كانت امنيتي الاولى اني اصير رئيس لنادي الوحدات - كانت امنيتي الاولى اني اصير رئيس لنادي الوحدات - كانت امنيتي الاولى اني اصير رئيس لنادي الوحدات - كانت امنيتي الاولى اني اصير رئيس لنادي الوحدات - كانت امنيتي الاولى اني اصير رئيس لنادي الوحدات
خير اللهم اجعلوا خير حلمت انو بيطلعلي فانوس سحري وبيحكيلي شبيك لبيك خادمك بين ايديك .... طبعا انا انعجقت ورحت غسلت وجهي من الخوف ورجعت للمارد فحكالي اطلب الي بدك اياه معك 3 امنيات .....
كانت امنيتي الاولى اني اصير رئيس لنادي الوحدات وحققلي اياها المارد بعدين طلبت منو فلوس وكانت الامنيه الثانيه فحققلي اياها عطول تصوروا اعطاني جبال من النقود والذهب والمجوهرات وحكالي ما حدا بيقدر يشوفهم غيرك ....... وطبعا ساعتها ما حدا قدي
وطلبت منه اني اصير نائب بالبرلمان عشان يكون في سند قوي للوحدات وجمهوره فحكالي ابشر
وبغمضه عين صرت رئيس للوحدات واغنى رجل بالعالم ونائب بالبرلمان .......
وبلش بعديها الشغل يابا رحت عالنادي وعملت جلسه لاعضاء الاداره وفهمتهم من البدايه انو ما في مكان بيننا لاي شخص بيقدم مصالحه الشخصيه عمصلحه الفريق واعملت اجتماع مع الشباب تاعون المنتدى وطلبت منهم انو يجمعوا ناس من جمهور الوحدات عشان نعطيهم عضويه لانو نادي كبير زي الوحدات ما بيصير يكون اعضائه اقل من 250 الف عضو طبعا هذا الشيء اقل اشي بقدر اقدمه للجمهور المثابر العظيم الي ياما تحمل لعيون الوحدات ....
وراحت الايام واجت الايام وبعد 5 سنين شو كانت النتيجه مدينه رياضيه من الطراز العالمي بمنطقه غمدان نحتوي على ستاد لنادي الوحدات وملاعب سله وطائره بالاضافه الى استراحه كبيره تحتوي على مسبح و ....الخ واصبح نادي الوحدات من اغنى الانديه في العالم ليرات حبطرش بطولات حبطرش دعوه من الريال مدريد من هون طلب استضافه من برشلونه من هون وطبعا كنا نرفض بداعي عدم قوه المنافس وما ننسى لما كريستيانو رونالدو صار بدو يلعب معنا برانيه بس احنا رفضنا عشان ميثاق الشرف وحكينا انو الوحدات اكبر من كريستيانو وغيرو وما بخبي عليكم مع هيك ضليت احس اني مقصر بحق الجمهور الوحداتي فقررت اني
اخلي الدخول مجاني لجميع مبارايات الوحدات الي عملعبنا غير هيك تامين المواصلات للجماهير من والى باب النادي وذلك للتوفير عليهم لانه جمهور الوحدات اغلبهم غلابه ....
والان بعد 10 سنوات لقيت انو نادي الوحدات صار عندو كل شيء من بطولات وموارد ولاعبين وووووووالخ........ فرجعت ادور عالمارد عشان يريحني من هالمهمه بس مارجع .........