هذا من اقل حقوقنا - هذا من اقل حقوقنا - هذا من اقل حقوقنا - هذا من اقل حقوقنا - هذا من اقل حقوقنا
انا عضو بالنادي منذ 2003 و تم شطب عضويتنا بلبلة ما فيها ضو قمر و عضو بالنت من يوم ما تاسس و بشجع الوحدات من يوم ما وعيت عالدنيا واول مبارة حضرتها للوحدات من 25 سنة كان عمري 7 سنين يا جماعة الخير هاي انتخابات نزيهة و ديمقراطية وكل اللي بدكم اياها بس اذا اللي بترشح لانتخابات واللي بنتخب قاريين عند شيخ واحد و اللي بعمل لمصلحة النادي برا و اللي بعمل لحاله جو هاد كله حكي فاضي
يعني طارق و عزت اللي شهروا ببعض العام في موضوع عضوية اتحاد كرة القدم يضلوا و للي زي زيد ابوحميد افهم واحد بالمعاملات الادارية خلافا عن انتمائه اللا محدود للنادي و علي خليفة و غيرهم كتير من المخلصين صاروا برا بدكم تقنعونا انه هاد في مصلحة النادي و ليكن هادا الحكي صحيح ليش كل موضوع بالنادي فيه كثير من الحلقات المفقودة و فيه كثير من اللغط و الامور الغير مفهومة . زي ما في ناس بتحكيلك خلبنا نعطي البياري فرصة طيب كيف واحد كويس مجربينه يطلع من الانتخابات و اللي مجربينه و عارفين شو هو نعطي فرصة
انا مابدي حد يفهم اني ضد حد او مع حد
انا ضد طارق بس ما بنكر انه وجه خير على الوحدات و عمل للنادي و انا ضد البياري لانه جربنا سابقا و شوفنا انه فترة انتكاسات و سامي السيد حدث و لا حرج عن الا مسؤولية و مين اللي بتحكم بانه هاد يضل و هاد يروح 4000 واحد متحكم فيهم 15 واحد و متحكمين ب 2 مليون واحد من الجماهير على الاقل و بعدين و اذا موضوع العضوية مشيت اموره تمام ساعتها بعينا الله على هالسنتين بس يكون بعلمكم ما رح نسكت عن اي تهاون ولازم يضل الوحدات مسيطر على كل البطولات لانه ما بنقدر نشوف الوحدات غير بالقمة
هادا راي وانا من حقي احكي و اذا الانتخابات نزيهة و ديمقراطية فلازم الموضوع ينزل بعد اذن المشرفين و باكد انه الانتخابات لم تفرز ماهو مصلحة النادي تماما انما افرزت مدى عشق البعض لموضوع الكرسي مهما كان يا عمي ما بدي ابارك لحد لانه النتخابات اللي ما فيه مصلحة النادي لا حاجة لنا بها
معك في كل ما تفضل به اخي الكريم ,
سنضرب بيد من حديد امام كل من يحاول المساس باستقرار النادي وعطائه ,,
وما بتفرق معنا البياري ولا مين ما يكون , لإنه الوحدات فوق الجميع ,
ولو اضطر الأمر , اعتصام مليوني باب النادي ,, ولا ينسى الرئيس أن الجمهور
هو من يصنع المناصب , ولولانا ما بيحلمو بهيك مكانة الكل بيتمناها ,,,
المهم إحنا ما نستبق الأحداث ,, لكن يا ويلو من غضبنا اللي بيساوم بحقوقنا ,,
وبيلعب بمشاعر ملايين عاشقة للوحدات .... خليه يتذكر إنه في حساب بينا
العزيز والحبيب lion قد يكون هذا اول موضوع تكتبه في الموقع منذ فترة طويلة وواضح تماما حرقتك على الانتخابات او نتائج الانتخابات ....اللي صار صار الان ..انتم اقرب للحدث ومن النادي منا نحن المغتربون ...ومتوكلين على الله اولا ثم عليكم لفضح اي محاولة هنا او هناك للعبث بنادي الوحدات او جمهوره ....الانتخابات افرزت هذه الادارة وعلينا ان نتعامل معها شئنا ام ابينا ويجب ان تصلهم الرسالة واضحة بان اعيننا عليهم عن قرب ولن نسمح لاي احد بالعبث بنادي الوحدات .....الف شكر على جهودك الكبيرة ...
ليس بالضرورة أن تفرز أية إنتخابات الأكفىء أو الرجل المناسب للمكان المناسب يا عزيزي .. الإنتخابات تحتكم دوماً لثقافة و فكر و عقلية الإنقياديين في المجتمع .. فتراها تفرز مزيج من الرجالات الأكفاء و الشخوص أصحاب القواعد الشعبية ...
إفراز الشخوص غير المناسبين لا يعني بالمطلق عدم نزاهة الإنتخابات أو فقدانها للمصداقية .. إنما تعكس مدى الرؤيا عند الشخص المنتخِب ...
تقبل مروري .. و إدعو الله أن يحفظ ماردنا الأخضر و أن يلهم أصحاب القرار لما هو خير ...