الرياضيه ؟!؟
3- اذا بتشوف الاعلان عن حصريه البث للتلفزيون الاردني تلاحظ ان جميع الاهداف المختاره هي اهداف في مرمى الوحدات ؟! والله شكلوا الوحدات الفريق الوحيد بفوت في اهداف ؟!؟
فعلا الله يرحم ايام (الاي ار تي ) و ( الجزيره ) فعلا هذه قنوات رياضيه محترفه ومعلقين محترفون لا تستطيع معرفه ميولهم النادويه ولو تابعتهم عشرات السنين .
في النهايه نقول : حسبي الله ونعم الوكيل بكل من باع ضميره
مشكورين اخواني عالردود واكيد ملاحظاتنا عالتلفزيون وصلت المعنيين بس زي ما حكيت بتنفخ بقربة مخزوقة وما النا بعد ربنا غير الوحدات انو يكسر عينهم ويحصل على جميع البطولات ان شاء الله
وحاب اضيف كمان شي يا اخوان انو في مباراة الوحدات واليرموك كان هناك ركلة جزاء صحيحة للوحدات لعبدالله ذيب ما حكى عنها شي اسماعيل الحافي نهائيا - شكلو كان حاط على مباراة ميلان وبارما -