منهم لله - منهم لله - منهم لله - منهم لله - منهم لله
طبعا دعوى من باب المحبه
رافت وحسن وعامر وشلبايه وابو زمع وكثير من نجوم الوحدات
ومحمد عمر وكاظم خلف ودراغان وثائر جسام واكرم
لانهم علمونا انه كرة القدم بس فوز ومتعه وعلمونا انه الوحدات ما بخسر الا بمعجزة.وعلمونا انه كل مباراة للوحدات نسأل بس عن عدد الاهداف . وعلمونا انه خسارتنا مع الغريم سببها بس حكم ظالم .وعلمونا قبل اي بطولة عربيه او خارجية انه ممكن .وعلمونا الغرور انه احنى الوحدات.
وللاسف تركونا بزمن صرنا نعتبر مباراة الجزيره مهمه جدا .ونحكي عن ذات راس فريق عنيد .والاهلي صعب .ومباراة السلط ثائر.
وصرنا نفكر بالمقاطعه .ونوخذ دوري رافعين الاحذيه. ونشجع الغريم مشان يخدمنا ويوقف المتصدر.
الاشي الوحيد الي ما علمتونا اياه حال الوحدات هي الايام
يا زلمة هو احنا كنّا بمحضر المباراة عشان رأفت ولا جهاد ولا اي شخص مع احترامي لهم جميعاً
انت هلاء بس بديت تحضر المباراة عشان المتعة وعشان كرة القدم
عالاقل أنا هيك
يعني الكبر اله دور ههههه
صديقي كلنا بنشجع اسم الوحدات .
بس للامانه هي اسماء حملت اسم الوحدات بضمير .
وكان في متعه بالكره وجيل كان يموت مشان شعار الوحدات
.اليوم جيل لاعبين عندهم الخساره اشي عادي .
وبهيك نفسيات الحلم بالبطولات الخارجيه صعب
ايام الزمن الجميل ومع ذلك كنا نخسر بالخمسات والستات والسبعات كمان هههههه
والله نسيت" زرعنا ضمة بقدونس والوحدات فضحنا بتونس"
" زرعنا بكسة خيار والوحدات جابلنا العار"
وهذا السنة لو بدينا صح ونوايا صح من المنظومه كامله " لاعبين,اداراة, مدرب , جمهور" كان ما احتجنا لا ل ازرق سماوي او ازرق غامق او مخطط يوقفلنا الاحمراني.
ايام الزمن الجميل ومع ذلك كنا نخسر بالخمسات والستات والسبعات كمان هههههه
والله نسيت" زرعنا ضمة بقدونس والوحدات فضحنا بتونس"
" زرعنا بكسة خيار والوحدات جابلنا العار"
وهذا السنة لو بدينا صح ونوايا صح من المنظومه كامله " لاعبين,اداراة, مدرب , جمهور" كان ما احتجنا لا ل ازرق سماوي او ازرق غامق او مخطط يوقفلنا الاحمراني.
كل الفرق الكبيره يا صديقي خسرت بنتيجه كبيره هي مش مقياس
ولكل مباراة ضروفها.بس وحدات اليوم غير وحدات زمان بكل المجالات
واذا بتذكر اكثر المباريات الي خسرنا فيها خارجي كان فيها ظلم . واتحاد ضعيف عنا واتحاد قوي عندهم .مباراة زي النصر السعودي حكم بطرد خط دفاع كامل ايش بدنا تكون النتيجه.
بس بالمقابل لعب فريقنا مباريات بترفع الراس .
وكان فريقي يهاجم اي فريق ايش ما كان حجمه .بس اليوم صرنا نفوز مباريات بهدف مع الدعاء.
زمان كانت الخساره جريمه .بس اليوم صارت شبه طبيعي.بطلنا نزعل.
واذا على البدايه الغير موفقه .هي الموسم رجع بين ادينا .الفرق 6 مع المتصدر والك معه مباراة
بس سؤال الك
انت داخليا مقتنع انه مستوانا بالوقت الحالي ممكن نلعب اياب بدون خوف او خساره ؟؟
الزمن الجميل وزمن الانتماء الحقيقي زمن ال 80
,
لما كانو يتدربو بعز الشتا والفرق كلها نايمة
.
لما كانو يوخدو معهم سطل لبنه وشوية سنيورة مقطعه وفرش خبز
.
لما المرحوم جلال قنديل قعد بالبيت 3 ايام...كانت عيد...لانه اضاع ركلة جزاء
.
هذا هو زمن الانتماء واللعب الجميل
الزمن الجميل وزمن الانتماء الحقيقي زمن ال 80
,
لما كانو يتدربو بعز الشتا والفرق كلها نايمة
.
لما كانو يوخدو معهم سطل لبنه وشوية سنيورة مقطعه وفرش خبز
.
لما المرحوم جلال قنديل قعد بالبيت 3 ايام...كانت عيد...لانه اضاع ركلة جزاء
.
هذا هو زمن الانتماء واللعب الجميل
معك حق
بس كمان الجيل الي بعد والي بعد لزمن رافت
كمان كانت ناس بتلعب لاسم الوحدات .وناس كانت تحس بطعم الخساره
وكان شبه المستحيل الفريق يخسر مباراتين على التوالي
ان زمان بس يخلص الذهاب بفارق 6 نقاط عن الفيصلي .
احسب انه اسوء احتمال نخسر 3 نقاط مع الفيصلي وبس
يعني الدوري يكون اخضر
بس اليوم لو الفرق 6 نقاط وضايل اخر 3 مباريات في خوف