بعد التحية العطرة والمباركة بالشهر الفضيل
الى كل من انتقد البيكاسو ارجو عدم المغالاة عليه لانه اي واحد بعرف صاحب قصة ( البوت ) في سوريا بيعرف انو لاعب غير خلوق و انا اقسم بالله العظيم ان هذا اللاعب غير الخلوق شريف كان معي بمرحلة الثانوية قبل عشر سنين وكنا نلعب مع بعض بفريق المدرسة وانا اقسم بالله انو ما كان ينطاق من فريقنا ودليل كلامي ارجعو شوفو قصتو مع خليل وقضية ( البوت ) اعزكم الله
وعندما وصل رافت الكويت وفي احد المباريات جلست مع رافت وابو زمع كالعادة وكانت مباراة منتخبنا وسمعة اللاعب سيئة على مستوى الكرة الاردنية وشوفوا محمد خميس كيف ضربو بالامس لما اعترض في احد هجمات المارد فانا مع رافت في تصرفه
الحكم ومحلل التحكيم صاحب كلمة هجمه واعدة
مش فاهم واعدة بتعني انو الحكم عندو القدرة انو من لحظة رفع الكرة بيقدر يميز انو هاي هدف او لا ولا انو واعدة من الوعادة اللي مش عارف شو هي تفضل وحكى عن لمسة اليد للحناحنة وقال قدرها هجمة مش واعدة ولا قاعدة وقرر انو هجمة ابو كشك مع ابو حلاوة صاعدة وبعدين جاي معك دقائق بدك تدرس الحالة لا تطلع منها الا لما تخلصها لانها قضية واعدة
التلفزيون الاردني ؛
امبارح والله اني بلحظة من اللحظات صرت الف راسي على جنب التلفزيون من جهة اليسار لان التصوير كان في وسط الملعب والكرة عند منطقة 18 للفيصلي لغاية ما صرخت على اللي يصور وانتبهت عحالي وكان هذا الشوط الثاني ولما انتقلنا الا التحكيم جايبين مخرجين من جنوب ابصر وين بيحكيلو المقدم الفذ بدنا نوقف الكرة لحظة التمرير لابو حويطي ستة مرات تم اعادة الموضوع وبعدها تم الانتقال الى الهدف الثالث للفيصلي وبعدين رجعو للنقطة لانو اصر عشان يرفع قيمة حكم الراية التاني
وبيطلب دقيقة معينة عشان يعلق عليها فيها حالة تحكيمية ويقوم المذيع بشرح الموضوع للمخرج ويقوم المخرج بالتجربة ان زبطت فالحمد لله وان لم تزبط فالحمد لله انو الوقت متأخر واللي بشوفو التحليل ناس انحرق دمهم مش مركزين بس وين احنا جمهور الوحدات بنبين عيوبكم يا اساتزة
برانكو حبيبي سؤال مش مطرحو ممكن _او _مش محلو بجوز
ليش طلعت شلباية بغض النظر عن مين نزل ؟
ليش ما دخلت حسن من البداية واحنا شفناه جاهز امبارح ؟
السؤال الي بمحلو
ليش الفلسفة بوضع باسم فتحي ظهير هو انتا ما حضرت غلطة الاستاذ عدنان حمد بمباراة اليابان بشهر ستة ام الستة ولا شو ولا نوع من الفلسفة واظهار انك بتتاخر وبترجع
يحسب للوحدات
الوحدات تاخر امبارح 2 صفر من الزرق وجيب اصحاب 78 وتسمعائة والف من انصار المارد بيقلك الفيشلي بجيب هدف شنص وبرجع دفاع 1111111 لاعب بس هاي النقطة تحسب للاعبين اللي غيرتهم على النادي بمباراة الفيصلي
توقعات
تخبيص ولم اجد كلمة تليق على ما احدثه مدرب المارد امس اذا بقي على حاله سوف نفوز بالمباريات القوية ونخسر من الاندية الصغيرة والسبب ان الفوز سيكون من حب اللاعبين للفوز بالمباريات القوية
ان اصبت فمن الله وان اخطأت فمني انا
والله من وراء القصد
مشروع القناة الرياضية اشي برفع الراس
بس لما يكون مستوى الرياضية الفضائية
بذكرني بمستوى الرياضية الارضية
بصيبني احباط في المشاهده اذا اردتم الاحتراف
انظروا للرياضية السعوديه وتعلموا الاحتراف
كيف بكون
بالنسبة لرأفت انا ما بوافقك على الي صار لانه انت
بتكلف فريقك حمل كبير وخسارة متوقعه اما
اذا كان اللاعب الازرق من غير اخلاق لازم
احنا الي نعطيه درس بالاخلاق وعلى كل حال
هذا لا يقلل من قيمة البيكاسو وتسلم رجلك لو
حميت الضربه بس على شان مايبالغ بالتمثيل
وانما من حم الوجع
ويستمر الابداع وحرمان 6 مباريات والله لو تحرموه عشر ملايييييييييييين الا يضل مبهدل الفيشلي يا مساكين اتوقع ممكن ازا احترف تخلصو وتنفكو منو
الله محيي رافت فنان الكرة الارضية واعدكم بحلقات رافت علي واروع اعماله الفنية في الملعب
كل الشكر لملاحظاتك أخي الكريم ...
حقيقة أن الإخراج التلفزيوني للمباراة لا يرقى لمستوى الطموح .. و من الواضح أن من كان يقف خلف الكاميرات هم مبتدئين ...
برانكو فشل في الإمتحان الحقيقي ...
للمفارقة فان معظم الكفائات مذيعين ومخرجين وفنيين في اهم المحطات العربية جاؤوا من التلفزيون الاردني
ولكن التلفزيون الاردني الآن يعتمد على اجهزة وكاميرات عمرها 50 سنة وطاقم فني بدون خبرة او كفائة
واداريين هم عبارة عن موظفين حكوميين غير متخصصين
مرة بوزارة الزراعة ومرة بالخارجية ومرة بالتلفزيون حسب توافر الشواغر
شكلك كاين رايق يا عمر وانت بتكتب وتحلل الموضوع ، اتفق معك في جل ما جاء فيه وان كنت لا التمس العذر كثيرا لرافت لانه المفروض لاعب الخبرة في الفريق والقائد الذي يضبط ايقاع اللاعبين ،،،،
شكرا لموضوعك وننتظر مزيدك اخي عمر