خبر و تعليق - خبر و تعليق - خبر و تعليق - خبر و تعليق - خبر و تعليق
السلام عليكم
في خبر بيقول انو ادارة العقبة منحت نص الملعب لجمهور الفيصلي يعني 50% لجمهور الفيصلي
بينما طلبنا احنا قوبل بالرفض علشان ما يقحمو حالهم بغرامات و مشاكل قانونية
يعني شو بدنا نسمي هيك اشي
هنا خبر ان العقبة رفض منح مقاعد اضافية لجمهور الوحدات :
يلتقي شباب العقبة ونظيره الوحدات عند السابعة من مساء الأحد 19 تشرين الثاني، على ملعب شركة تطوير العقبة ضمن مباريات الأسبوع التاسع من دوري المناصير الأردني للمحترفين.
وبناء على مخاطبات الأندية والتنسيق فيما بينها، جاءت نسب الحضور الجماهيري للمباراة على النحو الآتي، بحيث تم تخصيص نسبة 75 بالمئة لجمهور شباب العقبة، والوحدات 25 بالمئة.
انا مني و علي و لا نادي بيستاهل نتعاطف معو او نتطلع عليه
كل الاندية مجتمعة عالوحدات
زي ما صار مع البقعة منحو الوحدات مقاعد اضافية و راحو اشتكو علينا بحجة فش مكان لجمهور البقعة .
و سلامة تسلمكو
فالله يرضى عليكو اللي بيقول احنا مع الاندية بقولو انت لحالك مع الاندية
اللي بيعاملك باشي عاملو بنفس الاشي
الخبر اكيد اخي ولا لسا مجرد كلام اذا فعلا الخبر اكيد
يجب عدم التعامل مع اي فريق مهما كان خذو حقكم والنا حقكم
مهما كان الفريق وبالنسبه للعقبه الحمد لله انو طلعنا من هيك ملعب بنتيجه ايجابيه وبالقويسمه بفرجها الله
طلب النادي الفيصلي من إدارة نادي العقبة، منح جماهيره 50 % من مدرجات ملعب العقبة الذي يستضيف لقاء الفريقين يوم السبت المقبل، ضمن منافسات الدوري.
وأكد الفيصلي أن طلبه جاء في ظل رغبة عدد كبير من جمهور الفيصلي في التوجه إلى مدينة العقبة لحضور المباراة، إضافة إلى جمهور الفريق في المدينة نفسها.
وينتظر أن تلتئم إدارة نادي العقبة، للبت في طلب النادي الفيصلي، علما أن المؤشرات ترجح موافقة العقبة على الطلب.
والله شايفلك الكوكب كله واقفلنا ع نكشه .. و مهما حكينا أو شكينا.. النادي محكوم بدبلوماسيات العلاقات الاجتماعية وما إلى ذلك.. مرفوع القلم .. السؤال المطروح لك شخصيا .. هل انت مع مقاطعة المباريات الغير بيتيه.. انا ارى انه هذا حل قوي لطالما الاداره محكومه.. ف الجمهور و بكل اريحيه يستطيع الضغط ووقف كل الأعمال العدائية ضد النادي .. عالعموم.. انا متضايق من المكاييل المتعدده لدى الانديه و الاتحاد
يا اخي هم احرار يعني الموضوع مش مستاهل كل هالحكي الحمدلله خلصت مباراة العقبة ونتيجتها لصالحنا وانا بقول فخار يكسر بعضه
لا مش احرار
لما نادي يطلب نص الملعب و يتم رفض الطلب بحجة القوانين
و الان رح يوافقو عطلب الفيصلي
عن اي حرية بتتكلم اخي
نادي بلعب معنا دفاع متكدس
و مع الفيصلي مفتوح
بتحكو حرين
و الله اخي ما بعرف شو يعني كل واحد حر بهيك طرق معفنة